Lugë e Druri nga Dalta e Artë

Dalta e Artë është një biznes i vogël i ri që ka një histori shumë frymëzuese nga pas. E ardhur në jetë prej vetëm 2 javësh, Dalta e Artë është gati të dërgojë produktet e saj artizanale globalisht. Ju mund ti ndiqni në Facebook dhe Instagram për të qenë të informuar në kohë reale !

Luan Sinani, 64 vjeç, inxhinier përpunim druri, një njeri që gjithë jetën e tij e ka dashur artin në të gjitha format… Piktura e tij e parë daton më 1967. Mes leximit, shkrimit dhe pikturës, që e kanë ndjekur përgjatë gjithë jetës, delli i tij artistik del më mirë në pah në pikturë dhe gdhendje. Shkolla, por pa diskutim talenti dhe pasioni, e ulin një ditë të bukur pranvere të bëjë një provë me veten…Të gdhëndë idetë e tija në drurin që e njeh aq mirë ! I jep vetes si detyrë një punë të vështirë, sepse vetëm kështu mund të mas pasionin dhe durimin e tij. Më pas ai përballet me idetë e së bijës, e lidhur shumë me gatimin…ajo kërkonte lugë druri. Dhe kështu, vetëm me drurin dhe daltat përkrah tij, lind pasioni i rradhes; lugët !

Të qënurit fotografja e tyre më bëri shumë të lumtur dhe gjithashtu më frymezoi; kështu që unë i propozova Luanit disa nga idetë e mia. Ne do të vijmë së shpejti me lugë të reja të personalizuara ! Deri atëherë shijoni fotografitë dhe mos harroni t’i ndiqni në rrjetet sociale !

Dalta Arte - 1 Dalta Arte - 2 Dalta Arte - 3 Dalta Arte - 4

 

Fotografitë nga unë

Receta e Brumit Brisé

Brumi Brisé është një bazë brumi tipike e kuzhinës fraceze, e përdorshme më shumë për ëmbëlsirat, për ti mbuluar ato dhe gjithashtu për antipasta të përdorshme këto në aperitivë dhe bufe. Suksesi i brumit Brisé është pa dyshim tek thjeshtësia në të gatuar dhe përshtatshmëria e saj tek gatimi me lloje të ndryshme përbërësish.

Nëqoftëse jeni te dhënë pas ushqimit dhe gatimit ,kjo recetë nuk duhet tju ikë pa e provuar.

Continue reading “Receta e Brumit Brisé”

Fustan Pas Trupi në Përditshmëri

Më pëlqen tej mase të vesh fustane të tilla, fustane të gjata pas trupit. Ajo çka më pëlqen më shumë është fleksibiliteti i tyre për tu kthyer në dy versione të ndryshme.
Mund ta veshësh me një palë atlete ose të sheshta dhe të kesh një veshje të thjeshtë të përditshmërisë, ose mund të veshësh një palë taka, një çantë dore dhe aksesorë dhe mund ta kthesh në një veshje të këndshme mbrëmjeje.
Meqenëse isha në një drekë familjare vendosa ta vesh këtë fustan pambuku me një palë sandale, me orën time të preferuar dyshe dhe sigurisht me syzet. Ndihesh mirë kur je veshu rehat dhe ke ende atë pamjen femërore dhe elegante !

02 03 04 05

 

Fotografitë nga Julia Janku

Ekspozita “Fenomenologjia e Objektit”

MAD Center është një nga galeritë më inovatore, e cila promovon në Shqipëri Artin Alternativ, Dizajnin e Aplikuar, Ide dhe Projekte mbi Dizajnin, si dhe Arkitekturën. Këtë herë kjo galeri na solli një ekspozitë të titulluar “Fenomenologjia e Objektit”, punuar nga studentët e vitit të dytë të degës “Art&Dizajn” të Universitetit Polis, dhe kuruar nga pedagogët Ermal Bezhani dhe Dea Buza.

Nuk mund të qëndroja dot pa e ndarë me ju këtë ekspozitë, e cila tregon më së miri evolimin profesional të studentëve dhe kreativitetin e tyre. Keni mundësinë për ta vizituar këtë ekspozitë pranë ambjenteve të Universitetit Polis, por nxitoni pasi ajo mbyllet brenda pak ditëve !

