Topa Të Shijshëm me Çokollatë Wedel Karamel

Duke qenë se Nëntori ishte një muaj shumë i suksesshëm i Kikiliciouss vendosa ta nis këtë muaj kaq të bukur sa Dhjetori me një tjetër recetë me bazë çokollatën Wedel. U gëzova pa masë teksa lexoja mesazhet tuaja mbi brownie-n dhe përshtypjet që kishit patur. Shpresoj që kjo recetë të jetë po aq popullore dhe pse jo dhe më tepër se e mëparshmja.

Doja të krijoja një recetë të ‘bon-boneve’ (truffles) me cokollatë pasi janë ideale për këtë periudhë të vitit; ku kemi mjaftueshëm kohë ti impenjohemi gatimit dhe pse jo të lëmë përshtypje të mirë tek të afërmit apo miqtë që mund të na vinë për vizitë.

Duke u larguar pak nga çokollata e zezë që unë kaq shumë e dua, vendosa që këto bon-bone (truffles) të kenë për bazë çokollatën Wedel me shije karameli. Kombinimi i të gjithë përbërësve sjell një shije fantastike e cila ju shkrihet lehtësisht në gojë për t’ju falë kënaqësi dhe ëmbëlsi.

Continue reading “Topa Të Shijshëm me Çokollatë Wedel Karamel”

Minikekë me Portokall dhe Luleshtrydhe

Minikekët me portokall dhe luleshtrydhe janë kërkuar prej jush për një kohë të gjatë dhe më vjen keq që nuk kam patur mundësinë t’i postoj më parë.
Këto minikekë me fruta janë shumë të shijshëm dhe të butë. Ato nuk e dyfishojnë masën e tyre teksa piqen, por mos u shqetësoni. Një mëngjes dhe zamër ideale si për të rriturit ashtu dhe fëmijët. Gjithashtu kjo mund të jetë një mundësi e mirë nëse fëmijët tuaj nuk i pëlqejnë frutat !

Continue reading “Minikekë me Portokall dhe Luleshtrydhe”

Kek Djathi / Cheesecake Oreo Pa Pjekje

Do të gënjeja nëse do t’ju thoja që jam një njeri i fiksuar pas biskotave Oreo. Më pëlqejnë natyrisht, por gjithmonë e heq mbushjen nga biskota. Tejet e ëmbël për mua.
Kjo ëmbëlsirë ishte një kërkesë e një mikut tim të dashur i cili vizitoi Shqipërinë këtë verë. Ai duket qartë që është i dashuruar me këto biskota dhe natyrisht unë isha e gatshme për ti plotësuar dëshirën. Kërkova mbi ëmbëlsira të ndryshme me Oreo dhe përfundova me këtë kek-djathi / cheesecake të mrekullueshëm pa pjekje me Oreo. Një recetë e ndryshme e kekut të djathit nga ajo që unë dhe ju jemi mësuar të gatuajmë.
Të jem e sinqertë u preka nga fjalët e tij pas përfundimit të fetës së parë të cheesecake-ut. Do doja me gjithë zemër ta ndaja me ju mesazhin e tij, por ai preferon të qëndrojë personale dhe natyrisht unë do t’ia plotësoj dëshirën. Fjalët e tij, fjalët tuaja, komentet; ma zbukurojnë ditën dhe më frymëzojnë për të punuar çdo ditë e më shumë !

Continue reading “Kek Djathi / Cheesecake Oreo Pa Pjekje”

Ëmbelsirë me Manaferra

Unë i pëlqej tej mase manaferrat dhe kjo periudhë e vitit është ideale për të eksperimentuar dhe për të krijuar qindra receta të reja. Ëmbëlsira, me apo pa pjekje; pije, gatime të ngrira, koktejle etj.
Kjo recetë jo vetëm që është shumë e shijshme, por e thjeshtë dhe e shpejtë për tu përgatitur gjithashtu. Është zgjedhja e duhur si ëmbëlsirë që merret me vete, në rast se po organizoni një festë jashtë apo piknik.

2 3 4 5 AAA

Proçedura:

 

Ndizni furrën në temperaturën 176 ° C

Në një tas të vogël përzieni manaferrat me 25 gram sheqer

Në një tas të pastër përzieni së bashku miellin, fryrësin e ëmbëlsirave, kripën dhe 50 gram sheqer

Në një tas tjetër kombinoni përbërësit e lëngshëm : qumështin, gjalpin e shkrirë dhe vaniljen

Përzieni së bashku në brum përbërësit e thatë dhe të lëngët

Ndani në mënyrë të barabartë manaferrat në enë të vogla për pjekje

Mbuloni manaferrat në mënyrë të barabartë me brum

Vendosini enët në një tepsi për biskota

Piqini për 40-45 minuta derisa shtresa e sipërme të ketë marrë një ngjyrë kafe të artë dhe manaferrat të jenë duke flluskuar

Servireni me akullore ose ajkë të ëmbël të rrahur

6-M 7-M

 

Fotografitë nga Eranda Janku

Receta e Brumit Të Tartës

Një recetë e thjeshtë e brumit bazë të tartës dhe që ia vlen ta besh vetë !

