Keto Brownies

Brownies është një nga ato receta që klikohet gjithmonë, pa dallim stine apo periudhe. Një recetë klasike, aq e shijshme sa zor të zëvendësohet në llojin e saj.

Dietat Keto nga ana tjetër janë bërë shumë popullore së fundmi. Në përpjekje për të krijuar një recetë Brownies e cila të ishte Keto, përfundova në këtë mrekulli që në fakt ia rekomandoj të gjithëve ta provojnë; janë apo jo në një regjim Keto!

  • Sheqerin e kokosit mund ta zëvendësoni me çdo tipologji sheqeri që dëshironi, por ju sugjeroj atë të kokosit pasi dhe shija që ai siguron është e veçantë.
  • Miellin e bajameve mund ta përgatisni fare kollaj vetë në shtëpi duke pulsuar bajame natyrale në një blender ose grirës ushqimor deri sa të keni konsistencën e miellit. Nëse doni të jeni tejet të kujdesshëm mund tia qëroni lëkurën bajameve duke i futur për pak sekonda në ujë të valuar.

Continue reading “Keto Brownies”

Parfe e Shëndetshme

Ushqimi shijon më shumë kur ndër të tjera edhe duket bukur, dhe ky është një fakt!

Me shumë pak kujdes mund të kthejmë një vakt mëngjesor mëse normal siç është granola me kos e fruta, në një parfe të bukur, e cila të fton ta shijosh menjëherë!

 

  • Për këtë recetë do t’ju duhet granola cilësore dhe mundësisht e personalizuar sipas shijeve tuaja që ta shijoni deri në pikën e fundit, prandaj klikoni këtu për të lexuar recetën tonë të granolës, e ndjehuni të lirë të zëvendësoni frutat e thata sipas preferencave.
  • Mund të përdorni kos normal ose grek; kjo mbetet në dorën tuaj. Personalisht nuk më pëlqen kur kosi normal lëshon ujin e tij prandaj preferoj një miksim mes kosit grek dhe kosit në formën e lëngut. Në këtë mënyrë konsistenca mbetet sërish në dorën time.
  • Detaji i fundit, por jo më pak i rëndësishëm, frutat e freskëta. Ne kemi përdorur luleshtrydhe, por ndjehuni të lirë të përdorni frutin apo frutat tuaja të preferuara.

Proçedura:

 

Shtroni frutat, kosin dhe më pas granolën.

Mund të përserisni këtë veprim dhe një herë tjetër, në varësi të enës së servirjes.

 

Fotografitë nga Eranda Janku

Smoothie më i shijshëm me spinaq

Smoothie me spinaq, banane dhe avokado është i preferuari im. Arsyet janë përbësit e përdorur të cilët janë më të pëlqyerit për mua dhe gjithashtu trashësia e smoothie-t.

Mund t’ju them që nëse nuk jeni fans i spinaqit apo avokados, kjo pije do t’ju bëjë të nisni t’i shijoni këto produkte të shëndetshme e plot vlera ushqyese.

 

  • Mund të përdorni qumësht në vënd të kosit, nëse nuk e pëlqeni kosin në pije.
  • Uji shtohet për të holluar përqëndrimin e masës (rrjedhimisht sheqerit dhe vlerave) dhe gjithashtu për ta bërë vetë pijen më të hollë.
  • Ju sugjeroj të shtoni ujë pasi të keni pulsuar masën me të gjithë përbësit e tjerë, në këtë mënyrë trashësinë e smoothie-t e keni ju në dorë.

 

Përbërësit:

2 banane

1 avokado

2 duar spinaq i vogël (baby)

400 gram kos

ujë

 

Metoda:

Vendosni të gjithë përbërësit në blender dhe pulsoni deri sa të keni një masë homogjene.

Smoothie është i trashë (shije personale) prandaj shtoni ujë sa të keni konsistencën tuaj të dëshiruar.

Shijojeni menjëherë.