Foto2

Koncepti i Ekspozitës

Fjala Objekt rrjedh nga latinishtja, “obicere” me kuptimin “për të vendosur përpara”, “çfarë është vendosur para mendimit apo pamjes”. Çdo gjë materiale, imateriale, konkrete, e ndjeshme apo imagjinare, e cila mund të perceptohet nga shqisat apo nga truri; ajo çka është jashtë subjektit, e ndryshme nga subjekti mendimtar. Fenomenologjia është një traditë filozofike, apo lëvizje e bazuar në premisën se realiteti përbëhet nga objekte dhe ngjarje, pasi ato perceptohen ose kuptohen në ndërgjegjen e njeriut dhe nga asgjë e pavarur nga ndërgjegja e njeriut.

Fenomenologjia përbën analizën e objektit në qëllimshmërinë e tij. Ajo shqyrton dhe ekzaminon vlerën e objekteve të njohura nga ndërgjegja. Pretendon të jetë një kthim tek gjërat, një përpjekje për të lënë objektet të flasin, ato aspekte që prekin ndërgjegjen njerëzore.

Objekte të ndryshme të përdorimit masiv janë dekontekstualizuar, fragmentizuar dhe integruar për të formuar objekte të reja. Aspekti i tyre formal ka gjetur ripërdorim në struktura të reja. Gjithashtu disa objekte me origjinë organike, të cilat nuk kanë patur aspak një tipar funksional dhe janë konsideruar si “objekte artistike”, vepra dekorative, shpesh të vendosura mënjanë për një periudhë të caktuar, janë mishëruar në objekte të reja për përdorim masiv.

 

Proçesi

Problematikat me të cilët studentët janë përballur vijnë nga një analizë e nevojave të tregut dhe tendencave bashkëkohore. Objektet e projektuara kryesisht janë propozuar nga ana e tyre tek klienti (industria), për në treg.

Problemi është zbërthyer në dy përbërës kryesor : fizik dhe psikologjik. Përbërësi fizik ka të bëjë me formën e objektit që është projektuar, kurse përbërësi psikologjik ka të bëjë me raportin ndërmjet objektit dhe përdoruesit.

Jane studiuar aspektet funksionale, raporti i objektit me përdoruesin, si dhe ergonomia. Gjithashtu është menduar jetëgjatësia e objekteve, e cila shkon së paku 10 vjet.

Është marrë në konsideratë fakti se objektet duhet të realizoheshin me materiale dhe teknologji, brenda mundësive të prodhomit në vend, në mënyrë që të përfitohej rezultat maksimal me sa më pak shpenzime.

Në këtë pikë “hyn në skenë” kreativiteti. Lindja edhe e disa ideve të një estetike të logjikës, të cilën e hasim në të tjera forma organike si drurë, gjymtyrë, forma vegjetale, kafshë, minerale etj., ku forma është rezultat i pasojave logjike.

Nga kjo sintezë kreative janë krijuar dhe modelet, në shkallë të zvogëluar apo reale. Këto modele janë vënë nën shqyrtimin selektiv, së pari nga vetë studentët, dhe më pas nga pedagogu. Kështu atyre u janë bërë disa prova finale për të arritur së fundmi tek prototipi final.

Foto1 Foto3 Foto4 Foto5 Foto6 Foto7 Foto8

 

Fotografitë nga Eranda Janku

Përmbledhja e Shkurtit

Shkurti ishte një muaj shumë intensiv dhe për fat të keq mu desh të merrja pak kohë pushim nga postimi në web. Kisha periudhën e provimeve në universitet dhe zgjidhja më e mirë ishte të qëndroja e fokusuar në shkollë.

Ndihem shumë me fat që jam pjesë e Universitetit Polis dhe që po studioj fushën time të preferuar “Art & Dizajn”. Gjatë semestrit të parë kam patur lëndë shumë interesante si: Histori Arkitekture, Histori Arti, Gjeometri Euklidiane, Vizatim, Qeramikë, Filozofi Arti dhe Dizajn Hapësire. E shijova secilën nga këto lëndë dhe kam mësuar shumë. Është e mahnitshme se si universiteti kontribon gjithashtu shumë në web-in tim.

