Akullore Artizanale me Luleshtrydhe

Akullorja me luleshtrydhe ka qënë tejet e kërkuar këtë verë. Në fakt një recetë sa e ngjashme me të tjerat, po aq dhe unike. Akulloret me fruta në fakt janë ndër të preferuarat e mia, sidomos kur përgatiten në shtëpi. E them këtë pasi shija e një akulloreje e cila është përgatitur me frut të freskët të bërë pure, nuk ka të krahasuar me akulloret industriale të cilat në shumicën e rasteve mbartin vetëm ekstrakte frutash.

Duke qënë se shumica prej jush ka pyetur pafund për përgatitjen e akullores në kushte shtëpie dhe si ta stimulojmë atë që të na bëhet kremoze dhe e trashë sa më shpejt, në këtë recetë kam vendosur të përdor një teknikë tjetër; që në fakt e përdor shpesh në shtëpi.

Purenë e frutit vendoseni në akull minimumi një natë përpara dhe kjo do të sjellë që masa juaj finale të jetë shumë e ftohtë. Dhe kur masa shumë e ftohtë futet në enën e sapo dalë nga akulli, i gjithë proçesi është shumë më i thjeshtë. Për detajet e tjera lexoni vazhdimin e artikullit!

Continue reading “Akullore Artizanale me Luleshtrydhe”

Akullore Artizanale me Vanilje

Ishte kërkesa juaj (dhe me të drejtë në fakt) për të sjellë recetën bazë të akulloreve, atë me vanilje.
Një recetë dhe shije e cila nuk kufizohet nga stina e verës. Mbani shënime dhe përgatiteni pasi në javët në vazhdim do ta keni si kombinim ideal të recetave që do të sjellim.

Homemade Artisanal Vanilla Ice Cream 2 Homemade Artisanal Vanilla Ice Cream 3 Homemade Artisanal Vanilla Ice Cream 4 shqip

Proçedura :

 

Në një tas të madh, rrihni së bashku të verdhat e vezëve me sheqerin, kripën dhe ekstraktin e vaniljes për 3 deri në 4 minuta, deri sa masa të jetë dyfishuar dhe trashur, e të ketë marrë një ngjyrë të verdhë të hapur.

 

Versioni për fillestarët:

Shtoni qumështin dhe përzieni deri sa masa të jetë homogjenizuar.

Shtoni ajkën e ëmbël dhe përzieni ngadalë me spatul sa për të bërë inkorporimin e përbërësve.

Kini kujdes që të mos e përzieni shumë ose shpejt pasi do rrihni ajkën e ëmbël duke e kthyer në krem.

Vendoseni këtë masë në një tenxhere dhe gatuajeni në zjarr të butë për +/- 7 minuta duke e përzier me një spatul pa ndaluar.

Kremi do të jetë gati kur të jetë trashur dhe të lërë gjurmë në spatul apo lugën e drurit që po përdorni.

Si ta dalloni: Zhyteni lugën/spatulën në krem dhe nxirreni sipër. Kaloni gishtin përmes spatulës në mes. Nëse kremi qëndron i ndarë, kjo do të thotë që kremi është gati për hapin e rradhës.

*Nëse doni të jeni akoma më të sigurt për gatimin e kremit: Gatuajeni masën në banjomari. Kjo mënyrë do të shmangë maksimalisht mundesitë që e verdha e vezës të gatuhet.

Versioni Profesional:

Në një tenxhere shtoni qumështin dhe ajkën dhe kalojeni në zierje të lehtë.

Shtini një garuzhde nga qumështi në masën me të verdhat e vezëve të rrahura ndërkohë që e përzieni masën me një rrahëse dore pa ndërprerje.

*Është e rëndësishme që të mos ndaloni së përzieri në të kundërt veza do të gatuhet duke prishur bazën e akullores.

Kalojeni masën në tenxhere me pjesën tjetër të qumështit dhe gatuajini deri sa të arrini rezultatin final (lexo më sipër).

 

Kalojeni masën e përgatitur me një sitë të imët në një tas të pastër, për t’u siguruar nëse ka pasur ndonjë veze të prerë (nëse ka kaluar në zierje gjatë gatimit)

Vendosni qese celofoni duke prekur sipërfaqen e masës në mënyrë që të mos krijohet cipë gjatë ftohjes.

Lëreni tasin mënjanë sa të vaket kremi e më pas kalojeni në frigorifer për 5 orë ose përgjatë natës.

Mbas 5 orëve ose të nesërmen, ndizni makinën e akullores dhe vendoseni masën e krijuar brenda.

Lëreni akulloren të bëhet sipas instruksioneve të makinës suaj.

Më pas zhvendoseni akulloren në një enë dhe lëreni në ngrirje për të paktën 2-3 orë para se ta shërbeni.

