Tortë me Biskota

Kjo tortë pa pjekje me biskota është shumë e dashur për mua, jo vetëm falë shijes fantastike, por sepse është një recetë që daja ma mësoi këtë verë kur erdhi nga Suedia.

Këtë ëmbëlsirë ai e gatuan në një nga restorantet me elegante të Stokholmit, dhe tani ajo vjen e servirur për ju, gati që ju ta përgatisni në shtëpitë tuaja. Ajo që më pëlqen më së shumti tek kjo recetë është se si ajo duket e servirur në pjatë dhe gjithashtu shija e lehtë dhe jo shumë e ëmbël.

Duke qënë një ëmbëlsirë pa pjekje, është ideale për ta pergatitur në këto ditë të nxehta vere. Dhe më e bukura, nëse keni fëmijë, përfshijini ata në proçesin e gatimit. Do ta shijoni shumë të dyja palët, e në fund ku ka më bukur se sa të shijosh diçka që e ke përgatitur vetë më shumë dashuri.

Natyrisht modifikova disa detaje sipas shijeve të mia personale.

  • Në vend të Nutellës, përgatita krem çokollate që këtu në Kikiliciouss ne e përdorim shumë.
  • Kafesë i shtova pak alkol, për ta thyer pak në shije, por gjithmonë kjo mbetet një shtesë preferenciale.
  • Nëse do ta përgatisni për fëmijët tuaj, në vend të kafesë, mund të përdorni qumësht të thjeshtë ose qumësht me kakao.
  • Është me shumë rëndësi që përzierja e kremit final të bëhet me një spatul silikoni ose lugë druri, por kurrësesi me rrahës elektrik. Ky i fundit do të bëjë që masa të zbutet më shumë se ç’duhet duke e bërë atë të ujshme.
  • Nëse jeni pak veta, përgatisni gjysmën e masës, pasi me këtë recetë do të keni rreth një kilogram krem dhe përftoni 2 torta katrore mesatare.

Biscuits Cake 2 Biscuits Cake 3 Biscuits Cake 4 Biscuits Cake 5 Biscuits Cake 6

Proçedura:

 

*Sugjeroj që kremin e çokollatës ta përgatisni një natë më parë:

Vendosni ajkën e ëmbël dhe gjalpin në një tenxhere në zjarr mesatar. Sapo masa të kalojë në vlim të lehtë, fikni zjarrin, shtoni copat e çokollatës dhe lëreni 2-3 minuta në qetësi. Me një spatul përzieni çokollatën e zbutur deri sa ajo të jetë homogjenizuar me pjesën tjetër. Transferojeni në një tas dhe lëreni në temperaturë dhome deri në ftohje të plotë (ose idealja përgjatë natës).

Përgatisni kafen tuaj nescafe e më pas shtoni vetëm një lugë çaji sheqer.

Kur kafeja të jetë ftohur plotësisht shtoni Vecchia Romanga ose një brand dhe shije tjetër që ju pëlqeni ta shoqëroni me kafe.

Të nesërmen ose kur masa të jetë ftohur plotësisht, me një rrahës elekrik rrihni për pak sekonda kremin e çokollatës dhe lëreni më pas mënjanë.

Vendosni biskotat në një enë të hapur (e mira do të ishte në një tepsi). Sigurohuni që të mos keni biskota të thyera, pasi ato nuk do t’ju hyjnë në punë ose do të jetë e vështirë për ti bashkuar në hapin tjetër.

Në një tas të madh vendosni 500 gram mascarpone dhe me një lugë druri ose spatul silikoni përziejeni pak atë.

Shtoni kremin e çokollatës dhe perzieni me kujdes në levizje nga poshtë-lart, duke u siguruar që të mos e bëni këtë shumë shpejt.

Në momentin që kremi është gati, merrni një luge të vogël kafe ose çaji dhe lyeni sipërfaqen e një biskote me të mbrapmen e lugës që e keni zhytur më parë në krem.

Kujdes që të mos e lyeni më shumë se ç’duhet. Një shtresë e hollë do të mjaftojë.

Vendosni një biskotë tjetër sipër duke krijuar kështu sanduiçe biskotash me krem çokollate brenda.