Në këtë post unë do t’ju tregoj disa foto gjatë këtyre klasave. Me pak fjalë, në Dizajnin e Hapësirës na duhej të kapnim hapësirën mes dy balerinëve që kërcenin tango dhe më pas duhet ta përkthenim këtë hapësirë mes tyre në një produkt aktual. Kjo ishte një klasë shumë interesante që ndryshoi mënyrën time të perceptimit të hapësirës dhe objektit në të.

Në klasën e qeramikës pata mundesinë të punoja për herë të parë me baltë. Detyra ishte të krijojonim dy objekte të ndryshme, një të frymëzuar nga format bazë gjeometrike dhe një tjetër të frymëzuar nga natyra. Na duhej fillimisht të krijonim objektin bazë dhe më pas ta transformonim atë në forma të ndryshme apo koncept. Si herë e parë e punimit me baltë ishte një përvojë vërtet zbavitëse dhe mësova se vetëm me pak durim mund të arrish shumë më shumë nga ç’mendon.

Mbarova me sukses provimet e mia dhe tani jam shumë e lumtur që ti kthehem sërish postimeve. Ne kemi shumë projekte të reja dhe surpriza për ju. Kështu që, mos mungoni !

Foto1 Foto2 Foto3 Foto4 Foto5 Foto6 Foto7

 

Fotografitë nga Eranda Janku

Bëje Vetë – Një Kavanoz Krishtlindjesh

Nuk mund të rezistoja pa ja “vjedhur” Kikit këtë post, duke qenë se më ka marë shumë malli të shkruaj. Po bëhen gati 2 vjet qëkur vendosa të mbyll blogun tim personal “Doll House Scrapbook”. Ishte e vështirë për mua të “hidhja poshtë” 5 vite të jetës sime, por teksa rritesh jeta të vë përpara detyrime të reja, të cilat në shumicën e rasteve (ashtu si në rastin tim) bëhen prioritetet e tua; ndaj për të ruajtur një balancë me veten, të duhet të bësh zgjedhje.

Por do mundohem të shoh anën pozitive të së gjithës, duke qenë se gjatë kësaj periudhe sëbashku me vajzat vendosëm të ndërmerrnim një hap të madh e të sillnim për ju Kikiliciouss. Blogu i ri na ka rritur kaq shumë, dhe kemi zbuluar aq shumë për çdo gjë që ne bëjmë, në mënrë që të sjellim gjëra të reja për ju në çdo javë. Personalisht, kam zbuluar se të dizenjuarit dhe fotografuarit e ushqimit dhe objekteve në jetën e përditshme jo vetëm është mjaft argëtuese dhe frymësuese, por mbi të gjitha të edukon estetikisht.

Duke qenë se jemi pranë Krishtlindjeve, duam që t’ju japim ju mundësinë të krijoni zbukurimet tuaja personale për festat, duke mbledhur bashkë pak kreativitet dhe dashuri. Kreativitet, sepse do të krijojmë diçka të veçantë vetëm për ne, dhe dashuri sepse gjërat e bukura nuk mund të bëhen pa të.

Projeket DIY (do it yourself- bëji vetë) përbënin një pjesë të rëndësishme të blogut tim, ndaj do mundohem t’i sjell edhe këtu, sa më shpesh të mundem. Projekti i parë që do të ndaj me ju është “kavanozi i Krishtlindjeve”. Për të gjithë ju që nuk keni vend mjaftueshëm për një pemë Krishtlindjesh të vërtetë, apo për të gjithë ju që doni pak atmosferë festash kudo, qoftë në dhomën e ndenjes, qoftë në dhomën e gjumit, apo edhe në zyrën tuaj, ja se si mund të krijoni dekorimin tuaj personal / ose me fjalë të tjera, pemën tuaj alternative të Krishtlindjeve”.