Shqip

Proçedura :

 

Në një mikser vendosni miellin, kripën dhe sheqerin dhe pulsoni derisa të kombinohen përbërësit

Shtoni gjalpin dhe punoni duke pulsuar, deri sa masa të jetë thërrime-thërrime (për rreth 15 sekonda)

Shtoni ngadalë ndërkohë që mikseri është duke pulsuar 60 ml ujë me akull, deri sa brumi të nisë dhe të mblidhet së bashku kur ti shtypni thërrimet me njëra tjetrën (nuk duhet të keni një top solid brumi)

Shtoni ujin e mbetur, nëse është e nevojshme

Mos pulsoni për më shumë se 30 sekonda

Vendoseni brumin në tavolinën tuaj të punës për ta mbledhur në një top

Ndajeni brumin në 2 pjesë të barabarta, sheshojeni çdo porcion në një disk prej 12 cm, mbulojeni me letër celofoni dhe lëreni në frigorifer për 30-60 minuta, ose deri sa të jetë mpiksur mjaftueshëm për t’u hapur (kjo do të bëjë që gjalpi të ftohet dhe të lejojë glutenin në miell që të lëshohet)

Në këtë fazë ju mund ta ngrini brumin në akull deri në një muaj

Shkrini brumin në frigorifer për disa orë ose brenda natës para se ta përdorni

Në një sipërfaqe të spërkatur me miell, hapni secilin disk brumi me okllai në mënyrë që ta nxërë tek tepsia e tartës (diametri 20-23 cm)

Për të parandaluar ngjitjen e brumit në tavolinë dhe për të siguruar një trashësi uniformë, rrotullojeni brumin herë pas here një çerek rrotullimi teksa e hapni me okllai (gjithmonë hapeni petën e brumit duke punuar nga qendra jashtë për të patur një trashësi uniformë)

Për t’u siguruar që e keni në madhësinë e duhur, merrni tepsinë e tartës, vendoseni përmbys sipër brumit. Brumi duhet të jetë rreth 5 cm më i madh se tepsia

Kur ta keni hapur brumin në madhësinë e duhur, me ngadalë rrotullojeni brumin rreth okllaiut, duke hequr miellin e tepërt nga brumi teksa e bëni këtë veprim

Më pas hapeni petën e brumit sipër tepsisë suaj

Asnjëherë mos e tërhiqni brumin ose do të keni atë që quhet ‘tkurrje’ (tkurrja shkaktohet nga tërheqja e tepërt e brumit kur ai është vendosur në tepsi)

Butësisht vendoseni në tepsi dhe me gishta formoni konturin e bazë së tepsisë

Rregulloni buzët e tepsisë së tartës me dorë ose duke përdorur një pirun

Nëse është e mundur lëreni në frigorifer brumin para se ta mbushni dhe ta piqni

Tani brumi është gati për tu perdorur

IMG_4538

IMG_4546 IMG_4553 IMG_4556 IMG_4559 IMG_4566

 

Fotografitë nga Eranda Janku

Krostatë Luleshtrydheje – Versioni me Brumin Frolla

Unë e dashuroj ushqimin Italian, sidomos ëmbëlsirat. Një krostatë është një tartë e pjekur Italiane, një ëmbëlsirë e thjeshtë e një forme të lirë me një hapje ku vendosen frutat.

Versioni i sotëm është i përgatitur me brumin e ëmbël Italian – brumin Frolla, ashtu siç duhet përgatitur në fakt (recetën e brumit e gjeni KETU).

Kjo recetë e thjeshtë në përgatitje, por shumë e shijshme në të shijuar, padyshim do t’ju bëjë ditën dhe është një zgjedhje e përkryer për bashkimet familjare apo shoqerore në “Kohën e Ëmbëlsirës” !