Pasi të keni përfunduar me sanduiçet, filloni të shtroni tortën tek pjata servirëse.

Merrni sanduiçin e parë, zhyteni të tërin me shpejtësi në kafe.

Sërish me të mbrapmen e lugës zhytur në krem lyeni sipërfaqen e njërës faqe të sanduiçit dhe bashkojeni me një tjetër sanduiç që e keni zhytur dhe atë në kafe.

Vendosini në këmb biskotat tek pjata servirëse dhe kështu vazhdoni deri sa ju të mendoni se është mjaftueshëm për të përftuar një tortë. Do t’ju sugjeroja që të mos e bëni tortën tuaj shumë të gjatë.

Në momentin që keni mbaruar dhe me pjesën që çdo sanduiç laget në kafe e më pas lidhet me sanduiçin tjetër me krem, mbuloni të gjithë tortën me kremin e cokollatës.

Sigurohuni që të mos duket asnjë copëz biskote, kjo për të dhënë dhe efektin ‘surprizë’.

Pasi të keni mbaruar dhe me mbulimin e kremit, thërrmoni disa biskota me dorë dhe më pas hidhini ato sipër dhe anash tortës në mënyrë spontane.

Lëreni tortën tuaj në frigorifer për një orë deri sa kremi i çokollatës të mpikset dhe shijet të jenë lidhur me njëra tjetrën.

Në momentin e servirjes prini tortën tuaj diagonal me një thikë të madhe dhe të mprehtë (jo sharrë). *Kjo thikë siguron që feta e tortës të mos copëtohet apo këputet në dysh.

 

Shënim:

Nëse e lexoni këtë artikull në dimër duhet të keni parasysh që kremi juaj i çokollatës do të mpikset shumë më shpejt, e madje dhe do mund të ngurtësohet thjesht duke qëndruar në temperaturë dhome. Në këtë rast përgatiteni kremin tuaj të çokollatës pak përpara përgatitjes së të gjithë tortës dhe në momentin që masa është kthyer në kremoze, por nuk është ngurtësuar plotësisht rriheni me rrahësin elektrik dhe vazhdoni me etapat e tjera të gatimit të kësaj recete.

Biscuits Cake 8 Biscuits Cake 9 Biscuits Cake 11 Biscuits Cake 12 Biscuits Cake 13 Biscuits Cake 14 Biscuits Cake 15

 

Fotografitë nga Eranda Janku

Kafshata Çokollate

Kjo recetë ishte një nga më të kërkuarat pas daljes në “Me Duart e Kristit”. Një recetë tejet e thjeshtë e argëtuese, e cila të lejon ta modifikosh sipas shijeve personale dhe kur të vijnë miqtë të ndihesh kranare teksa u servir këto çokollata të përgatitura vetë.

Përbërësit e përdorur në këtë episod janë zgjedhje personale, prandaj ndjehuni të lirë të përdorni çfarë ju vetë dëshironi. Continue reading “Kafshata Çokollate”

Tortë Italiane me Rikota dhe Çokollatë të Zezë

Kjo tortë e mrekullueshme është një ëmbëlsirë tradicionale Italiane (crostata sbriciolata). E mësova këtë recetë falë një mikeshe sime Italiane. Kjo ëmbëlsirë jo vetëm është shumë e shijshme dhe e thjeshtë, por e shpejtë dhe argëtuese për t’u pergatitur.

Ka mundësi pafund se me çfarë mund ta mbushësh këtë tortë dhe sot unë vendosa të përdor çokollatën e zezë (nuk çuditeni besoj;haha). Më pëlqen tej mase shumë se si copëzat e çokollatës shkrihen dhe kombinuar me rikotën krijojnë këtë masë kremoze të njëjtrajtshme që është thjeshtë e mrekullueshme.

Mendoj se ky është muaji ideal për ta përgatitur dhe shijuar këtë recetë. Teksa moti po ftohet të gjithëve na shkon mendja tek ëmbëlsirat e ngrohta dhe kjo është pikërisht ajo që ju duhet.