Homemade Artisanal Vanilla Ice Cream 7 Homemade Artisanal Vanilla Ice Cream 8 Homemade Artisanal Vanilla Ice Cream 9 Homemade Artisanal Vanilla Ice Cream 10

 

Fotografitë nga Eranda Janku

Akullore Artizanale Me Çaj Jeshil (Matcha)

Akullorja me çaj jeshil ishte një kërkesë tejet e këndshme dhe deri diku sfiduese e një prej lexuesve dhe klientëve të Kikiliciouss. Jam tejet e gëzuar dhe mirënjohëse që jo vetëm na komplimentoni dhe motivoni për të vazhduar më tej punën, por dhe na jepni ide dhe “detyra” të reja tepër frymëzuese.

Akullorja me çaj jeshil i cili quhet Matça (Matcha) është një gatim tradicional Japonez. Matça është forma pluhur e çajit jeshil dhe si e tillë ka shije shumë më të përqëndruar se gjethet e çajit. Përdoret gjerësisht në guzhinën Japoneze, por nuk mund të pihet aq shpesh sa konsumohet çaji jeshil (me pustina).

Futur gjerësisht dhe në tregun amerikan, matça dhe akullorja me matça gjendet pothuaj në të gjitha lokalet apo supermarketet që tregtojnë akullore. Në tregun shqiptar ka pak vite që është futur si produkt dhe ka filluar të përdoret së fundmi dhe në restorante të ndryshme në pjata si të kripura ashtu dhe të ëmbla.

Mu desh të bëja një kërkim të mirë për të arritur tek produkti final i cili besoj arrin shijen e tij origjinale (duke qenë se nuk e kam provuar ndonjëherë këtë produkt në vendin e origjinës).

Kjo recetë është marrë nga Japanese Cooking 101.

Continue reading “Akullore Artizanale Me Çaj Jeshil (Matcha)”

Akullore Artizanale me Manaferra

Akullorja me manaferra ishte një përpjekje e re tejet e sukseshme e kësaj vere. Duke qënë se nuk e kisha gatuar ndonjëherë manaferrën si frut në tipologjinë e ëmbëlsirave të ngrira, m’u deshën disa prova deri sa të arrija në produktin final të paraqitur sot në web.

Ngjyra e fortë e kësaj akulloreje të lë pa fjalë dhe të bën të duash ta provosh menjëherë. Me një shije unike dhe mjaft të balancuar, kremoze dhe të mëndafshtë në pamje kjo akullore artizanale përgatitet lehtësisht në kushte shtëpie. Prandaj mos humbisni kohë dhe shijojeni këtë mrekulli sa kemi fatin të kemi manaferra të egra me shumicë në treg.

Continue reading “Akullore Artizanale me Manaferra”

Akullore Artizanale Kremoze me Çokollatë Të Zezë dhe Portokall

Të gatuarit me çokollatë të zezë për mua është e thjeshtë dhe argëtuese, kështu që kjo recetë nuk kishte si të ishte ndryshe. Kremoze, e mëndafshtë, tunduese dhe me një shije shpërthyese sapo gjuha kontakton me akulloren. Kjo verë po bëhet gjithnjë dhe më e shijshme, prandaj ju sugjeroj të mos humbisni kohë dhe ta përgatisni dhe ju në shtëpitë tuaja.

Continue reading “Akullore Artizanale Kremoze me Çokollatë Të Zezë dhe Portokall”

Akullore Artizanale me Mjedër

Akullorja artizanale me mjedër duhet të jetë një nga recetat e kësaj vere që nuk duhet lënë kurrsesi pa provuar. Kjo për dy arsye shumë të rëndësishme. E para sepse të provuarit dhe të gatuarit e një akullore artizanale në shtëpi do t’ju bëj që të mos kini ndrojë në të ardhmen për të bërë çdo shije të mundshme akulloreje artizanale. Së dyti sepse një shije kaq e mrekullueshme nuk duhet humbur përgjatë këtyre ditëve të nxehta.

Ajo që më pëlqen pa fund tek mjedra si frut është athtësia e saj dhe kombinimi ideal që arrihet në çdo ëmbëlsirë të gatuar me të. Kjo bën që një akullore e tillë të mos jetë shumë e ëmbël, por mjaftueshëm për tju ëmbëlsuar dhe freskuar në të njëjtën kohë.

Këtë akullore mund ta ruani në një enë në akull dhe jo vetëm ta shijoni me familjen, por ta përdorni dhe si armën tuaj të fortë kur të keni miq për vizitë. Kjo do t’ju japë fitoren e siguruar.

Continue reading “Akullore Artizanale me Mjedër”

Akullore në Shkop me Pjeshkë

Kemi fatin që të shijojmë gjatë këtij sezoni disa nga frutat më të shijshme siç janë pjeshkët, fiqtë, bostani, shalqiri etj. Fruta që të japin luksin të eksperimentosh në gatim si të dëshirosh.