 

Gjithë çfarë ju duhet janë:

  • Një kavanoz prej xhami transparent (mund të jetë i çdo madhësie, ose forme);
  • Drita Krishtlindjesh (mund të jenë të çdo ngjyre, por mos harroni që të jenë me bateri, jo me korent);
  • Boçe pishe (do të përdorim boçe pishe për këtë version, por mund të përdorni çdo lloj zbukurimi që ju pëlqen / lodrat e Krishtindjeve prej druri, do të ishin një zgjedhje fantastike gjithashtu);
  • Zbukurime të tjera Krishtlindjesh (do të përdorim një ëngjëll të kuq prej qiramike dhe një kallam sheqeri me viza të bardha e të kuqe, për të krijuar kontrast me boçet e pishës në ngjyrë kafe; por mund të përdorni zbukurime të tjera sipas dëshirës, për aq kohë sa krijoni kontrast midis tyre);
  • Copa pambuku të bardhë (për të krijuar idenë e flokëve të dëborës).

Si t’i vendosni bashkë gjërat?

Nisni me vendosjen e dritave në fundin e kavanozit. Më pas shtoni boçet e pishës dhe copat e pambukut, duke i miksuar me dritat, deri sa të arrini në pjesën e sipërme të kavanozit. Mos harroni ta lini butonin ndezës të dritave në pjesën e sipërme, që të mund t’i ndizni dhe fikni lehtësisht. Miksoni pjesën tjetër të zbukutimeve (në rastin tonë ëngjëllin dhe kallamin e sheqerit) me boçet e pishës, duke i vendosur ato në vende të dukshme.

Dhe VOILA ! Sapo krijuam një zbukutim Krishtindjesh tërësisht origjinal ! Mund ta vendosni zbukurimin tuaj kudo. Ne e vendosëm tonin mbi tavolinën e punës në zyrën Kikiliciouss, dhe na pëlqen jashtëzakonisht shumë, sepse ndriçon gjatë natës dhe është mjaft i shnditshëm gjatë ditës.

 

Pra jeni gati për aventurën tuaj? Përgatisni zbukurimin tuaj personal dhe na dërgoni një fotografi. Ne do t’i postojmë të tëra fotot e grumbulluara në ditën e Krishtindjeve.

Shijojeni projetin DIY dhe deri në postimin tjetër, shumë dashuri nga unë!

 Eranda

3 2 1

 

Fotografitë nga Eranda Janku

Veshje E Rastit Dimërore – Ponço E Bardhë

Më në fund i thamë mirë se vjen Dhjetorit, një nga muajt e mi të preferuar dhe shpresoj vetëm që dhe ju ta doni këtë periudhë të vitit po aq sa unë! E adhuroj të strukem nën një batanije të ngrohtë, teksa dëgjoj fishkëllimën e erës jashtë dritares, thuajse si një ngacmim i ëmbël.

Një tjetër gjë që më pëlqen krahas dremitjeve të rehatshme, është të qënurit i mbështjellë me rroba të ngrohta dhe komode. Edhe pse, për të qenë e sinqertë Tirana nuk është përballur me asnjë ditë të ftohtë dimri… Duke folur për rrobat, këtë vit unë kam pasur një simpati të papritur për ponçot dhe kam blerë shumë të tilla. Nuk mendoni se janë kaq të bukura ?

Për sot unë zgjodha këtë ponço të bukur të bardhë nga Zara, një këmishë të thjeshtë Zara, pantallona klasike të zeza nga Zara me çizme deri tek kyçi i këmbës të H&M. Për aksesorë vendosa të vë këtë orë të mrekullueshme gërshetore të Bijou Brigitte me një varëse të rëndë të Zara-s dhe çantë të Parfois. E fundit por jo më pak e rëndësishme vendosa të shkoj me këtë stil të mrekullueshëm flokësh: kurorë gërsheti e thurur mbrapsht ; kapur nga motra ime Eranda.