 

Fotografitë nga Eranda Janku

Banane Të Pjekura

Bananet e pjekura janë besoj receta më e thjeshtë dhe praktike. Përbërës që me shumë gjasa na ndodhen gjithmonë në shtëpi dhe për mua është zgjidhja ideale e ëmbëlsirës kur kam miq të papritur. Mjafton të jeni pak kreativ me vendosjen e ëmbëlsirës në pjatë, dhe do ta ktheni këtë recetë nga bazike në pjatë restoranti.

Dërrasa e punuar aq bukur dhe në ngjyrat tona të preferuara është prodhim artizanal i Oniro Studio.

Continue reading “Banane Të Pjekura”

Tartë e Shëndetshme me Tërshërë

Kjo recetë është fryt i eksperimenteve të mia për të krijuar një vakt mëngjesor ndryshe, i cili do të bashkonte 3 përbërësit e mi të preferuar të mëngjesit: tërshërën, kosin dhe farat chia. Më ka marrë goxha deri sa arrita në teksturën dhe ëmbëlsinë që unë dëshiroja; por provat dhe mundimi u shpërblyen pasi të gjithë që e kanë provuar apo porositur e kanë pëlqyer tej mase.

Kjo tartë e shëndetshme është ideale për një mëngjes të shijshëm dhe për të cilin nuk keni pse ndiheni në faj.

Pjesa e brumit me bazë tërshëre është krokante pasi piqet, por do të jetë mbushja e kosit ajo që do ta zbusë bazën e tartës për ti dhënë shijen finale. Shtoni frutat që ju dëshironi për ti dhënë një prekje të fundit.

Healthy Oatmeal Tart 2 Healthy Oatmeal Tart 3 Healthy Oatmeal Tart 4 Healthy Oatmeal Tart 5 Healthy Oatmeal Tart 6

Proçedura:

 

Në një tas mesatar vendosni kosin grek, kosin e lëngshëm, farat chia dhe përzieni mirë masën.

Vendoseni në frigorifer për disa orë deri sa farat chia të jenë fryrë, ose brenda natës.

Ndizni furrën në temperaturë 176°C.

Vendosni letër furre në tavën që do të piqni bazën e tartës (unë jam duke përdorur tavë rrethore 28 cm me hapje anësore)

Në një tas tjetër vendosni gjalpin dhe sheqerin kaf dhe rrihini me rrahës elektrik deri sa sheqeri pothuaj të jetë tretur.

Shtoni miellin, rrihni sërish me rrahës elektrik dhe në fund shtoni tërshërën e plotë të cilën e përzieni me spatul silikoni ose lugë druri.

Vendosni brumin në tavën e përgatitur dhe me spatulën ose të prapmen e një luge të lagur hapeni brumin njëtrajtësisht.

Piqeni deri sa të ketë marrë një ngjyrë kafe të artë dhe lëreni mënjanë të ftohet në temperaturë dhome.

Pasi të jetë ftohur plotësisht ndajeni tartën në 12 rracione (ose më shumë nëse i doni fetat më të holla).

*Kështu do të jetë shumë e thjeshtë për ta servirur. Tarta do të jetë shumë krokante në këtë fazë, por mos u shqetësoni.

Shtoni sipër masën e kosit dhe vendoseni në frigorifer për minimumi një orë para servirjes.

*Kjo do të bëjë të mundur që baza e tartës të zbutet nga kosi dhe shijet të bashkohen me njëra tjetrën.

Shtoni fruta sipas dëshirës sipër dhe servireni.

Healthy Oatmeal Tart 9 Healthy Oatmeal Tart 10 Healthy Oatmeal Tart 11 Healthy Oatmeal Tart 12

 

Fotografitë nga Eranda Janku

Mëngjes i Shpejtë dhe Tërheqës

Të të prezantuarit një pjatë bukur, në fakt nuk kërkon shumë përveçse fantazi dhe pak kurajo. Kam dashur prej kohësh të shkruaj një artikull mbi këtë teme, por vetëm tani më doli koha ta finalizoj.

