5 Ide Për Këtë Shën Valentin

Pas Janarit më të gjatë, “muaji i dashurisë” është këtu. Po, është koha të rrethoheni nga zemra të kuqe, lule të bukura dhe fjalë të ëmbla. Personalisht mendoj se cdo muaj duhet të jetë muaji i dashurisë, por hej, Shën Valentini nuk i ka bër asnjëherë keq kujt. Në fakt është e këndshme të pasurit të një dite për të bërë gjërat e bukura, të vogla apo të mëdha.

 

Tek Kikiliciouss ne vlerësojmë pervojat mbi gjithçka, prandaj këtë vit po i lëmë pas të mirat materiale dhe po kthehemi drejt dhënies kuptim të çdo momenti. Vazhdoni të lexoni mbi 5 idetë se cfarë mund të bëni këtë Shën Valentin me personin tuaj të zemrës. Më pëlqejnë shumë këto ide sepse janë të realizueshme jo vetëm me partnerin tuaj por me këdo person të veçantë në jetën tuaj.

 

  • Një mëngjes i përgatitur plot dashuri

Nëse puna dhe rutina juaj e mëngjesit jua lejojnë të dyve, merrni kohën ta nisni ditën me një mëngjes të gatuar në shtëpi plot dashuri. Shën Valentini bie në një të enjte këtë vit, dhe lënia e rehatisë dhe ngrohtesisë së krahëve të një personi të dashur për të përballur ditën (me shumë gjasa) me shi do të jetë e vështirë. Por një ditë që nis ëmbël, vazhdon ëmbël. Nuk ka si një mëngjes i mirë për të nisur mbarë ditën.

  • Dërgoni lule dhe ëmbëlsirën e saj/tij të preferuar në pushimin e drekës për një surprizë të ëmbël

Sigurohuni që personi juaj i zemrës është në rregull me shfaqjen e dashurisë në publik pasi kjo do t’i vërë në qendër të vëmendjes në ambientin e tyre të punës. Po përpiqeni të gjeni ëmbelsirën e duhur për partnerin tuaj? DM @Kikiliciouss për të gjetur ëmbëlsirën perfekte!

  • Arratisje nga qyteti për një piknik nën yje

Sigurisht, një darkë në një restorant luksoz është gjëja më tradicionale për Shën Valentinin, por këtë vit mund të veproni ndryshe e të zgjidhni një darkë intime nën yje. Kushtojini vëmendje parashikimit të motit (ky është një “operacion” që kërkon kohë të thatë) dhe nëse nuk keni ndërmend të ndërtoni një tendë të tërë, bëni mirë të përgatiteni për një mot të freskët. Pajisuni me batanije dhe shijoni ushqimin tuaj nën një qiell me yje!

  • Organizoni një mbrëmje shijimi vere

Ndonjëherë është e këndshme të ndiheni plot klas pa u dashur vërtetë të silleni plot klas dhe në fakt të shijoni rehatinë e intimitetit të një personi të dashur. Zbuloni një variete shijesh vere por sigurohuni ta shoqëroni me ushqim (të gatuar vetë apo jo), sepse do t’ju duhet të keni një fytyrë të hijshme të nesërmen në punë.

  • Një arratisje fundjave

Nëse dëshironi t’i kushtoni partnerit tuaj më shumë se sa thjesht një mbrëmje të vecantë, mund ta shtyni “festimin” dhe të merrni të gjithë fundjavën për të festuar. Në një kohë kur të gjithë jemi kaq të zënë gjatë të gjithë ditës, kjo mund të vlejë vërtetë si një kremtim i kohës kushtuar njëri-tjetrit.

