Kek me Qershi

A e dini se çfarë na pëlqen më shumë? Recetat që mund t’i mësojmë lehtësisht e më pas me një ndryshim të vogël t’i shndërrojmë në dicka komplet të re e të shijshme.

Ky është rasti i kekut me qershi. Po, më në fund erdhi sezoni i qershive! Teksa jemi të lumtur të hidhemi nga luleshtrydhet, tek qershitë, mbani mend  se ju dini tashmë si të gatuani një kek me luleshtrydhe, kështuqë çfarë të shtojmë më?

Gjeni KËTU recetën, futini në punë ato qershi të mrekullueshme dhe le ta hapim sezonin e verës!

 

Fotografitë nga Eranda Janku

Kek me Luleshtrydhe

Unë i dashuroj luleshtrydhet sepse të japin mundësinë të bësh çdo gjë me to. Unë madje i përdor luleshtrydhet për të zbardhur dhëmbët, por kjo është një tjetër histori…

Mund ti konsumoni të gjalla ose të gatuara. Kombinuar me përbërës të ndryshëm ato bëjnë disa nga pjatat më të mrekullueshme.

Disa ide ku mund t’i përdorni : sallata; pasta të ftohta; rizoto; vakte mëngjesi dhe darkë; pije dhe koktejlje; ëmbelsira pa fund : biskota, minikekë, kekë, kremëra, tarta, ëmbelsira akulli etj.

Luleshtrydhet mbrojnë zemrën tuaj (sa më të kuqe të jenë aq më i lartë është faktori mbrojtës i tyre); mbajnë dhëmbët të shëndetshëm (ato luftojnë bakteret që kontribuojnë në prishjen e dhëmbëve dhe sëmundjet e mishrave të dhëmbëve); ju ofrojnë vitaminë C me shumicë (240 gram luleshtrydhe të prera në feta ju sigurojnë 163% të dozës suaj të përditshme të vitaminës C) etj. Luleshtrydhet kanë rezultuar gjithashtu të jenë mbrojtës nga disa lloje kanceri; përfshirë këtu kancerin oral, atë të gjirit dhe të qafës së mitrës.

Për këto dhe arsye të tjera, unë besoj se luleshtrydhet janë më të mirat !

Continue reading “Kek me Luleshtrydhe”

Masë Keku Vanilje E Bërë Në Shtëpi

Receta “Masë Keku Çokollate E Bërë Në Shtëpi” nga L.V e postuar pak javë më parë i kaloi pritshmëritë dhe si rrjedhojë njerëzit nisën të më pyesnin për masa të tjera të cilat mund ti mbajmë në bufe e t’i përdorim kurdo. Jam shumë e gëzuar të ndaj me ju të gjitha recetat që un përdor në shtëpi në çdo kohë, për çdo rast. Sot po ndaj me ju një recetë bazike, atë me vanilje.

Shënim : Më falni që nuk kam postuar së fundmi. Aparati im profesional është prishur dhe kjo është arsyeja kryesore. Ndër të tjera kam qenë shumë e ngarkuar dhe me shkollën, sezonin dhe projekte të tjera të cilat do të lançohen së shpejti në Kikiliciouss !

VCM-POSCOVER shqip

Proçedura :

Sitni të gjithë përbërësit e thatë në një tas të madh

Përzieini mirë

Vendoseni masën në një enë hermetike me kapak të puthitur mirë

Ruajeni në raftin tuaj

 

Sugjerim : Dyfishojeni ose trefishojeni masën që ta keni në raftin tuaj për përdorim sa herë të dëshironi

 

Përbërësit e tjerë që duhen për të përgatitur kekun :

3 vezë

310 ml qumësht ose ujë (qumështi e bën kekun më të plotë)

113 gram gjalp i shkrirë jo i kripur ose vaj perimesh (gjalpi mundëson një kek më të plotë)

Ekstrakt Vanilje

 

Si Të Përgatisni Kekun :

Ngrohni furrën në temperaturë 176°C

Përzieni masën e thatë (nëse keni përgatitur më shumë përdorni 900 gram) me vezët, gjalpin ose vajin, qumështin ose ujin

Shënim – kjo masë përgatit një kek (22 x 33 cm), 2 kekë rrethorë (22 cm) ose 24 minikekë

Kekët duhet të piqen në furrën e ngrohur për 35 minuta, ndërkohë që minikekët kërkojnë rreth 20 minuta

VCM-3

 

Fotografitë nga Eranda Janku

Kek Me Çokollatë Të Bardhë

Disa nga adhuruesit e çokollatës së bardhë më kërkuan të përgatisja një kek me çokollatë të bardhë, dhe ja ku jam këtu duke ndarë me ju një nga recetat e mia të pakta me çokollatë të bardhë. Dola në përfundimin se duhet të gatuaj më shpesh me çokollatë të bardhë !

Processed with VSCOcam with se3 preset Processed with VSCOcam with se3 preset Shqip

Proçedura :

 

Ndiz furrën në temperaturë 180°C dhe shtroni me letër furre bazën e një tepise me hapje anësore (ose çfarëdo lloj tepsie që ju gjendet) me diametër 23-25 cm.

Shkrini 225 gram çokollatë të bardhë me gjalp në banjomari, duke e lënë pjesën tjetër të çokollatës për dekorin

Përzieni të verdhat e vezëve me sheqerin derisa të formohet një masë dense dhe kremoze

Shtoni me ngadalë çokollatën e shkrirë, teksa vazhdoni të përzieni

Shtoni miellin dhe bajamet e shtypura.

Në një tas të pastër rrihni të bardhat e vezëve derisa të krijojnë maja të forta

Bashkojeni këtë masë me brumin duke e përzier me kujdes nga poshtë – lartë në një kënd të gjerë

Piqeni masën për 45 minuta ose derisa të ngulni një kunjë dhëmbësh në mes dhe të dalë e pastër

Shkrini pjesën e mbetur të çokollatës së bardhë dhe shtojani sipër, mund të shtoni edhe copëza cokollate.

Processed with VSCOcam with se3 preset Processed with VSCOcam with se3 preset Processed with VSCOcam with se3 preset Processed with VSCOcam with se3 preset Processed with VSCOcam with se3 preset

 

Fotografite nga Eranda Janku