Mini Tarta me Luleshtrydhe

Një nga gabimet e shumta që gjithkush nga ne mund të bëjë është të ngrënurit më shumë se ç’duhet. E kur vjen puna tek ëmbëlsirat të gjithë biem pre e tundimit. Këto minitarta jo vetëm që kanë një shije të mrekullueshme dhe të ofrojnë mundësi të panumërta kombinimi, por janë në përmasën e duhur për të të ëmbëlsuar dhe jo tepruar. Kësaj rradhe mini-tartat e mia vendosa ti servir me krem pastiçerie dhe luleshtrydhe; që unë kaq shumë i dua. Ndjehuni të lirë të përdorni fantazinë tuaj mbi këtë recetë.

Në rast se keni miq që do tju vijnë në ditët në vijim ose dëshironi të keni një masë në duar për ta konsumuar gjatë ditëve; mund ti piqni tartat, ti vendosni në një enë hermetike dhe ti lini në frigorifer për momentin e servirjes. Ky brum i pjekur dhe i ruajtur në enë hermetike në temperaturë kostante duron deri në 6-7 ditë.

2 5 4

Përbërësit :

Brum Frolla (klikoni KËTU për recetën)

Krem Pastiçerie (klikoni KËTU për recetën)

Luleshtrydhe

 

Proçedura :

 

Për këtë recetë do ju nevojitet një tepsi minikekësh

Lyeni tepsinë e minikekëve me spraj gatimi ose me gjalp e miell që brumi të mos ngjisë tek folezat

Ndiz furrën në temperaturë 180°C

Pasi të hapni petën e brumit frolla me një prerëse brumi në formë rrethore prini format

Sigurohuni që rrathët e brumit të jenë më të mëdhenj se diametri i rrathëve të tepsisë, pasi brumi do të vijë në anë të gropëzave

Piqini minitartat deri sa të marrin një ngjyrë kafe të artë

Lërini të ftohen plotesisht para se ti mbushni me kremin e pastiçerise dhe luleshtrydhet

 

 Fotografitë nga Eranda Janku

Brumi Shu – Receta e Profiterolëve

Brumi Shu është një brum i lehtë i përdorur për profiterolët, pasta shu-në, “croquembouches”, “goungères” etj. Zakonisht piqet por ka raste dhe që skuqet. Në Spanjë dhe Amerikën Latine, çurrot janë brum Shu i skuqur, i sheqerosur dhe i lyer me çokollatë (vakt mengjesor).

Profiteroli është një ëmbelsirë Franceze (choux à la crème). Një top brumi Shu i mbushur me ajkë të rrahur, krem pastiçerie apo akullore. Këto pufka mund të dekorohen ose të lihen të thjeshta. Të lyhen me salcë çokollate, karameli, ose të pluhurohen me sheqer pluhur.

Sot vendosa t’ju tregoj dy receta në një post. Do t’ju orientoj se si të gatuani profierolë të mbushur me krem pastiçerie dhe të lyer me çokollatë. Siç e thash më parë kjo është vetëm një mënyrë se si mund ti gatuani këto kafshata të ëmbla (mbushja + dekori), prandaj ndjehuni të lirë të perdorni imagjinatën tuaj për të krijuar versione të reja !

Processed with VSCOcam with se3 preset Processed with VSCOcam with se3 preset Processed with VSCOcam with se3 preset Shqip

Proçedura për Brumin Shu:

Vendosni ujin, gjalpin, kripën dhe sheqerin nëse po e përdorni në një tenxhere në zjarr mesatar

Gatuajeni duke perzier, për 3-4 minuta ose deri sa gjalpi të jetë shkrire dhe masa të arrijë në vlim

Shtoni të gjithë masën e miellit në përzierjen e gjalpit dhe përdorni një luge druri për të përzier masën deri sa të kombinohet

Vendoseni në zjarr të butë dhe gatuajeni duke e përzier, për 1-2 minuta ose derisa masa të krijojë një top dhe të nisë të ngjisë pak në anët e tenxheres

Lëreni mënjanë për 5 minuta që të ftohet pak

Shtoni vezët një nga një duke i rrahur me lugë druri në masën e gatuar dhe të ftohur tashmë

Përzieni deri sa masa të bjeri nga luga por ta ruajë formën e saj

Ndizni furrën në temperaturë 200°C dhe shtroni 2 tepsia biskotash me letër furre

Me lugë caji përhapni masën në tepsi, duke lënë 3 cm largësi nga njëra tjetra

Gjithashtu mund të përdorni qesen e pastiçerisë me kokën e thjeshtë të saj (1.5 cm diametri) dhe formoni profiterolët në tepsi