 

Fotot e pa-loguara janë marrë nga Pinterest

Dhurata e Kikiliciouss për këtë Shën Valentin

Jam shumë entuziaste për këtë artikull pasi ishte sugjerimi juaj për këtë muaj të veçantë. Më vjen vërtet mirë që 2 artikujt e mëparshëm dedikuar dhuratave dhe ideve për femrën ose mashkullin tuaj patën sukses dhe interes maksimal. Shumë nga ju më kanë pyetur nëpërmjet mesazheve e të tjerë më kanë dërguar foto të produkteve të blera nga bizneset e sugjeruara duke më falenderuar për idetë. Ndihem mirë që ju kam ardhur sado pak në ndihmë.

Ashtu sikurse patëm sukses me kutitë e dhuratave përgjatë Krishtlindjeve dhe Vitit të Ri, mesazhet për t’i rikthyer këto ide për këtë Shën Valentin ishin të shumta.

Prandaj Kikiliciouss në bashkëpunim me 1 Fjongo Për Ty sjellin këtë rradhë një tjetër propozim dhurate tejet të ëmbël dhe të veçantë. Kjo kuti druri e punuar në mënyrë artizanale mban 5 biskota të mëdha bronwie në formë zemre. Këto biskota mund të jenë të thjeshta siç i shikoni në foto, ose mund t’i shkruani partnerit tuaj fjalë në çdo biskotë duke krijuar një fjali dedikuese në total. Kjo është e gjitha në dorën tuaj për ta vendosur, e në tonën për ta ekzekutuar. Finalizuar me detaje të thjeshta si zemra apo vula e kuqe dhe letra në të cilën ju mund ti shkruani një dedikim personal; kjo dhuratë është ideale për një festë të tillë.

Ajo ç’ka e bën akoma më të bukur këtë dhuratë është fakti se pas mbarimit të biskotave kutia mund të ripërdoret në forma të ndryshme, duke mos e humbur vlerën, apo bukurinë e saj.

Për të porositur kutinë tuaj na kontaktoni në adresën tonë të email-it : [email protected], Instagram ose Facebook.

Produkti final kërkon disa ditë kohë të realizohet, pasi çdo element është punë artizanale, ndaj do ju luteshim të bënit porosinë tuaj sa më parë, duke na lënë ne kohën e nevojshme për të përgatitur me cilësinë maksimale detajet e surprizës suaj.

VDAY2 VDAY3 VDAY4

 

Fotografitë nga Eranda Janku

5 Ide Se Çfarë Mund T’i Dhuroni Atij Për Shën Valentin

Jam shumë e entuziazmuar të ndaj me ju këtë artikull i cili tregon, e për më tepër ju orienton, drejt ideve të ndryshme interesante se çfare t’i dhuroni personit të zemrës këtë Shën Valentin.

Para se të vazhdoj më tej më duhet t’ju rrëfej që opinioni im për këtë festë ka ndryshuar. Nga skepticizmi i prerë (pse duhet të kalojmë në ‘shtirje” që e dashurojmë tmerrësisht njëri tjetrin në një ditë kur këtë duhet ta tregojmë çdo ditë me vepra dhe jo një ditë me dhurata), kam kaluar në mendimin se është në rregull të festosh një ditë e cila i dedikohet dashurisë. Fundja ashtu sikurse festojmë çdo festë tjetër përgjatë vitit. Por ende mbaj qëndrim kur them që dashuria nuk tregohet vetëm në një ditë, por në të 365/6 ditët e vitit.

Nga moria e ideve, mendova të ndaj me ju më së shumti disa propozime dhuratash të cilat mund t’i gjeni lehtësisht në tregun tonë dhe çfarë është më e bukura, këto produkte janë të prodhuara në Shqipëri. Mendoj se është shumë e rëndësishme që përpara se t’i drejtohemi tregut të huaj, të shohim se çfarë na rrethon. Por këtë që sapo thashë e kam arritur vetëm falë dëshirës dhe kuriozitetit për të thyer barrierat e mia personale. Duke qenë një njeri skeptik ndaj prodhimit vendas në fusha të ndryshme (si ai i këmishave, kozmetikës etj), jam munduar të provoj këto produkte e më pas të shihja nëse gjykimi im ishte i drejtë apo jo. Më duhet të pranoj që në mjaft raste (futur këtu bizneset që do ju flas më poshtë) pas blerjes sime të parë, mendimi im ka ndryshuar rrënjësisht dhe jo vetëm që jam kthyer në një konsumatore të rregullt, por kam shtyrë dhe miqtë apo të njohurit e mi t’i provojnë. Ky vit që na la pas ka qenë një vit i mbushur plot me njohje të reja të cilat më kanë sjelle gëzim, frymëzim e për më tepër një tjetër këndvështrim dhe vlerësim për punën vendase.

