TDW – Javët e Dizajnit të Tiranës

Jam shumë e gëzuar të ndaj me ju një nga eventet më të rëndësishme të TIranës që zhvillohet shumë shpejt. Si kryeqyteti i Shqipërisë, Tirana është qyteti absolut i Shqipërisë, me evente të ndryshme kulturore dhe artistike që zënë vënd përgjatë gjithë vitit – por më i dashuri për mua është padyshim Tirana Design Week (Javët e Dizajnit të Tiranës), i cili për fat të mirë zgjat më shumë se një javë me evente specifike që zgjasin përgjatë plot tre javëve.

TDW është eventi bienale që bashkon një seri eventesh që ndodhin në qytet. Objektivi i tij është dhënia e njohurive midis profesionistëve të nivelit nacional dhe internacional për të rritur interesin publik në planifikim, arkitekturë dhe dizajn, në disiplina të cilat janë të lidhura me zhvillimin kontemporan të qyteteve.

Tirana Design Week 2015, vjen me moton ‘Dizenjo Tani’, dhe kërkon të hetojë zhvillimet më të fundit të dizajnit duke eksploruar të rejat konceptuale dhe praktike për dizajnerat e rinj që po rriten në rajon; një tjetër objektiv është provokimi i aksioneve që mund të merren për të drejtuar dizanjinin tani, në momentin kur më shumë se asnjëherë dizajni po merr rol kryesor duke shënuar ndryshime të reja.

TDW 2015 është edicioni i dytë dhe pritet që së bashku me edicionin e parë të sjellë një lëvizje në dizajnin e Tiranës. Më së shumti sepse ky event do të jetë pjesë e qytetit, e jo thjeshtë pjesë e brendisë së mureve të Universitetit.
Jam shumë krenare që universiteti imUniversiteti Polis – ka patur këtë arritje në fushën e dizajnit. Është fantastike të shohësh kaq shumë energji të hedhur në diçka kaq të vlefshme sa kjo fushë, e mbi të gjitha gjithçka bëhet për t’i treguar shoqërisë sonë se sa i rëndësishëm me të vërtetë është dizajni.
Më e rëndësishmja, gjithçka do të realizohet edhe duke u argëtuar. Jeta është e bukur!

Çdo ide e vogël është mjaftueshëm e vlefshme që të krijojë gjera të mëdha. Le të dizenjojmë në rrugë, në galeri arti, në kafene dhe në çdo cep të Tiranës. Ashtu siç dhe vetë motoja e vërteton, Le Të Dizenjojmë Tani ! Asnjë sekondë më vonë.

Kikiliciouss do të jetë pjesë e këtij eventi kështu që shpresoj t’ju takoj të gjithëve përgjatë javëve të TDW. Qëndroni në linjë për më shumë detaje !

Kontrolloni faqen zyrtare të TDW www.tiranadesignweek.com dhe faqen e Facebook KËTU për më shumë informacione se si mund të jeni pjesë e këtij eventi !

Ekspozita “Fenomenologjia e Objektit”

MAD Center është një nga galeritë më inovatore, e cila promovon në Shqipëri Artin Alternativ, Dizajnin e Aplikuar, Ide dhe Projekte mbi Dizajnin, si dhe Arkitekturën. Këtë herë kjo galeri na solli një ekspozitë të titulluar “Fenomenologjia e Objektit”, punuar nga studentët e vitit të dytë të degës “Art&Dizajn” të Universitetit Polis, dhe kuruar nga pedagogët Ermal Bezhani dhe Dea Buza.

Nuk mund të qëndroja dot pa e ndarë me ju këtë ekspozitë, e cila tregon më së miri evolimin profesional të studentëve dhe kreativitetin e tyre. Keni mundësinë për ta vizituar këtë ekspozitë pranë ambjenteve të Universitetit Polis, por nxitoni pasi ajo mbyllet brenda pak ditëve !