Continue reading “Krostatë Luleshtrydheje – Versioni me Brumin Frolla”

Si Të Përgatisni Bugaçen Tradicionale Greke

Bugaçja Greke gjithnjë më ka kujtuar fëmijërinë time dhe pushimet në Greqi. Unë e kam eksploruar së tepërmi Greqinë me familjen time gjatë pushimeve tona verore dhe gjithmonë për mëngjes zgjidhja ëmbëlsirën Greke të quajtur Bugaçe. Ky është një nga kujtimet e mia më të dashura të fëmijërisë sime, dhe madje tani si një e rritur unë ‘vdes’ për Bugaçe dhe përpiqem ta gatuaj sa herë kam kohë. Këtë recetë e kam marrë nga miqtë e mi Grekë dhe e provova. Nuk është e thjeshtë ta gatuash Bugaçe-n, pasi duhet ta provosh disa herë për të arritur në shijen e duhur. Por jua garantoj; do ta doni po aq sa unë këtë ëmbëlsirë. Dhe të gatuarit vetë recetën është gjithmonë një ndjesi e vecantë. Mëngjesin e kaluar u ndjeva në humor për të gatuar mëngjesin tim Grek dhe tani mund të jetë dhe i huaji.

Çelësi për të përgatitur Bugaçe-n më të shijshme Greke është të përdorësh gjalp të freskët dhe me cilësi të mirë për të lyer me të petët e brumit fillo. Receta autentike e Bugaçe-s Greke lidhet me gjalpin ‘galaktos’ të bërë nga qumështi i lopës i cili i jep një shije të mrekullueshme dhe aromë të pasur. Një truk i vogel i cili do të realizojë që petët e brumit fillo të jenë kërce dhe të ndara lehtësisht nga njëra tjetra, është që gjalpin e shkrirë ta spërkatni mbi petët e fillos, në vend që ti lyeni ato. Të punuarit me brumin fillo mund të jetë shumë e ndërlikuar pasi është një brum i brishtë dhe mund të thahet shumë shpejt, kështu që kontrolloni me kujdes hapat përpara se të nisni përgatitjen e Bugaçe-s. Mos harroni të lyeni mjaftueshëm me gjalp pjesën e sipërme të Bugaçe-s dhe ta çani lehtësisht me thikë për të çliruar avuajt.

Processed with VSCOcam with se3 preset

Përbërësit për brumin fillo :

1024 gram miell

2 tsp Raki (ose uthull e bardhë)

2 tsp vaj ulliri

lëngu i një limoni

293-314 ml ujë i nxehtë

miell për sipërfaqen e punës dhe duart

 

Shenim : Çelësi për këtë recetë është uji i nxehtë. Përdorni ujin më të nxehtë të çesmës suaj

Për të hapur petët perdorni makinën e makaronave

 

Procedura :

Përziej të gjithë përbëresit së bashku në një tas të madh me duar derisa të formojnë një masë

Në sipërfaqen e punës të pluhurosur me miell më parë, puno brumin me duar për 15-20 minuta derisa të jetë i butë dhe i lakueshëm

Mbështille brumin me letër celofoni dhe lëre në frigorifer gjatë natës para se ta përdorni

Për të bërë petët e brumit fillo, punojeni me makinën e makaronave (me gradacionin nga 1-10, duke qenë 1 me e trasha), punojeni brumin në mënyrë graduale duke e ulur trashësinë në 9 në makinën tuaj

Fillo-ja e papërdorur (e pahapur në petë) mund tv ruhet në frigorifer, me mbështjellëse hermetike, për deri në 10 ditë pas përgatitjes së brumit

Sasia e përftuar : afërsisht 1.3 kg

 

Përbërësit për Bugaçen :

400-450 gram brum fillo

200 gram gjalp, i shkrirë

1 liter qumësht

200 gram sheqer

120 gram miell

4 vezë

1 tsp ekstrakt vaniljeje

 

Përbërësit për shtresën e sipërme :

Kanellë pluhur

Sheqer pluhur

 

Proçedura :

Përgatitni mbushjen: shtoni në një tas të madh sheqerin, vezët dhe miellin; rrihi së bashku derisa përbërësit të jenë kombinuar

Vendos në një tigan qumështin dhe ekstraktin e vaniljes dhe silleni në vlim

Vetëm pak para se qumështi të vijë në vlim, hidh 1/3 e qumështit me garuzhde në masën e miellit dhe perziej

Ulni zjarrin dhe shtoni masën e miellit në tigan me pjesën tjetër të qumështit të ngrohtë

Rrih shumë shpejt, derisa masa të jetë e trashë, kremoze dhe e butë (mos e lëvizni tiganin nga nxehtësia) Kjo do të dojë rreth 2-3 minuta

Largojeni tiganin nga nxehtësia dhe përziejeni herë pas here gjatë kohës që jeni duke përgatitur recetën e Bugaçe-s, për ta mbajtur kremin që të mos krijojë cipë në shtresën e sipërme

Për këtë recetë të Bugaçe-s do tju nevojitet një tepsi e madhe, rreth 20×30 cm

Duke përdorur një furçë pasticerie, lyeni me gjalpë pjesën e poshtme dhe anët e tepsisë