Pa humbur kohë dua t’ju rrëfej 5 ide dhuratash për njeriun tuaj të zemrës :

 

Kur vjen puna tek zgjedhja e një dhurate për një mashkull, këmisha nuk ju lë kurrë në baltë. Mjafton të zgjidhni cilësinë e duhur (është tejet e rëndesishme cilësia dhe materiali në një këmishë), të njihni shijen e personit në krah dhe kjo dhuratë do të jetë shumë më tepër se thjesht një veshje për t’u ndërruar në përditshmëri. Sot dua t’ju prezantoj me një biznes shqiptar, i cili më ka ndryshuar rrënjësisht mendimin për prodhimin e këmishave në vendin tonë. Dhe nëse kjo nuk ju bind atëherë lërmëni t’ju them që këto këmisha eksportohen dhe tregtohen në Itali. Kështu që pse të blini një produkt në vendin fqinj të prodhuar në Shqipëri kur mund ta merrni atë direkt nga fabrika këtu?! CRIST Linea Uomo është një brand i krijuar që prej vitit 1999 në Tiranë. Njihet për këmishat “su misura”(me porosi) tepër cilësore për meshkuj dhe femra. Gjithashtu në dyqanin e tyre gjeni dhe produkte të brand-it Italian “Pal Zileri”.

CLUM1

  • Organizojeni ju ditën tuaj së bashku

Shpesh herë ndodh të jenë meshkujt ata që planifikojnë se ku do të darkohet dhe çfarë planesh do të vijnë më pas. Si mendoni sikur këtë Shën Valentin t’ia lehtësoni pak punën? Vendoseni ju se si do jetë e organizuar koha juaj e lirë në dispozicion të njëri-tjetrit. Mund të rezervoni paraprakisht në restorantin e më pas lokalin ku mund të kaloni për një pije. Zgjidhni një vend i cili lidhet ngushtë me historinë tuaj ose thjesht një vend të cilin ai e pëlqen. Nëse doni t’i bëni gjërat pak më pikante dhe emocionuese atëherë dërgoini një sms ose më mirë akoma një pusulle në punë që në mëngjes duke i cilësuar që rregullat e lojës për atë ditë i vendosni ju. Lëreni të presë një tjetër sms/pusullë e cila do tregojë hapin e rradhës e kështu deri sa të takoheni. Mund t’i zgjidhni veshjen që do të veshë gjatë darkës (kështu zgjidhni dhe problemin e të kombinuarit së bashku haha) dhe t’ia bëni gati në shtëpi dhe në momentin që ai të kthehet, të lexojë hapin e rradhës që i tregon se çfarë duhet të bëjë. E gjithë kjo lojë bëhet emocionuese për secilën palë dhe tejet argëtuese kur të takoheni me njëri-tjetrin. Ashtu sikuse meshkujt pëlqejnë të përkëdhelin femrën e tyre, pëlqejnë akoma më shumë të përkëdhelen dhe të ndihen të veçantë.