Lagni gishtin tuaj tregues dhe shtypni lehtësisht majat e formuara tek secili profiterol (nëse keni përdorur qesen e pastiçerisë)

Piqni në furrën e nxehur për 25 minuta ose deri sa profiterolët të jenë fryrë dhe të kenë marrë një ngjyrë të artë

Hiqini nga furra dhe fikeni këtë të fundit

Duke përdorur një shkop shishqebapi ose një thikë të vogël, shponi çdo profiterol posht ose lart për të lëshuar nxehtësinë

Rifutini profiterolët në furrë dhe lërini për 15 minuta të thahen

Hiqini profiterolët nga furra dhe zhvendosini në një raft teli për tu ftohur

 

Proçedura për Profiterolët:

Shkrini çokollatë të zezë (të cilësisë së mirë) dhe shtoni pak vaj luledielli, lini mënjanë

Shponi çdo profiterol në pjesën e mbrapme

Vendosni krem pastiçerie në një qese pastiçerie dhe mbushini profiterolët me krem

Zhytni çdo profiterol në tasin e çokollatës së shkrirë dhe vendosini ato në një raft tel për ti kulluar nga çokollata e tepërt

Transferojini në një tepsi biskotash me letër furre dhe mund ti vijëzoni përsipër profiterolët me çokollatë të shkrirë të bardhë (opsionale)

Processed with VSCOcam with se3 preset Processed with VSCOcam with se3 preset Processed with VSCOcam with se3 preset Processed with VSCOcam with se3 preset Processed with VSCOcam with se3 preset Processed with VSCOcam with se3 preset Processed with VSCOcam with se3 preset Processed with VSCOcam with se3 preset Processed with VSCOcam with se3 preset Processed with VSCOcam with se3 preset

 

Fotografitë nga Eranda Janku

Krostatë Luleshtrydheje – Versioni me Brumin Frolla

Unë e dashuroj ushqimin Italian, sidomos ëmbëlsirat. Një krostatë është një tartë e pjekur Italiane, një ëmbëlsirë e thjeshtë e një forme të lirë me një hapje ku vendosen frutat.

Versioni i sotëm është i përgatitur me brumin e ëmbël Italian – brumin Frolla, ashtu siç duhet përgatitur në fakt (recetën e brumit e gjeni KETU).

Kjo recetë e thjeshtë në përgatitje, por shumë e shijshme në të shijuar, padyshim do t’ju bëjë ditën dhe është një zgjedhje e përkryer për bashkimet familjare apo shoqerore në “Kohën e Ëmbëlsirës” !

Continue reading “Krostatë Luleshtrydheje – Versioni me Brumin Frolla”

Si Të Gatuajmë Kremin e Pastiçerisë

Në këtë episod po ndaj me ju një nga recetat më të rëndësishme dhe bazike në pastiçeri. Ky është kremi klasik i pastiçerisë, përdorur shpesh në pastiçeri dhe restorante. Versioni i sotëm është përgatitur me miell në vend të nishestesh (do të postojmë në ditët në vijim versionin tjetër)

Ky krem mund të përdoret si mbushje e kekëve, krostatave ose pastave. Për të bërë një mbushje më të lehtë, bashkoje me ajkë të ëmbël të thjeshtë të rrahur.

Shqip

Proçedura :

 

Shtoni 400 ml qumësht dhe 100 gram sheqer në një tenxhere

Pritni bimën e vaniljes në mes dhe shtoni atë në qumësht

Silleni qumështin në zierje në zjarr të mesëm

Në një tas të pastër përziej së bashku pjesën e mbetur të qumështit dhe sheqerit, miellin dhe të verdhat e vezëve derisa përbërësit të jenë kombinuar plotësisht

Kur qumështi të arrijë në zierje hiqni bimën e vaniljes dhe derdhni pak qumësht të nxehtë në formën e një currili teksa e përzieni masën në tas në mënyrë që të mos gatuhen vezët

Kthejeni këtë masë në tenxhere dhe silleni në vlim në zjarr të butë, duke përzier në mënyrë konstante, që vezët të mos priten ose të ngjisë masa të fund të tenxheres

Kur kremi të arrijë në vlim dhe të trashet, fikni zjarrin dhe lëvizeni tenxheren nga nxehtësia

Shtoni gjalpin dhe përzieni derisa ky i fundit të jetë njëtrajtësuar me masën

Vendoseni masën në një enë e cila duron nxehtësinë dhe vendosni një letër celofoni drejt për së drejti në sipërfaqen e kremit për të parandaluar krijimin e një cipe

Mbajeni në frigorifer derisa të jetë ftohur plotësisht përpara se ta përdorni

2 3 Processed with VSCOcam with se3 preset

 

 Fotografite nga Julia Janku