Ka pak kohë që “smoothie bowls” (tasat me smoothie) janë bërë virale. Kjo për një arsye të thjeshtë: duken mrekullisht të shijshme dhe na japin mundësinë të bëjmë foto fantastike! Nëse bazohemi vetëm tek prezantimi, na bëjnë të mendojmë se kanë kërkuar shumë kohë e përbërës të shtrenjtë. Dhe në fakt, kjo është thjesht dhe vetëm falë harmonisë që elementë të ndryshëm krijojnë midis tyre, si në bazë të variacionit të përbërësve, ashtu dhe në bazë të shumëllojmshmërisë dhe sintonisë së ngjyrave.

 

Në rastin konkret kam përgatitur një mëngjes shumë të shpejtë dhe të shijshëm. Baza është kos i thjeshtë dhe cornflakes gruri, dhe më tej kam rradhitur njëri pas tjetrit rreshta me fruta (banane, luleshtrydhe, kajsi), fara chia dhe fara të ndryshme luledielli dhe kungulli.

Që të mund të krijoni rreshta të rregull me secilin nga përbërësit, sidomos ato me fruta, do të duhet që frutat ti prisni në feta mesatarisht të trasha (për të siguruar jo vetëm një masë të konsiderueshme ushqyese për t’u konsumuar, por edhe lehtësi në radhitje kur t’i vendosim mbi bazën). Pasi të keni prerë të gjitha frutat që keni përzgjedhur, krijoni rreshta njëri pas tjetrit mbi bazën e përgatitur më parë, dhe po në të njëjtën formë shtoni edhe farat e ndryshme.

Në vend të kosit të thjeshtë mund të përgatisni edhe smoothie me fruta të freskëta ose të ngrira (për ta bërë masën më të trashë), e më tej sipas dëshirës shtoni elementët e tjerë mbi bazën.

 

Duke shpenzuar shumë pak kohë dhe duke kombinuar një seri përbërësish me vlera ushqyese mund të stiloni mëngjesin tuja perfekt, i cili jo vetëm do t’ju kënaqë me shumëllojshmërinë e shijeve, por dhe do të jetë siç thuhet “picture-perfect”!

Smoothie Bowl 2

 

Fotografitë nga Eranda Janku

Kek i Shëndetshëm me Çokollatë dhe Kungull Jeshil

Kungulli është një nga zarzavatet e mia të preferuara dhe si i tillë mundohem të eksperimentoj dhe ta shtoj atë në shumë receta. Përpos shijes së tij, kungulli jeshil njihet gjithashtu si kungull i njomë. Ai ka përmbajtje të konsiderueshme uji në brendësi, ç’ka e bën të jetë një përbërës që shton lagështinë dhe butësinë në një recetë. Duke mos pasur një shije dominante, ai kombinohet lehtësisht me përbërës, duke i dhënë atyre vëmendjen e duhur.

Ky kek është shumë i shijshëm dhe i butë, një nga më të thjeshtët kur vjen puna ç’të gatuaj në moment të fundit. Ju jep dozën e duhur të shijes së çokollatës në gojë dhe duke pasur një balancë në ëmbëlsi nuk ju velit pas shijimit të tij.

Zakonisht në gatimin e ëmbëlsirave përdoret kungull me lëkurë jeshile të errët, por në pamundësi të gjetjes së tij në moment të fundit, për fotot e proçedurës kam përdorur kungull me lëkurë jeshile të hapur.

Zucchini Chocolate Bread 2 Zucchini Chocolate Bread 3 Zucchini Chocolate Bread 4 Zucchini Chocolate Bread 5 Zucchini Chocolate Bread 6

Proçedura:

 

Ndizni furrën në temperaturë 176°C.

Përzieni së bashku sheqerin me të gjithë përbërësit e lëngët.

Sitni përbërësit e thatë dhe trazoni deri në një masë homogjene.