Për këtë recetë ju duhen 10-12 petë fillo

Përdorni 5-6 petë fillo për pjesën e poshtme të Bugaçe-s dhe 4-5 petë për pjesën e sipërme

Nisni duke i shtruar petët një nga një në pjesën e poshtme të tepsisë, duke u siguruar që të spërkatni tërësisht çdo petë me gjalp të shkrirë

Shto kremin, duke e lëmuar sipërfaqen e tij me spatul ose kurrizin e një luge dhe më pas shtro pjesën e rradhës sipër kremit duke u siguruar që peta ta ketë mbështjellë kremin

Shtro 4-5 petët e mbetura duke spërkatur çdo petë me gjalpin e shkrirë

Me një thikë prini pjesët e tepërta të petëve anash tepsisë, dhe pjesën tjetër sistemojeni në anë

Lyejeni petën e sipërme mjaftueshëm me gjalp dhe çani (jo thellë) Bugaçe-n me një thikë të mprehtë

Piqeni Bugaçe-n në furrën e ngrohur paraprakisht në 160 gradë C për 45 minuta, ose derisa peta të jetë kërce dhe në ngjyrë të artë

Lëreni Bugaçe-n të ftohet dhe para se ta servirni pluhuroseni me kanellë dhe sheqer pluhur

 

Shijojeni teksa është ende e ngrohtë me një filxhan çaj ose kafe !

Processed with VSCOcam with se3 preset Processed with VSCOcam with se3 preset Processed with VSCOcam with se3 preset

 

Fotografite nga Eranda Janku

Kek Me Çokollatë Të Bardhë

Disa nga adhuruesit e çokollatës së bardhë më kërkuan të përgatisja një kek me çokollatë të bardhë, dhe ja ku jam këtu duke ndarë me ju një nga recetat e mia të pakta me çokollatë të bardhë. Dola në përfundimin se duhet të gatuaj më shpesh me çokollatë të bardhë !

Processed with VSCOcam with se3 preset Processed with VSCOcam with se3 preset Shqip

Proçedura :

 

Ndiz furrën në temperaturë 180°C dhe shtroni me letër furre bazën e një tepise me hapje anësore (ose çfarëdo lloj tepsie që ju gjendet) me diametër 23-25 cm.

Shkrini 225 gram çokollatë të bardhë me gjalp në banjomari, duke e lënë pjesën tjetër të çokollatës për dekorin

Përzieni të verdhat e vezëve me sheqerin derisa të formohet një masë dense dhe kremoze

Shtoni me ngadalë çokollatën e shkrirë, teksa vazhdoni të përzieni

Shtoni miellin dhe bajamet e shtypura.

Në një tas të pastër rrihni të bardhat e vezëve derisa të krijojnë maja të forta

Bashkojeni këtë masë me brumin duke e përzier me kujdes nga poshtë – lartë në një kënd të gjerë

Piqeni masën për 45 minuta ose derisa të ngulni një kunjë dhëmbësh në mes dhe të dalë e pastër

Shkrini pjesën e mbetur të çokollatës së bardhë dhe shtojani sipër, mund të shtoni edhe copëza cokollate.

Processed with VSCOcam with se3 preset Processed with VSCOcam with se3 preset Processed with VSCOcam with se3 preset Processed with VSCOcam with se3 preset Processed with VSCOcam with se3 preset

 

Fotografite nga Eranda Janku

Brownie

Janë gjithsej 3 lloje Brownie : Brownie Kek, Chewy Brownie (brownie elastik, i cili të krijon ndjesinë e këndshme të përtypjes) dhe Fudge Brownie (Brownie i cili është më i butë dhe i lagësht në përmbajtje, nuk është totalisht i pjekur dhe krijon idenë e ngjitjes në gishta) Mendoj se Brownie im duket si keku Lava kur është i ngrohtë (të cilin kur e çan në mes derdh masën e çokollatës) dhe Fudge Brownie kur ftohet, një kombinim me të vërtetë shumë interesant.

Continue reading “Brownie”

Tortë Me Kungull

Torta me kungull është njëëmbelsirë tradicionale, shpesh e konsumuar gjatë vjeshtës dhe fillimit të dimrit, sidomos në Ditën e Falenderimeve dhe Krishtlindjeve; në Shtetet e Bashkuara dhe Kanada. Kungulli në vetvete simbolizon kohën e korrjes dhe është gjithashtu i pranishëm në festën e Halloween-it.

Kjo recetëështë më e plotë, më kremoze dhe si rrjedhojë më e rëndë. Por në fund, kush mund ti thotë jo njëëmbelsire kaq të shijshme sa torta me kungull ?!

Continue reading “Tortë Me Kungull”