Akullore me Dy Përbërës pa Makinë Akulloreje

11/08/2015

Të gatuarit e akullores në shtëpi nuk është më një mision i pamundur.Me këtë recetë nuk do t’ju nevojitet një makinë akulloreje, madje as soba. Vetëm një rrahëse elektrike dhe një tas; dhe nëse nuk ju gjendet afër as rrahësja elektrike mos u shqetësoni. Një rrahëse e thjeshtë dore dhe pak forcë krahu do të punojnë në mënyrë të përkryer.

Është e habitshme se si mund të keni një akullore të butë dhe kremoze vetëm me dy përbërës të thjeshtë. Pjesa më e bukur është se mund ta lini ashtu të thjeshtë, ose ta kombinoni me çfarë t’ju dëshirojë zemra.

Një recetë e thjeshtë, argëtuese dhe e shijshme. Çfarë mund të kërkoni më shumë ?!

Disa ide të tjera interesante : përdorni biskota ose kekë. Copëtojini ato në copëza të vogla dhe bashkojini me bazën e akullores

Çfarë kam provuar personalisht dhe jua sugjeroj : biskota me tërshërë, cheesecake me luleshtrydhe (e preferuara ime), brownie, minikekë me çokollatë, biskota “truffle” me çokollatë (më pëlqen me të vërtetë shumë ky kombinim)

Nuk ju sugjeroj : pure të bërë nga fruta të freskëta të tipit pjeshkë, nektarina, portokaj, mango etj. Frutat e pyllit mund të punojnë mirë, por duke përdorur copa jo pure.

01 02 03 04

PerberesitSH ShijeSH

Proçedura :

 

Vendosni qumështin e kondesuar në frigorifer për ta mbajtur të ftohtë

Rrihni ajkën e ëmbël të ftohtë deri sa të krijojë maja të forta

Uleni shpejtësinë e rrahësit dhe shtoni qumështin e kondesuar tek kremi

Pastaj, rriteni sërish shpejtësinë dhe rriheni masën derisa të krijojë maja të forta

Kështu ju keni gati bazën e akullores suaj. Mund të shtoni çdo lloj shije që ju dëshironi. BËHUNI KREATIVË !

Vendosini akulloret nëpër tasa të mbyllur dhe më pas në ngrirje për të paktën 6 orë ose gjatë natës

IMG_0517 copy IMG_0533 copy IMG_0537 copy IMG_0541 copy IMG_0551 copy

 

Fotografitë nga unë