Processed with VSCOcam with se3 preset Processed with VSCOcam with se3 preset 3 Processed with VSCOcam with se3 preset 5

 

Fotografite nga Julia Janku 

Retouch nga  Eranda Janku

Trevat Shqiptare Në Polis

Ideja për TREVAT në POLIS nisi krejt spontanisht nga Këshilli Studentor Polis. Fillimisht ideja ishte të kendohej himni e studentët të vishnin ngjyrat kombëtare, por ajo ndryshoi duke evoluar gjithnjë e më shumë. Identiteti kombëtar është arsyeja më e rëndësishme për festim, prandaj tema kryesore e festimit u vendos të ishte “Trevat”.

E ndërsa në Polis ne besojme tek metropolitanizmi, kjo do të ishte pak si “piper djegës” që i jepte stilit dhe shijes polisjane një aromë lokale. Ndaj studentët kerkuan të tejkalonin bërjen e një ekspozite të ftohtë punimesh artistike. Ne të gjithë bashkë u shtymë të arrinim ndjesinë e shtëpisë shqiptare përmes ngrohtësisë së saj. TREVAT ishte në thelb koncepti i një shtëpie të madhe mikpritëse shqiptare.

Në fakt, mund të gjeje aty çdo gjë që të kujtonte shtëpinë tradicionale … çentrot e gjyshes, stolat e sixhadet, perdet e qendisura a radio të një tjetër shekulli. Tigani tradicional i Gjirokastrës, përkrah sixhades nga Himara, pikturat shkodra e punimet artizanale të Beratit. Por shtëpia e madhe e trevave tona, kishte vend dhe për art të mirëfilltë bashkëkohor, i frymëzuar nga ai tradicional. Ishin jo te pakta punimet që studentët kanë realizuar si detyra e ne i kërkuam në arkivën e universitetit. Ishte gjithashtu interesante përballja e tyre me të vjetrën, në TREVAT. Natyrisht veshjet kombëtare ishin padyshim ajka e ekspozitës TREVAT. Spikatën kostume Ulqinake, Kuksiane, Labe, etj. Mirëpo, çorapet e leshta, kishin padyshim vendin e nderit, duke qenë se janë përherë prezente në shtepitë tona, jo si elemente të thjeshta, utilitare, por edhe si një element i rëndësishëm i ekspresivitetit artistik.

Ekspozita ishte e hapur gjatë të gjithë ditës në Polis, mirëpo banketi me ushqimet tradicionale, përgatitur nga studentët, ishte momenti kulmor. Tavolinat e mbushura me gatime të shijshme por dhe të panjohura nga disa prej nesh, zgjonin kuriozitetit dhe të hapni oreksin. Edhe njëherë u dëshmua se kulinaria shqiptare është sëbashku art e dashuri. Por sofra e mikpritjes ishte gjithashtu element kulmor i TREVAVE. Në fakt shqiptaret kur mblidhen në festime, u mjafton vetem pak muzikë për të nisur vallen. Kështu ndodhi edhe me TREVAT dje. Vallja e Kukësit, e Rugovës, ajo Çame, Napoloni, etj, i kthyen TREVAT në një festë të vërtetë, në një moment kthimi në kohë, ku njerëzit kërcenin të lirë vallet dhe tingujt që prej shekujsh shoqërojnë gëzimet dhe festimet shqiptare.

Ishte emocionuese te ishe pjesë e ditës së djeshme në Polis. Urojmë të kemi tejkaluar pritshmëritë, e të kemi buzëqeshur sadopak ditën e të gjithëve: Festën e Flamurit! Sigurisht, një falenderim shkon për organizatorët: Këshilli Studentor i Polis, si dhe ata qe kontribuan sipas mundësisë së tyre. KIKILICIOUSS team ishte gjithashtu prezente në TREVAT me një tryezë menuje recetash tradicionale të interpretuar sipas recetave të familjes. Ishte një ditë e bukur edhe për ekipin, i cili dokumentonte ndërsa ishte edhe pjesë e këtij evenimenti.

KIKILICIOUSS ju uron të gjithëve: Gëzuar festën e Flamurit dhe Gëzuar Pavarësinë Shqipëri !