Foto2

Koncepti i Ekspozitës

Fjala Objekt rrjedh nga latinishtja, “obicere” me kuptimin “për të vendosur përpara”, “çfarë është vendosur para mendimit apo pamjes”. Çdo gjë materiale, imateriale, konkrete, e ndjeshme apo imagjinare, e cila mund të perceptohet nga shqisat apo nga truri; ajo çka është jashtë subjektit, e ndryshme nga subjekti mendimtar. Fenomenologjia është një traditë filozofike, apo lëvizje e bazuar në premisën se realiteti përbëhet nga objekte dhe ngjarje, pasi ato perceptohen ose kuptohen në ndërgjegjen e njeriut dhe nga asgjë e pavarur nga ndërgjegja e njeriut.

Fenomenologjia përbën analizën e objektit në qëllimshmërinë e tij. Ajo shqyrton dhe ekzaminon vlerën e objekteve të njohura nga ndërgjegja. Pretendon të jetë një kthim tek gjërat, një përpjekje për të lënë objektet të flasin, ato aspekte që prekin ndërgjegjen njerëzore.

Objekte të ndryshme të përdorimit masiv janë dekontekstualizuar, fragmentizuar dhe integruar për të formuar objekte të reja. Aspekti i tyre formal ka gjetur ripërdorim në struktura të reja. Gjithashtu disa objekte me origjinë organike, të cilat nuk kanë patur aspak një tipar funksional dhe janë konsideruar si “objekte artistike”, vepra dekorative, shpesh të vendosura mënjanë për një periudhë të caktuar, janë mishëruar në objekte të reja për përdorim masiv.

 

Proçesi

Problematikat me të cilët studentët janë përballur vijnë nga një analizë e nevojave të tregut dhe tendencave bashkëkohore. Objektet e projektuara kryesisht janë propozuar nga ana e tyre tek klienti (industria), për në treg.

Problemi është zbërthyer në dy përbërës kryesor : fizik dhe psikologjik. Përbërësi fizik ka të bëjë me formën e objektit që është projektuar, kurse përbërësi psikologjik ka të bëjë me raportin ndërmjet objektit dhe përdoruesit.

Jane studiuar aspektet funksionale, raporti i objektit me përdoruesin, si dhe ergonomia. Gjithashtu është menduar jetëgjatësia e objekteve, e cila shkon së paku 10 vjet.

Është marrë në konsideratë fakti se objektet duhet të realizoheshin me materiale dhe teknologji, brenda mundësive të prodhomit në vend, në mënyrë që të përfitohej rezultat maksimal me sa më pak shpenzime.

Në këtë pikë “hyn në skenë” kreativiteti. Lindja edhe e disa ideve të një estetike të logjikës, të cilën e hasim në të tjera forma organike si drurë, gjymtyrë, forma vegjetale, kafshë, minerale etj., ku forma është rezultat i pasojave logjike.

Nga kjo sintezë kreative janë krijuar dhe modelet, në shkallë të zvogëluar apo reale. Këto modele janë vënë nën shqyrtimin selektiv, së pari nga vetë studentët, dhe më pas nga pedagogu. Kështu atyre u janë bërë disa prova finale për të arritur së fundmi tek prototipi final.

Foto1 Foto3 Foto4 Foto5 Foto6 Foto7 Foto8

 

Fotografitë nga Eranda Janku

Përmbledhja e Shkurtit

Shkurti ishte një muaj shumë intensiv dhe për fat të keq mu desh të merrja pak kohë pushim nga postimi në web. Kisha periudhën e provimeve në universitet dhe zgjidhja më e mirë ishte të qëndroja e fokusuar në shkollë.

Ndihem shumë me fat që jam pjesë e Universitetit Polis dhe që po studioj fushën time të preferuar “Art & Dizajn”. Gjatë semestrit të parë kam patur lëndë shumë interesante si: Histori Arkitekture, Histori Arti, Gjeometri Euklidiane, Vizatim, Qeramikë, Filozofi Arti dhe Dizajn Hapësire. E shijova secilën nga këto lëndë dhe kam mësuar shumë. Është e mahnitshme se si universiteti kontribon gjithashtu shumë në web-in tim.

Në këtë post unë do t’ju tregoj disa foto gjatë këtyre klasave. Me pak fjalë, në Dizajnin e Hapësirës na duhej të kapnim hapësirën mes dy balerinëve që kërcenin tango dhe më pas duhet ta përkthenim këtë hapësirë mes tyre në një produkt aktual. Kjo ishte një klasë shumë interesante që ndryshoi mënyrën time të perceptimit të hapësirës dhe objektit në të.