Vendoseni kungullin e grirë mes 2 peshqiresh ose pecetash dhe ngadalë e butë ushtroni pak presion që të hiqni ujin e tepërt, por duke u siguruar që sërish të jenë të lagësht.

Shtojini në brum dhe në fund shtoni copëzat e çokollatës.

Vendosni letër furre në pjesën e poshtme të një tepsie drejtëkëndore.

Spërkatni pak vaj ose spraj për gatim dhe më pas shtoni brumin.

Spërkatni disa copëza çokollate sipër.

Piqeni kekun deri në pjekje të plotë (kur të ngulni një kunjë dhëmbësh të dalë e pastër).

Zucchini Chocolate Bread 8 Zucchini Chocolate Bread 9 Zucchini Chocolate Bread 10 Zucchini Chocolate Bread 11 Zucchini Chocolate Bread 12

 

Fotografitë nga Eranda Janku

Puding i Shëndetshëm me Çokollatë dhe Fara Chia

Ky puding me çokollatë është fantastik jo vetëm për mëngjes, por dhe për një vakt dytësor si ai i paradites apo pasdites; gjithmonë në varësi të çfarë keni konsumuar më parë.

Baza e këtij pudingu janë farat chia të cilat janë të pasura në fibra, omega-3, proteinë, vitamina dhe minerale. Gjithashtu këto fara janë stabilizues të sheqerit në gjak, duke e bërë kështu këtë përbërës ideal dhe për ata që vuajnë nga diabeti. Ato menaxhojnë efektet e diabetit, përmirësojnë ndjeshmërinë e insulinës dhe lehtësojnë simptomat e lidhura me sindromën e metabolizmit, duke përfshirë disbalancat e kolesterolit, tensionin e lartë të gjakut dhe rritjet ekstreme të sheqerit në gjak pas vakteve ushqimore. E thënë me pak fjalë ky vakt është ideal dhe për diabetikët.

Ndodh që shumë prej nesh të bezdisen nga tekstura e farave në puding, prandaj ky version eleminon këtë dukuri; duke e bërë këtë puding kremoz dhe të njëtrajtshëm. Meritë për këtë ka një nga blogeret e mia të preferuara të ushqimit të shëndetshëm LILSIPPER (receta bazë është e saja).

Continue reading “Puding i Shëndetshëm me Çokollatë dhe Fara Chia”

Xhelatina Të Shëndetshme me Shegë

Xhelatinat janë padyshim një nga ‘snacks’ e preferuara të fëmijëve dhe jo vetëm. Versionet që blejmë në supermarkete janë të mbushura me sheqerna të tepërta dhe plot esenca e ngjyrues.

Pse të mos jemi kreativ dhe ti përgatisim ato në kushte shtëpie? Receta është aq e thjeshtë sa dhe ju vetë do të habiteni. Do të ishte një mundësi tejet e mirë që ti përfshini fëmijët në proçesin e gatimit dhe të kaloni kohë produktive me ta. Jo vetëm që ata do të argëtohen gjatë kohës së përgatitjes, por do të jetë emocionuese pritja deri sa xhelatinat të mpiksen. Për të mos folur për momentin e shumëpritur të heqjes nga format dhe të shijimit.

Receta është lehtësisht e aplikueshme dhe për shije të tjera.

Continue reading “Xhelatina Të Shëndetshme me Shegë”

Biskota Të Shëndetshme e Shpejta Pa Pjekje

Biskotat pa pjekje janë një nga zgjidhjet e mia të preferuara dhe të shpejta kur dua të konsumoj diçka të ëmbël, të shëndetshme dhe lehtësisht të përgatitshme.
Jo gjithmonë kemi kohë të pjekim biskota në shtëpitë tona, prandaj kjo recetë është ideale. Në vetëm pak minuta çdo gjë do të jetë gati kështu që mos prisni më, por përvishni mëngët.

Continue reading “Biskota Të Shëndetshme e Shpejta Pa Pjekje”