Si Të Përgatisësh Çokollatën Më Të Mirë Të Ngrohtë

Unë nuk jam një person “dimri” më duhet ta pranoj, por e dashuroj këtë periudhë festive që ky muaj ofron. Të mbështjell duart rreth një gote plot me çokollatë të ngrohtë e kremoze është një nga aktivitetet e mia të preferuara të dimrit. Më pëlqejnë të dyja versionet si çokollata e ngrohtë, ashtu dhe kakaoja; por e kam shumë inat kur kërkoj për çokollatë të ngrohtë dhe më sjellin kakao.
Sot po ndaj me ju recetën time klasike të çokollatës së ngrohtë. E thjeshtë, e pasur në shije, kremoze dhe pak alkolike por kjo e fundit totalisht opsionale.

Continue reading “Si Të Përgatisësh Çokollatën Më Të Mirë Të Ngrohtë”

Lëng Panxhari Për Mirë-Funksionimin e Mëlçisë

Meqë unë me motrat nuk e kemi konsumuar asnjëherë qumështin gjatë vaktit të mëngjesit, në fillim mamaja ime dhe më vonë vetë un kemi qenë kreative për të krijuar pije të ndryshme me frutat dhe perimet që na janë gjendur në shtëpi. Kjo pije më ka shoqëruar për kohë me rradhë dhe dashuria ime për panxharin vetëm është rritur. Por e bukura e kësaj pije përveç se është shumë e shijshme dhe e këndshme në pamje, ndihmon në mirë-funksionimin e mëlçisë.

Mëlçia është një nga organet që punon më fortë në trupin tonë. Përgjegjëse për më shumë se 500 funksione, mëlçia luan një rol thelbësor në metabolizmin tonë; në sistemin imunitar, sistemin e tretjes dhe atë të detoksifikimit. Më së shumti ajo njihet si organi kryesor i trupit tonë për sa i përket detoksifikimit. Mëlçia filtron çdo kuart të gjakut tonë, pra ajo punon ditë e natë për të mbrojtur trupin tonë nga dëmtime të ndryshme që toksinat mund të shkaktojnë. Gjithashtu mëlçia është përgjegjëse për filtrimin dhe proçesimin e të gjitha hormoneve.
Kjo pije ndihmon në mirë-funksionimin e mëlçisë duke e detoksifikuar trupin tonë. Ku ka më mirë se të konsumojmë diçka të shijshme dhe të jetë shumë e shëndetshme në të njëjtën kohë ?!

 

Përbërësit :

1 panxhar

1 karrotë

1 limon i qëruar

1 grusht majdanoz

1 cm xhinxher (opsional)

 

Metoda :

Vendosini të gjithë përbërësit në një shtrydhëse frutash

Shijojeni

Beet Juice 1 Beet Juice 2 Beet Juice 3

 

Fotografitë nga Julia Janku

Milkshake Me Biskota Me Tërshërë

Kjo është një nga recetat e mia të preferuara të milkshakes. Fillimisht këtë kombinim e provova krejt rastësisht teksa po haja disa nga biskotat e mia me tërshërë dhe motra më sjell një tas me akullore vanilje. Më pëlqeu tej mase dhe mendova që ti bashkoja. Por në vend që të përgatisja akullore me biskota, mendova për milkshake me biskota (nuk kisha aq durim sa të prisja akulloren të përfundonte së bëri, besoj më kuptoni). Dhe ja ku jam duke e ndarë këtë recetë sa të thjeshtë dhe të shijshme me ju !

Për disa, kjo recetë mund të jetë pak më e ëmbël se çduhet, por ju gjithmonë mund ta rimodeloni këtë ëmbëlsi duke i gatuar biskotat me tërshërë me më pak sheqer se normalisht.

Continue reading “Milkshake Me Biskota Me Tërshërë”