 

Të shprehurit të ndjenjave me fjalë është gjithmonë më e lehtë për femrën, ndoshta si pasojë e natyrës së saj. Këtë herë 1 Fjongo Për Ty vjen me një ide shumë të veçantë dhe ku gjithsecili e gjen veten. Alfabeti i Dashurisë është një bllok i bërë në mënyrë artizanale nga 1 Fjongo Për Ty në të cilin ju mund ti shkruani personit tuaj të zemrës kujtime, rrëfime apo shaka mes jush të cilat lidhen me gërmat e alfabetit. Gjithashtu mund ta shoqëroni me foto tuajat duke e kthyer kështu në një thesar kujtimesh dhe një dhurate tejet të çmuar për të dy.

*Nëse nuk e njihni ende 1 Fjongo Për Ty klikoni KËTU.

FPT1 FPT2

  • Vetëm ju të dy, larg zhurmave dhe stresit të përditshëm

Mund të jetë luks për shumë, por provojeni ta bëni realitet dhe nuk do të zhgënjeheni. Merreni ditën pushim të dy bashkë dhe shpenzojeni atë ashtu si ju të dëshironi. Një ide e mirë mund të jetë të qëndroni në shtëpi përgjatë gjithë ditës, të fikni celularët (ose të mos iu përgjigjeni) dhe të shijoni qetësinë dhe kohën me njëri-tjetrin. Mëngjesi në krevat; gatuajini mëngjesin e tij të preferuar. Ose mund të organizoni një udhëtim të shkurtër larg problemeve dhe punëve të përditshme. Mund të jetë ose jo surprizë, rëndësi ka të qëndroni me njëri tjetrin.

 

Kur flitet për aksesorët mashkullorë, duhet të jeni shumë të matura dhe të gjeni diçka vërtet të goditur. Në të kundërt do të vlerësohet si dhuratë, por nuk do të jetë mendimi i tij i parë për ta vendosur. Ajo ç’ka më pëlqen më së shumti tek Ariana Nila Jewelry është thjeshtësia dhe finesa e punimit. Gjithashtu pothuaj të gjitha punët e saj janë të personalizuara duke e bërë kështu çdo prodhim unik dhe të ndryshëm nga njëri tjetri. Ariana punon me argjend (kodin e famshëm “925”), duke qenë se është një material i butë dhe si stoli nuk e humb kurrë vlerën. Ajo çfarë unë ju sugjeroj për këtë Shën Valentin është një varëse çelësash apo butona për këmishën. Kështu mund t’i blini dhe një këmishë për butona tek CRIST Linea Uomo dhe i bëni një dhuratë dyshe vërtet të gjetur. Të dyja këto alternativa mund t’i personalizoni me inicialet tuaja apo vetëm të personit në krah, ose qoftë me një kujtim të vyer mes jush. Kështu kjo dhuratë do të jetë jo vetëm mjaftueshëm mashkullore për t’u vënë në çdo rast, por dhe shumë domethënëse.

Processed with VSCO with g3 preset

Processed with VSCO with g3 preset

 

Fotografitë nga Eranda Janku

5 Ide Se Çfarë Mund T’i Dhuroni Asaj Për Shën Valentin

Jam shumë e entuziazmuar të ndaj me ju këtë artikull i cili tregon, e për më tepër ju orienton, drejt ideve të ndryshme interesante se çfare t’i dhuroni personit të zemrës këtë Shën Valentin.

Para se të vazhdoj më tej më duhet t’ju rrëfej që opinioni im për këtë festë ka ndryshuar. Nga skepticizmi i prerë (pse duhet të kalojmë në ‘shtirje” që e dashurojmë tmerrësisht njëri tjetrin në një ditë kur këtë duhet ta tregojmë çdo ditë me vepra dhe jo një ditë me dhurata), kam kaluar në mendimin se është në rregull të festosh një ditë e cila i dedikohet dashurisë. Fundja ashtu sikurse festojmë çdo festë tjetër përgjatë vitit. Por ende mbaj qëndrim kur them që dashuria nuk tregohet vetëm në një ditë, por në të 365/6 ditët e vitit.