Në klasën e qeramikës pata mundesinë të punoja për herë të parë me baltë. Detyra ishte të krijojonim dy objekte të ndryshme, një të frymëzuar nga format bazë gjeometrike dhe një tjetër të frymëzuar nga natyra. Na duhej fillimisht të krijonim objektin bazë dhe më pas ta transformonim atë në forma të ndryshme apo koncept. Si herë e parë e punimit me baltë ishte një përvojë vërtet zbavitëse dhe mësova se vetëm me pak durim mund të arrish shumë më shumë nga ç’mendon.

Mbarova me sukses provimet e mia dhe tani jam shumë e lumtur që ti kthehem sërish postimeve. Ne kemi shumë projekte të reja dhe surpriza për ju. Kështu që, mos mungoni !

Foto1 Foto2 Foto3 Foto4 Foto5 Foto6 Foto7

 

Fotografitë nga Eranda Janku

Trevat Shqiptare Në Polis

Ideja për TREVAT në POLIS nisi krejt spontanisht nga Këshilli Studentor Polis. Fillimisht ideja ishte të kendohej himni e studentët të vishnin ngjyrat kombëtare, por ajo ndryshoi duke evoluar gjithnjë e më shumë. Identiteti kombëtar është arsyeja më e rëndësishme për festim, prandaj tema kryesore e festimit u vendos të ishte “Trevat”.

E ndërsa në Polis ne besojme tek metropolitanizmi, kjo do të ishte pak si “piper djegës” që i jepte stilit dhe shijes polisjane një aromë lokale. Ndaj studentët kerkuan të tejkalonin bërjen e një ekspozite të ftohtë punimesh artistike. Ne të gjithë bashkë u shtymë të arrinim ndjesinë e shtëpisë shqiptare përmes ngrohtësisë së saj. TREVAT ishte në thelb koncepti i një shtëpie të madhe mikpritëse shqiptare.

Në fakt, mund të gjeje aty çdo gjë që të kujtonte shtëpinë tradicionale … çentrot e gjyshes, stolat e sixhadet, perdet e qendisura a radio të një tjetër shekulli. Tigani tradicional i Gjirokastrës, përkrah sixhades nga Himara, pikturat shkodra e punimet artizanale të Beratit. Por shtëpia e madhe e trevave tona, kishte vend dhe për art të mirëfilltë bashkëkohor, i frymëzuar nga ai tradicional. Ishin jo te pakta punimet që studentët kanë realizuar si detyra e ne i kërkuam në arkivën e universitetit. Ishte gjithashtu interesante përballja e tyre me të vjetrën, në TREVAT. Natyrisht veshjet kombëtare ishin padyshim ajka e ekspozitës TREVAT. Spikatën kostume Ulqinake, Kuksiane, Labe, etj. Mirëpo, çorapet e leshta, kishin padyshim vendin e nderit, duke qenë se janë përherë prezente në shtepitë tona, jo si elemente të thjeshta, utilitare, por edhe si një element i rëndësishëm i ekspresivitetit artistik.

Ekspozita ishte e hapur gjatë të gjithë ditës në Polis, mirëpo banketi me ushqimet tradicionale, përgatitur nga studentët, ishte momenti kulmor. Tavolinat e mbushura me gatime të shijshme por dhe të panjohura nga disa prej nesh, zgjonin kuriozitetit dhe të hapni oreksin. Edhe njëherë u dëshmua se kulinaria shqiptare është sëbashku art e dashuri. Por sofra e mikpritjes ishte gjithashtu element kulmor i TREVAVE. Në fakt shqiptaret kur mblidhen në festime, u mjafton vetem pak muzikë për të nisur vallen. Kështu ndodhi edhe me TREVAT dje. Vallja e Kukësit, e Rugovës, ajo Çame, Napoloni, etj, i kthyen TREVAT në një festë të vërtetë, në një moment kthimi në kohë, ku njerëzit kërcenin të lirë vallet dhe tingujt që prej shekujsh shoqërojnë gëzimet dhe festimet shqiptare.

