Tartë e Shëndetshme me Tërshërë

Kjo recetë është fryt i eksperimenteve të mia për të krijuar një vakt mëngjesor ndryshe, i cili do të bashkonte 3 përbërësit e mi të preferuar të mëngjesit: tërshërën, kosin dhe farat chia. Më ka marrë goxha deri sa arrita në teksturën dhe ëmbëlsinë që unë dëshiroja; por provat dhe mundimi u shpërblyen pasi të gjithë që e kanë provuar apo porositur e kanë pëlqyer tej mase.

Kjo tartë e shëndetshme është ideale për një mëngjes të shijshëm dhe për të cilin nuk keni pse ndiheni në faj.

Pjesa e brumit me bazë tërshëre është krokante pasi piqet, por do të jetë mbushja e kosit ajo që do ta zbusë bazën e tartës për ti dhënë shijen finale. Shtoni frutat që ju dëshironi për ti dhënë një prekje të fundit.

Healthy Oatmeal Tart 2 Healthy Oatmeal Tart 3 Healthy Oatmeal Tart 4 Healthy Oatmeal Tart 5 Healthy Oatmeal Tart 6

Proçedura:

 

Në një tas mesatar vendosni kosin grek, kosin e lëngshëm, farat chia dhe përzieni mirë masën.

Vendoseni në frigorifer për disa orë deri sa farat chia të jenë fryrë, ose brenda natës.

Ndizni furrën në temperaturë 176°C.

Vendosni letër furre në tavën që do të piqni bazën e tartës (unë jam duke përdorur tavë rrethore 28 cm me hapje anësore)

Në një tas tjetër vendosni gjalpin dhe sheqerin kaf dhe rrihini me rrahës elektrik deri sa sheqeri pothuaj të jetë tretur.

Shtoni miellin, rrihni sërish me rrahës elektrik dhe në fund shtoni tërshërën e plotë të cilën e përzieni me spatul silikoni ose lugë druri.

Vendosni brumin në tavën e përgatitur dhe me spatulën ose të prapmen e një luge të lagur hapeni brumin njëtrajtësisht.

Piqeni deri sa të ketë marrë një ngjyrë kafe të artë dhe lëreni mënjanë të ftohet në temperaturë dhome.

Pasi të jetë ftohur plotësisht ndajeni tartën në 12 rracione (ose më shumë nëse i doni fetat më të holla).

*Kështu do të jetë shumë e thjeshtë për ta servirur. Tarta do të jetë shumë krokante në këtë fazë, por mos u shqetësoni.

Shtoni sipër masën e kosit dhe vendoseni në frigorifer për minimumi një orë para servirjes.

*Kjo do të bëjë të mundur që baza e tartës të zbutet nga kosi dhe shijet të bashkohen me njëra tjetrën.

Shtoni fruta sipas dëshirës sipër dhe servireni.

Healthy Oatmeal Tart 9 Healthy Oatmeal Tart 10 Healthy Oatmeal Tart 11 Healthy Oatmeal Tart 12

 

Fotografitë nga Eranda Janku

Minikekë me Tërshërë dhe Banane

Nëse mendoni se zgjidhja e vetme e bananeve të tejpjekura është hedhja e tyre në kosh, është koha të ndërroni mendim. Jo vetëm që bananet e tejpjekura janë shumë të mira për shëndetin; po kjo është gjithashtu një mënyrë e zgjuar si të reduktoni sasinë e sheqerit të përdorur në ëmbëlsirat tuaja duke e zëvendësuar kështu me sheqerin natyral të bananes.

Këto minikekë me tërshërë dhe banane janë ideale për mëngjes dhe vakt të shpejt përgjatë ditës.

Continue reading “Minikekë me Tërshërë dhe Banane”

Milkshake Me Tërshërë

Ky milkshake është pija ideale për mëngjes apo zamër. Jo vetëm i shijshëm por dhe i shëndetshëm. Me pak përbërës dhe proçes pune të thjeshtë kjo pije mund të kthehet në të preferuarën tuaj. Për të mos përmendur këtu që do ta keni gati për më pak se 1 minutë !

Shqip

Proçedura :

 

Vendosi të gjithë përbërësit në një blender dhe pulso deri sa masa te jetë e njëtrajtshme dhe kremoze

1 2

 

 Fotografite nga Eranda Janku

Milkshake Me Biskota Me Tërshërë

Kjo është një nga recetat e mia të preferuara të milkshakes. Fillimisht këtë kombinim e provova krejt rastësisht teksa po haja disa nga biskotat e mia me tërshërë dhe motra më sjell një tas me akullore vanilje. Më pëlqeu tej mase dhe mendova që ti bashkoja. Por në vend që të përgatisja akullore me biskota, mendova për milkshake me biskota (nuk kisha aq durim sa të prisja akulloren të përfundonte së bëri, besoj më kuptoni). Dhe ja ku jam duke e ndarë këtë recetë sa të thjeshtë dhe të shijshme me ju !

Për disa, kjo recetë mund të jetë pak më e ëmbël se çduhet, por ju gjithmonë mund ta rimodeloni këtë ëmbëlsi duke i gatuar biskotat me tërshërë me më pak sheqer se normalisht.

Continue reading “Milkshake Me Biskota Me Tërshërë”

Biskota Të Pastra Me Tërshërë Pa Pjekje 

Kujt nuk i pëlqen të konsumojë biskota ?!

Këto jane biskota të shëndetshme pa pjekje të cilat duan vetëm 2 minuta për tu përgatitur. Pa sheqer apo yndyrë të keqe të shtuar, dhe ç’është më e rëndësishmja : janë shumë të shijshme. Mund ti konsumoni kurdo që të dëshironi : mëngjes, drekë, darkë apo zamër dhe nuk do të ndiheni aspak në faj. Çfarë mund të kërkoni më tepër ?

Continue reading “Biskota Të Pastra Me Tërshërë Pa Pjekje “

Biskota Me Tërshërë Dhe Arrë Kokosi

Biskotat me tershere jane mengjesi ose zemra e preferuar e te dyve : femijeve dhe rriturve. Keto biskota jan te mbushura me tershere, arre kokosi ose cdo frut te thate qe ju deshironi. Te thjeshta per tu bere dhe shume te shijshme, keto biskota do ti gjeni si shpetimi juaj ne mengjeset e shpejta apo dhe vizitat surprise te miqve tuaj. Mund ta ngrini brumin dhe ta piqni atehere kur ju nevojitet, keshtu do te keni gjithmone gati biskota te sapo pjekura.

Continue reading “Biskota Me Tërshërë Dhe Arrë Kokosi”