IMG_4077 IMG_4091 IMG_4108 IMG_4114 IMG_4129 IMG_4134 IMG_4161 IMG_4162 IMG_4192 IMG_4193 IMG_4216 IMG_4353 IMG_4355 Untitled-1 Untitled-2 Untitled-3 Untitled-4

 

 Fotografite nga unë dhe Julia Janku 

Historia e Tekilë-s

Tekilaështë një produkt i përftuar nga bima agave – ashtu si një burbon – një gllënjkë gjallëruese që të mban zgjuar edhe në orët e vona. Cilësia e tekilës sot është e pashembullt. Një pjesë e madhe e tekilave që janë fantastike, vijnë nga rajone të ndryshme që reklamojnë produktet e veta lokale. Thuhet madje se tekila është pikërisht si vera.

I nxjerrë nga zemra e bimës blu të agaves, lëngu duhet të distilohet dy herë. Tekila e parë që del nga poçi i distilimit quhet “ordinario” dhe është plot papastërti. Kur ridistilohet, ai arrin 55% alkool për volum, dhe quhet blanco.

Zakonisht prodhuesit shtojnë ujë kur duan të ulin sasinë e alkoolit. Disa madje mund ta injektojnë me oksigjen për ta bërë të butë më shpejt. Ky proçes, shpesh konsiderohet “mbi-pushtues”. Në fakt tekilat e buta natyrshëm janë shumë më të këndshme, pasi çdo përftim i distiluar kërkon kohë të qëndrojë dhe të qetësohet. Ekspertët e barazojnë dendjen e tekilës me oksigjen, me “tundjen e një koktejli Xhin Martini apo Manhattan” dhe nuk e pelqejnë teksturën që ky proçes krijon.

Sidoqoftë, duke lënë shkencën mënjanë, në një bar zakonisht tekilat kategorizohen në 4 mënyra, në varësi të moshës. Por kini kujdes të kërkoni tekila 100% agave blu; përzierjet nuk prodhohen me ekstraktin e pastër të bimës, dhe prodhohen për konsumime të lira masive. Më poshtë janë disa këshilla se çfarë të prisni nga çdo tip tekile, me çfarë ushqimesh ti kombinoni, dhe sigurisht cilin tip të perdorni në një koktejl Margarita.

Blanco:

Nëse ekspertët do të gjykojnë tekilën tuaj, ata do të shijojnë blanco-n, e cila futet në shishe pak pas distilimit dhe zakonisht nuk vjetërohet në material dru lisi. Nëse blanco-ja juaj nuk del e mirë, mund ta bëni të këndshme duke e futur në një bucelë. Mjeshtëria duket pikërisht duke ditur të besh një blanco të mire. E kupton qëështë e mirë, kur nuk shijon vetëm piperin e zi, por tërësinv e shijeve të agaves, qitros, mjaltit dhe luleve. “Blanco”, duke marrë parasysh emrin (spanjisht: e bardhë) duhet të jetë në fakt transparente. Ajo kombinohet mirë me pjatën “ceviche”, që konsiston në peshk apo fruta deti të marinuara, dhe është kjo lloj tekile që ju duhet për një koktejl Margarita me cilësi.

Reposado:

Çdo tekila që ka kaluar një periudhë kohore nga dy muaj, në një vit, në një bucelë lisi quhet reposado. Si motra më e vjetër e blanco-s, shkëlqen një ngjyrë të lehtë ari e deri në një ngjyrë bakri të fortë. Në nuhatje dhe shije, ka një balancë të lisit dhe agaves. Kombinojeni këtë tekila me një pjatë tacos; megjithëse dihet se kjo pije bëhet edhe më e mirë, kur kombinohet me pulë apo disa lloje peshqish, ashtu si edhe një Chardonnay që ka marrë aromën e lisit.

Anejo:

Tani futemi në një fazë edhe më të mëvonshme të tekilas e cila përfshin anejo-n, e cila ka qëndruar në një bucelë lisi nga një deri në tri vjet. Kjo ka një ngjyrë të thellë qelibar, ashtu si Uiski i moshuar. Nga kjo tekila pritet një aromë e fortë lisi, kombinuesi natyral i së cilës është një cigare. Nëse shkon në Meksikë, të gjithë ata që zotërojnë një distileri nxjerrin purot kubane me të mbaruar darkën. Por nëse nuk jeni një duhanpirës, mund të zgjidhni çokollatën: çokollatë pikante, çokollatë me kripë deti, çokollatë meksikane apo një mole poblano.

