Petulla Amerikane me Tërshërë

27/04/2016

Mëngjesi është vakti më i domosdoshëm i ditës, dhe si i tillë nuk duhet lënë kurrë pa u konsumuar. Pak kohë më parë lancuam recetën bazë të petullave amerikane (pancakes) dhe pati një sukses të vërtetë. Kësaj rradhe vendosa të luaj pak me shijen dhe ta bej më të shëndetshme duke i shtuar tërshërë.

Nëse jeni të zënë në mëngjes dhe nuk keni kohë për ta lënë brumin 1 orë, atëherë mund ta përgatisni në mbrëmje para se të flini dhe në mëngjes ta keni gati për ta gatuar. Kështu ju do të keni gjithnjë petulla të sapogatuara në tryezë.

2PANCAKES shqippanc

Proçedura :

 

Në një tas të madh rrihni së bashku qumështin, vezët dhe vajin

Lëreni tasin mënjanë

Në një grirës ushqimor shtoni : miellin, sheqerin, fryrësin e ëmbëlsirave, kripën, kanellën dhe 85 gram tërshërë

Pulsoni disa herë deri sa tërshëra të jetë bluar ashpër

Shtoni përbërësit e thatë tek tasi

Përzieni deri sa përbërësit e thatë të jenë lagur (sigurohuni që mos e përzieni më shumë se ç’duhet)

Lëreni masën për rreth nje orë (kjo do të bëjë që tërshëra të ketë thithur disa nga lëngjet e masës dhe brumi  të jetë trashur në vetvete)

Merrni një tigan të sheshtë dhe të madh dhe ndizni zjarrin në nxehtësi mesatare

Me anën e një pecete të lyer me vaj perimesh ose misri lyeni sipërfaqen e tiganit sa herë që gatuani petulla

Përdorni një lugë gjelle ose lugë akulloreje për të ndarë brumin në mënyrë të barabartë në tigan

Lërini petullat të gatuhen derisa të shfaqen flluska në sipërfaqe dhe anët të jenë mpiksur

Me anën e një spatule kthejini petullat nga ana tjetër dhe lërini të gatuhen

Petullat duhet të kenë marrë nga të dyja anët një ngjyrë të bukur të kafenjtë

Për t’i mbajtur petullat e buta vërini dhe mbulojini me një peshqir

3PROCEDURAPANCAKES

 

Fotografitë nga Eranda Janku