Kësaj rradhe vendosa të përgatis disa akullore me pjeshkë. Në fakt në këtë post po përdor nektarinat në vend të pjeshkëve (pasi këto të fundit më kishin mbaurar). Të dyja versionet janë shumë të shijshme, por për një shije më të fortë do t’ju rekomandoja pjeshkët. E thjeshtë, e shpejtë dhe me një kosto minimale ju do të keni sa hap e mbyll sytë një produkt jo vetëm te shijshem por dhe të shëndetshëm për veten e sidomos për fëmijët tuaj. Pra vetëm me tre përbërës që me siguri ju gjenden në shtëpi, ju do të keni gati një nga ushqimet më të dashura për të gjithë gjatë kësaj periudhe.

Mund ta përgatisni këtë recetë duke e dy ose trefishuar dhe ta mbani në akull, kështu do të keni gjithmonë akullore në shtëpi, duke evituar të blerit akullore industriale nëpër dyqane.

Këto forma silikoni i kam blerë këtu dhe më besoni kur ju them që ia ka vlejtur çdo qindarkë e shpenzuar; pasi jo vetëm që të shpëton në kohë dhe në hapesirë, por duket si një akullore e blerë në dyqan.

Continue reading “Akullore në Shkop me Pjeshkë”

Recetë e Thjeshtë dhe Freskuese me Luleshtrydhe

Gjatë ditëve të nxehta të verës si këto që po kalojmë duam gjithmonë diçka të freskët që të na shuajë sado pak vapën. Kjo është një nga ato receta që padyshim s’ju lë kurrë në baltë. Ajo që më pëlqen rreth kësaj recete është shumëllojshmëria në përdorim. Mund ta konsumoni siç është, të shoqëruar me kos të trashë (siç kam bërë unë në këtë artikull), ta shtroni si shije mbi cheesecake, ta derdhni mbi krostatë, ta përdorni në përgatitjen e një torte ku me lëngun mund të njomni kekun dhe luleshtrydhet ti shtoni si shije brenda ose bashkuar me kremin e përdorur, mund të përgatisni koktejle të ndryshme etj. Pra siç e shihni mundesitë janë të pafundme.

Në varësi dhe të lënies së saj në frigorifer do të keni variacion në shije. Sa më tepër të qëndrojë në frigorifer (maksimumi 2 ditë) aq më shumë lëng lëshon vetë fruti dhe aq më të karamelizuara bëhen luleshtrydhet.

Mund të përdorni sheqer të bardhë ose kaf (unë përdora kafin pasi vetëm të tillë kisha për momentin), gjithashtu mund të përdorni limon ose lime në rast se nuk ju gjendet limon në shtëpi.

2 L 3 L 4 L shqip

Proçedura :

 

Prini luleshtrydhet në dysh/katërsh ose më të vogla; në varësi të madhësisë së tyre dhe preferencës suaj

Përziejini ato në një tas bashkë me sheqerin dhe limonin e sapo shtrydhur

Lëreni tasin në frigorifer në varësi të preferencës; për disa minuta nëse do ta konsumoni në moment deri në 1-2 ditë për një shije më të fortë dhe të karamelizuar

procedura1-luleshtrydhe procedura2-luleshtrydhe

 

 Fotografitë nga Eranda Janku

Semifredo Me Luleshtrydhe

Ëmbelsirë ideale për ditë të nxehta si këto që po vijnë. Shumë e thjeshtë në përgatitje dhe skeni nevojë për një makinë akulloreje. Sa e mrekullueshme është kjo ?!

Processed with VSCOcam with se3 preset

Processed with VSCOcam with se3 preset

Ingredients-English

Proçedura :

 

Prini luleshtrydhet e freskëta dhe haribot në copa shumë të vogla

Përziejini së bashku në një tas dhe lërini ne frigorifer

Në një tas të madh, rrihni ajkën e ëmbël derisa të formojë maja të buta

Lëreni të qëndrojë në frigorifer

Në një tas të pastër normal, rrihni të bardhat e vezëve derisa të formohen

Shtoni sheqerin

Rrihini së bashku deri sa të keni një masë ‘mafisheje’ (të dendur, të trashë dhe me shkëlqim)

Në një tas të madh, ose në tasin e ajkës së ëmbël shtoni luleshtrydhet e prera dhe përzieni së bashku

Shtoni të bardhat e vezëve dhe përzieni sërish

Vendoseni masën në një tas me kapak

Lëreni të ngrije në akull për të paktën 8 orë

 

1-1 1-2 1-4 1-5 1-6 1-7 1-8

 

Fotografitë nga Eranda Janku