Ishte emocionuese te ishe pjesë e ditës së djeshme në Polis. Urojmë të kemi tejkaluar pritshmëritë, e të kemi buzëqeshur sadopak ditën e të gjithëve: Festën e Flamurit! Sigurisht, një falenderim shkon për organizatorët: Këshilli Studentor i Polis, si dhe ata qe kontribuan sipas mundësisë së tyre. KIKILICIOUSS team ishte gjithashtu prezente në TREVAT me një tryezë menuje recetash tradicionale të interpretuar sipas recetave të familjes. Ishte një ditë e bukur edhe për ekipin, i cili dokumentonte ndërsa ishte edhe pjesë e këtij evenimenti.

KIKILICIOUSS ju uron të gjithëve: Gëzuar festën e Flamurit dhe Gëzuar Pavarësinë Shqipëri !

IMG_4077 IMG_4091 IMG_4108 IMG_4114 IMG_4129 IMG_4134 IMG_4161 IMG_4162 IMG_4192 IMG_4193 IMG_4216 IMG_4353 IMG_4355 Untitled-1 Untitled-2 Untitled-3 Untitled-4

 

 Fotografite nga unë dhe Julia Janku 

Ëndërr E Bërë Realitet !

Në artikullin e sotshëm doja të flisja pak më tepër rreth meje, çfarë po ndodh me jetën time akademike. Jam shumë e emocionuar të ndaj këtë lajm kaq të bukur me ju. E diplomuar me sukses në gjimnaz dhe pas një vere të mbushur me surpriza të bukura, nisa studimet universitare në Universitetin Polis (Tiranë) për Art dhe Dizajn. E ndiej se do të jetë nje vit i paharrueshëm për mua.

Unë jam rritur me Polis-in. Dy motrat e mia më të mëdha studiojnë gjithashtu aty. Unë kam punuar në mënyrë vullnetare për vite pranë kantinës së universitetit, duke u dhënë njerëzve shumë dashuri dhe pasion përmes ëmbëlsirave të mia. Shumica e recetave që ju keni parë në faqen time Kikiliciouss kanë qenë gatuar fillimisht në Polis.

Rritur në një mjedis të tillë, më kanë mësuar që gjithmone të luftoj dhe punoj fort që ëndrrat e mia ti bëj realitet. Të mendoj pozitivisht dhe të marr më të mirën e mundshme. Kjo është dhe arsyeja pse të qënurit studente në Universitetin Polis nuk do të thotë që jam e privilegjuar. Përkundrazi, mbaj mbi supe një përgjegjësi më të madhe dhe gjithmonë të jap maksimumin tim.

Polis më ofron ambientin perfekt për të zhvilluar frymëzimet dhe ndjenjat e mia kreative. Jam duke mësuar çdo ditë e më shumë mbi artin dhe aplikimet e tij në jetën reale. Ndihem kaq entuziaste të punoj me profesorët tanë, disa prej të cilëve janë artistë të shquar në Shqipëri dhe shpesh dhe me reputacion ndërkombëtar.

Është një privilegj të punoj me Prof. Thoma Thomai-n, një kumbar i skupturës monumentale Shqiptare; me Prof. Edi Hila, me shumë mundësi artisti më i mirë Modern Shqiptar persekutuar nga Regjimi Komunist; me Prof. Gëzim Qëndro-n,  ish-drejtor në Galerisë Kombëtare të Arteve të Shqipërisë dhe kritiku të lartë të artit në Shqipëri, bashkë-themelues i TICAB Tirana Art International Bienales, etj.

Jam duke shijuar gjithashtu faktin që kam një mundësi të mrekullueshme për të eksploruar lidhjen midis estetikës dhe kulinarisë, hobi i jetës sime. Unë që tani mund të shoh një version të jashtëzakonshëm të artit të aplikuar dhe dizajnit. Po punoj dhe jam pjesë e një aventure kaq frymëzuese. Dhe e ndiej se Kikiliciouss nuk është më vetëm një ëndërr, është një ëndërr e cila po merr formë dhe bëhet realitet dhe Polis po më ndihmon drejt këtij rrugëtimi !