Extra anejo:

Ky lloj tekile që kushton rreth 300 $ për shishe, maturohet në lis për të paktën tri vjet. Është i shtrenjtë sepse është i vështirë për t`u përgatitur dhe pihet zakonisht pa shoqërues. Sigurisht, mund të kombinohet me truffles çokollate, por një gllënjkë ekstra anejo i jep jetë një bote të tërë shijesh: aromë lisi, shumë vanilje… një shumëllojshmëri shijesh të pasura në gojën tuaj, thuajse si ajo e Konjakut.

Kështu që nxirrni fetat e limonit të athët dhe kripën, dhe përqafoni një botë të tërë shijesh tekilash.

Processed with VSCOcam with se3 preset Processed with VSCOcam with se3 preset Processed with VSCOcam with se3 preset

 

Fotografite nga Eranda Janku

Uji Detoksikues dhe Përfitimet E Tij

Pirja e ujit ndihmon çdo ditë në largimin e toksinave nga trupi, por me disa përbërës të thjeshtë, mund ta shndërroni ujin në një detoksikues dhe të merrni edhe më shumë përfitime. Kjo është dicka që mund të bëni çdo ditë, apo si pjesë të një strategjie më të gjerë detoksikimi.

Përfitimet e ujit detoksikues :

– Transporton nutrientët dhe oksigjenin

– Mbron organet dhe i bën ata të funksionojnë optimisht

– E mban lëkurën tuaj të re dhe të freskët

– Rregullon temperaturën e trupit (e rëndësishme për të ndenjur ngrohtë gjatë periudhës së dimrit)

– Vepron si kundër dehidratues ndaj kafesë, alkoolit, ilaceve dhe ushtrimeve trupore

– Lubrifikon ligamentet

– Energjizon muskujt

– Mban lëvizjen e zorrëve të rregullt

– Bën ta ndjeni stomakun më të mbushur (dhe ndihmon në humbjen e peshës)

– Ndihmon që të mendoni në mënyrë më të qartë

IMG_6918

Ajo që e bën ujin detoksikues kaq të mrekullueshem, është fakti se ju po e furnizoni trupin tuaj me uje të pastër që i është dhënë një shije e lehtë nga frutat e freskëta dhe barërat, të cilat gjithashtu në vetvete përmbajnë ujë në mënyrë natyrale! Ujërat detoksikues janë superiorë ndaj “ujërave me vitamina”, të cilat janë të përbërë nga ngjyrues artificialë dhe vitamina kimikate, dhe sigurisht shumë më superiorë se sodat dietike që janë të mbushura me kolorues karameli dhe aspartame. Ujërat deteksikues janë të mirë edhe për ata që janë mërzitur nga uji i thjeshtë, që në fakt mund të tingëllojë si një llastim, por ndodh, sidomos në rastet kur dieta juaj ditore përmban një konsum të lartë të ujit.

Shënim:Çdo përbërës i shtuar në ujin detoksikues do të sigurojë përfitime të ndryshme, kështu që kini pararysh t`i zgjidhni përbërësit sipas qëllimeve tuaja specifike.

Përfitimet e recetës sime:

Limoni ndihmon për të pastruar sistemin e tretjes se ushqimit

Shalqiri e ndihmon trupin të largojë toksinat

Borziloku është i pasur me antioksidantë

Metoda :

Vendos në një masë të vogël uji shumë kubikë akulli dhe fusni brenda përbërësit që ju dëshironi. Lëreni në frigorifer ujin për të paktën 4 orë.

Nëse jeni në udhëtim dhe skeni mundësinë e të vendosurit në frigorifer, kalojeni këtë fazë duke e marrë shishen apo enën tuaj me vete

Nëse keni ditë aktive dhe të gjata pune, përgatiteni ujin tuaj para se të flini dhe të nesërmen e keni gati

IMG_6895 IMG_6904

 

 Fotografite nga Eranda Janku