Nga moria e ideve, mendova të ndaj me ju më së shumti disa propozime dhuratash të cilat mund t’i gjeni lehtësisht në tregun tonë dhe çfarë është më e bukura, këto produkte janë të prodhuara në Shqipëri. Mendoj se është shumë e rëndësishme që përpara se t’i drejtohemi tregut të huaj, të shohim se çfarë na rrethon. Por këtë që sapo thashë e kam arritur vetëm falë dëshirës dhe kuriozitetit për të thyer barrierat e mia personale. Duke qenë një njeri skeptik ndaj prodhimit vendas në fusha të ndryshme (si ai i këmishave, kozmetikës etj), jam munduar të provoj këto produkte e më pas të shihja nëse gjykimi im ishte i drejtë apo jo. Më duhet të pranoj që në mjaft raste (futur këtu bizneset që do ju flas më poshtë) pas blerjes sime të parë, mendimi im ka ndryshuar rrënjësisht dhe jo vetëm që jam kthyer në një konsumatore të rregullt, por kam shtyrë dhe miqtë apo të njohurit e mi t’i provojnë. Ky vit që na la pas ka qenë një vit i mbushur plot me njohje të reja të cilat më kanë sjelle gëzim, frymëzim e për më tepër një tjetër këndvështrim dhe vlerësim për punën vendase.

Pa humbur kohë dua t’ju rrëfej 5 ide dhuratash për njeriun tuaj të zemrës :

 

Të dhuruarit një veshje tek një femër është sa e lehtë dhe e vështirë. Tendencat ndryshojnë; një palë pantallona apo bluzë nuk vishet kurrë më shumë se një herë në javë dhe kështu puna nis dhe vështirësohet. Kur bie fjala tek të blerit një këmishë për një femër gjërat ndërlikohen dhe më tej. Duke qenë një veshje e cila mendohet të vishet për disa orë duke u kthyer shpesh në shumë orë materiali është kriteri i parë të cilin duhet të shohim. Nuk ka asgjë më të sikletshme se një këmishë e cila rrudhoset kollaj (dhe ti ndihesh sikur ke dalë me të të pahekurosur nga shtëpia) apo falë materialit jo cilësor mban aromë jo të këndshme (dhe ti fillon të djersitësh nga sikleti). CRIST Linea Uomo është një brand i krijuar që prej vitit 1999 në Tiranë. Njihet për këmishat “su misura”(me porosi) tepër cilësore për meshkuj dhe femra. Materiali është i garantuar dhe ajo që po ju rrëfej nga moria e këmishave të tyre në garderobën time; shumëllojshmëria e ngjyrave dhe modeleve nuk do t’ju lënë kurrë të mërziteni.

CLUF2 CLUF1

  • Detajet bëjnë diferencën, nuk e kanë thënë kot!

Të gjithë e dimë që femrat e dashurojnë ndjesinë e të ndjerit e veçantë dhe e përkëdhelur. Kështu që këshilla ime për ju është kjo: organizojani ju kohën e saj të lirë. Pas aktivitetit të pashmangshëm siç është puna, meqë këtë vit Shën Valentini i bie ditë jave, bëjini dhuratë një masazh apo trajtim fytyre tek estetistja e saj. Më pas çojeni tek parukjerja ku ajo i beson kurimin e imazhit dhe në fund qershia mbi tortë, zgjidhjani ju veshjen me të cilën do të dali me ju në darkë. Mund t’ju duket shumë ose tepër e ngatërruar, por kjo do ta bëjë atë t’ju dashurojë akoma dhe më tepër. Detajet se ku ajo shkon (nëse nuk jeni natyrë e vëmendshme) jua zgjidh mikja e saj e ngushtë. Mjafton që kjo të jetë mes jush. Sa për veshjen dhe restorantin ku do të kaloni mbrëmjen kam besimin e plotë se nuk do të gaboni. Në fund të fundit ju e dini më mirë se kushdo se çfarë asaj i shkon dhe i rri bukur, e se ku ajo do të argëtohej më së shumti.