Continue reading “Tortë Italiane me Rikota dhe Çokollatë të Zezë”

Biskota Pa Gluten Me Çokollatë Të Zezë

Disa nga klientët e mi (të huaj) janë alergjik ndaj glutenit kështu që marrë shtysë nga ata nisa të eksperimentoj me të ëmblat pa gluten.

Ne shqiptarët si popull, kemi fatin e mirë që në përgjithësi nuk kemi alergji ushqimore. Kjo është dhe një nga arsyet kryesore pse kur të huajt që janë alergjik nga gluteni, frutat e ndryshme të thata, nga veza etj e kanë shumë të vështirë të përshtaten me të jetuarit në Shqipëri.

Është e vërtetë që lista e ushqimit është e limituar dhe nuk mund të gjesh diçka qoftë për të thyer urinë kudo dhe kurdo, por asgjë nuk është e pamundur !

Këto biskota jo vetëm që nuk përmbajnë gluten, por më lini tju them që janë shumë herë më të shijshme se gjysma e recetave të zakonshme me çokollatë. Të holla, elastike diku e të buta diku tjetër, me një shije çokollate shpërthyese; këto biskota janë idealet për t’ju ëmbëlsuar dhe thyer urinë.

Continue reading “Biskota Pa Gluten Me Çokollatë Të Zezë”

Masë E Thatë Brownie E Bërë Në Shtëpi

Për të gjithë ata që e dashurojnë Brownie-n, kjo është receta që do t’ju shpëtojë jetën. Tani mund të shijoni këtë ëmbëlsirë, brumi i së cilës bëhet vetëm në pak minuta. Dhe çfarë mund të kërkoni më shumë ?!

C1 C2 shqipai

Proçedura :

Përzieni të gjithë përbërësit në një tas të madh

Vendoseni masën në një enë hermetike me kapak të puthitur mirë

Ruajeni në raftin tuaj

 

Sugjerim : Dyfishojeni ose trefishojeni masën që ta keni në raftin tuaj për përdorim sa herë të dëshironi

 

Përbërësit e tjerë që duhen për të përgatitur kekun :

280 gram çokollatë e zezë

113 gram gjalp i shkrirë jo i kripur

2 vezë

 

Si Të Përgatisni Brownie :

Ngrohni furrën në temperaturë 176°C

Shtroni me letër furre ose lyeni me gjalp një tepsi 20×20 cm dhe lëreni mënjanë

Shkrini së bashku në një tenxhere gjalpin dhe çokollatën

Transferojeni masën në një tas të madh

Lëreni të vaket, duke e përzier herë pas here

Shtoni vezët dhe rrihini së bashku

Nëse keni përgatitur vetëm 1 masë të thatë për Brownie shtojeni të gjithën dhe përziejeni deri sa të jetë bërë një masë homogjene (nëse keni përgatitur më shumë përdorni 560 gram)

Vëreni masën në tepsinë e parapërgatitur

Piqeni për 40 minuta

Lëreni të ftohet para se ta servirni

Procedura B

 

Fotografitë nga Eranda Janku

Si Të Përgatisësh Çokollatën Më Të Mirë Të Ngrohtë

Unë nuk jam një person “dimri” më duhet ta pranoj, por e dashuroj këtë periudhë festive që ky muaj ofron. Të mbështjell duart rreth një gote plot me çokollatë të ngrohtë e kremoze është një nga aktivitetet e mia të preferuara të dimrit. Më pëlqejnë të dyja versionet si çokollata e ngrohtë, ashtu dhe kakaoja; por e kam shumë inat kur kërkoj për çokollatë të ngrohtë dhe më sjellin kakao.
Sot po ndaj me ju recetën time klasike të çokollatës së ngrohtë. E thjeshtë, e pasur në shije, kremoze dhe pak alkolike por kjo e fundit totalisht opsionale.

Continue reading “Si Të Përgatisësh Çokollatën Më Të Mirë Të Ngrohtë”

Biskota me Çokollatë dhe Melasë

Kur Dhjetori hyn mes nesh, unë gjithmonë kam shumë melasë në shtëpi. Pikë së pari sepse bëj biskotat e mia me xhinxher; kjo është dhe arsyeja kryesore pse unë e blej melasën.