471124_296833567051165_1352275621_o 10658729_723845787683272_3531516166472802997_o 10711120_720232848044566_5141001650123103168_n 10557114_723845681016616_1617097760712869740_o 10687272_723845564349961_8026579025405248465_o 1669928_619497998118052_1924890468_o

 

 Fotografite nga Eranda Janku

Javët e Arkitekturës në Tiranë

Javët e Arkitekturës në Tiranë (www.tiranaarchitectureweek.com)  është një event që organizohet çdo dy vjet, i ndërthurur një herë në dy vjet me Javët e Dizajnit në Tiranë (www.tiranadesignweek.com). Forca shtytëse e këtyre eventeve alternative me një ndikim të madh në Shqipëri dhe Rajonin Adriatik, është Unversiteti Polis. Polis është një iniciativë private, jo-konvencionale, e mbushur me kreativitet, inovacion dhe frymëzim konstruktiv, që vepron në bashkëpunim me Co-Plan, një NGO shqiptare qytetare dhe profesionale; me Bashkinë e Tiranës, Ministrinë e Kulturës, si dhe me AUA, Shoqata Shqiptare e Arkitektëve dhe Urbanistëve.

TAW dhe TDW janë deklarata intelektuale që promovojnë kuptimin publik të dizajnit, arkitekturës dhe shkencave të qytetit, duke zhvilluar një  kuptim më të mire të shoqërisë dhe politikave mbi zhvillimin e hapësirave dhe estetikës publike. TAW dhe TDW gjithashtu synojnë të evokojnë pjesëmarrjen publike në vendim-marrjen e qytetit, nëpërmjet  aksioneve konkrete,  provokomeve qytetare, dhe punishteve internacionale, forumeve të hapura dhe leksioneve, konferencave, konkurseve dhe  ekspozitave, festivaleve të filmit, publikimeve etj.

Pavarësisht eksperiencave të mëparshme, ky është viti i tretë i njëpasnjëshëm që Polis organizon me sukses evente të tilla ndërkombëtare, që rrezatojnë përtej influencave rajonale. Çdo vit vijnë në Tiranë intelektualë me rëndësi ndërkombëtare, prakticienë dhe akademikë të dizajnit, arkitekturës, inxhinierisë, si dhe të shkencave mjedisore e që kanë një lidhje të fortë me qytetin, të cilët ndajnë idetë e tyre me studentët dhe profesionistët vendas. Eventi ka një vëmendje të gjerë publike dhe politike, si dhe mbulim mediatik, që e bën atë një nga ndodhitë kulturore më të respektueshme në Tiranë dhe Shqipëri.

Arkitektët më të mirë si Maximiliano Fuksas (Itali), Peter Eisenman (ShBA), Kengo Kuma (Japoni) apo Winy Mass dhe Francine Houben (Hollandë), etj i janë bashkuar bienales dhe e kanë vlerësuar si një festival avant-guard i arteve dhe lëvizjes qytetare. Shkencëtarë dhe ekologjistë si John Allen (ShBA), e konsideruan si një nismë unike mendjehapur dhe frymëzuese.

TAW organizon konkurse ndërkombëtare dizajni, të dobishme për interesin publik, si ajo mbi stacionin e autobusit në kryeqytet, piramidën dhe sheshin rrotull, dizajnin e prodhuar në Shqipëri, etj. Të gjitha përfundimet dhe gjetjet shkencore botohen çdo vit në revistën shkencore Forum A+P. Media sociale, e printuar dhe elektronike e mbulojnë zhvillimin e eventit rregullisht dhe publiku e ndjek me interes të madh. Është padyshim një eveniment shumë cilësor. Jam krenare që jam një studente e Polis dhe kontribuese në eventet e TAW dhe TDW.

SONY DSC SONY DSC IMG_2537 IMG_2559 IMG_2581 IMG_2589 IMG_3188 IMG_3272 IMG_4563 IMG_4566 IMG_4615 IMG_4666 IMG_4672 IMG_4688 IMG_4824 IMG_5147 IMG_5658 IMG_5821 IMG_6850 Untitled_Panorama1

 

Fotografite nga Eranda Janku