 

Bees and Trees Bio-Cosmetics është një brand i ri Shqiptar që sjell më afër së kurrë produkte kozmetike vërtetë cilësore dhe me përbërje natyrale. Pasi u binda dhe vetë (perpos shumë fjalëve të mira të miqve dhe ndjekësve të mi) që këto produkte ia vlejnë mund t’jua sugjeroj me plot gojë si një dhuratë të mirë menduar për Shën Valentin. Ajo që e bën këtë zgjedhje të duhurën për personin në krah është se vetë Rona, vajza që e ka themeluar këtë biznes është e disponueshme për t’ju këshilluar dhe ndihmuar të zgjidhni produktet e duhura sipas lëkurës dhe për të marrë informacionin e nevojshëm direkt nga burimi parësor. Ajo për këtë Shën Valntin ofron 2 paketa. Pakoja e parë përmban setin e plotë të përkujdesjes së lekurës, që nga mëngjesi deri në mbrëmje. Të gjitha produktet e nevojshme, përfshirë pastruesin e fytyrës, tonikun, kremin hidratues të ditës, kremin hidratues të natës, kremin për zonën rreth syve dhe serumin të cilat janë të paketuara në një kuti handmade. Detajet e zbukurimit janë shumë të veçanta, me trëndafila afrikan, fjongo dhe një përkushtim shumë të goditur: “Të dua natyrshëm”. Në të njëjtën formë, por me ngjyra të tjera është e kombinuar dhe pakoja më e vogël e cila përmban tre produkte esenciale të përkujdesit të lëkurës; kremin hidratues të ditës, pastruesin e fytyrës dhe tonikun. Të gjitha produktet janë me përbërje natyrale dhe kombinimi bëhet i personalizuar sipas llojit të lëkurës.

Processed with VSCO with g3 preset

Processed with VSCO with g3 preset

  • Vetëm ju të dy, larg zhurmave dhe stresit të përditshëm

Mund të jetë luks për shumë, por provojeni ta bëni realitet dhe nuk do të zhgënjeheni. Merreni ditën pushim të dy bashkë dhe shpenzojeni atë ashtu si ju të dëshironi. Një ide e mirë mund të jetë të qëndroni në shtëpi përgjatë gjithë ditës, të fikni celularët (ose të mos iu përgjigjeni) dhe të shijoni qetësinë dhe kohën me njëri-tjetrin. Mëngjesi në krevat (gjeje se kush do të gatuajë haha, popo ju do ta bëni). Ose mund të organizoni një udhëtim të shkurtër larg problemeve dhe punëve të përditshme. Mund të jetë ose jo surprizë, rëndësi ka të qëndroni me njëri tjetrin.

 

Aksesorët femëror janë një nga idetë fillestare që një mashkulli i vjen në mendje kur bëhet fjalë për një dhuratë personit të tij në krahë. Por ashtu sikundër një dhuratë shumë e lehtë për t’u gjendur aq dhe e koklavitur për të bërë zgjedhjen e duhur. Shpesh aksesorët femëror kanë probleme me nxirjen e tyre, lënien njollë nëpër trup dhe kështu kjo dhuratë do jetë shumë pak jetësore. Nëse jeni tek thjeshtësia dhe detajet fine Ariana Nila Jewelry është zgjedhja e duhur. Ariana punon me argjend (kodin e famshëm “925”), duke qenë se ështe një material i butë dhe si stoli nuk e humb kurrë vlerën. Ajo çfarë unë ju sugjeroj për këtë Shën Valentin është një varëse apo byzylyk i personalizuar. Kështu ajo do të mbajë me vete jo vetëm një aksesor që është i domosdoshëm për një femër, por dhe një pjesë tuajën e një kujtim tejet të vyer mes jush.

Processed with VSCO with g3 preset

Processed with VSCO with g3 preset

 

Fotografitë nga Eranda Janku