Pasi poqa një numër të madh biskotash, mbeta me një kavanoz pothuaj plotë me melasë. Kjo është dhe pika ku unë u bëra kreative dhe nisa të eksperimentoja me të. Këto biskota janë të buta, elastike dhe të shijshme; një zgjedhje ideale për të bërë dhe sanduiç me akullore.

Continue reading “Biskota me Çokollatë dhe Melasë”

Minikekë me Çokollatë

Këto minikekë janë shumë të thjeshtë në përgatitje dhe tejet të shijshëm. Ju duhet të keni gjithmonë në duar një recetë bazike minikekësh dhe ky është versioni me çokollatë.

Këtë recetë kam disa vite që e përdor dhe është fantastike, më besoni ! Nuk më është mërzitur apo nuk mundem të kem ngrënë mjaftueshëm si këto kafshata të ëmbla.

Këto minikekë janë mëngjesi apo zamra juaj ideale. Mund ti keni gjithmonë gati në dispozicion; përgatiteni brumin dhe ruajeni në temperaturë konstante në frigorifer për disa ditë deri në një javë. Kështu ju do të keni gjithmonë gati minikekë të sapo pjekur, dhe kush nuk i pëlqen ato ?!

Processed with VSCOcam with f2 preset Processed with VSCOcam with f2 preset saveal

Proçedura :

 

Ndizni furrën në temperaturë 176°C, shtroni me letra minikekësh një tepsi të tillë dhe lërni mënjanë (mund të lyeni me vaj sipërfaqen e tepsisë në mënyrë që brumi që mund të prekë këtë sipërfaqe mos ngjisë në tepsi)

Në një tas të vogël përzieni së bashku miellin, kakaon e hidhur, fryrësin e ëmbëlsirave, kripën dhe lërni mënjanë

Në një tas të madh përzieni së bashku gjalpin dhe dy llojet e sheqerit derisa masa të jetë kremoze dhe me “gëzof”

Shtoni vezën dhe përzieni së bashku

Shtoni gjysmën e përbërsve të thatë dhe përzieni

Shtoni gjysmën e dhallit dhe përzieni sërish

Përsëriteni këtë veprim dhe një herë derisa të gjithë përbërësit të kenë mbaruar

Duke përdorur një spatul përzieni brumin në anë dhe nga posht-lart duke u siguruar që asgjë ska ngjitur në anë të tasit

Duke përdorur një lugë akulloreje të madhe ose dy lugë, shpërndani brumin në mënyrë të barabartë në tepsi

Piqni minikekët për 20 minuta ose derisa kur të ngulni një kunjë dhëmbësh në qëndër të dalë e pastër

Lërini minikekët të ftohen plotësisht

4 5 6 8 10 12 13

 

Fotografitë nga Julia Janku

Brownie

Janë gjithsej 3 lloje Brownie : Brownie Kek, Chewy Brownie (brownie elastik, i cili të krijon ndjesinë e këndshme të përtypjes) dhe Fudge Brownie (Brownie i cili është më i butë dhe i lagësht në përmbajtje, nuk është totalisht i pjekur dhe krijon idenë e ngjitjes në gishta) Mendoj se Brownie im duket si keku Lava kur është i ngrohtë (të cilin kur e çan në mes derdh masën e çokollatës) dhe Fudge Brownie kur ftohet, një kombinim me të vërtetë shumë interesant.

Continue reading “Brownie”

Role Cokollate

Kjo eshte nje nga recetat me te dashura ne menune time shtepiake dhe ate te punes. E lehte per tu pergatitur, freskuese, embelsira me e mire qofte ne ditet e nxheta te veres apo te ftohta te dimrit; me nje filxhan kafeje te nxhete apo me nje gote lengu te ftohte. Ajo qe me pelqen me se shumti rreth kesaj recete eshte se ti je i lire te luash me te, te vendosesh brenda cfare te pelqen qofte kjo fruta te fresketa, recelera apo marmelata te ndryshme, kremera me shije nga me te ndryshmet apo karamele e bombone te shijeve tuaja (pjesa tjeter ju mbetet juve) !

Continue reading “Role Cokollate”