Minikekë Limoni

04/05/2019

Këto minikekë limoni janë të preferuarat e mi në llojin e tyre. Nuk e di si më ka shpëtuar pa e shpërndarë më parë recetën me ju. Këto kafshata të ëmbla limoni janë të buta dhe mbi të gjitha kanë balancën e duhur mes ëmbëlsisë dhe athtësisë së limonit. Prandaj nuk ka asnjë arsye të stepeni dhe ta mendoni dy herë, lexoni recetën e plotë dhe përgatitini ato për veten dhe të dashurit tuaj.

  • Ne i kemi dekoruar minikekët tanë me krem pastiçerie dhe boronicë. Për të lexuar dhe gatuar kremin e pastiçerisë klikoni KËTU.

Proçedura :

 

Ndizni furrën në temperaturë 150°C.

Shtroni me letra minikekësh një tepsi të tillë, ose lyeni tavën e minikekëve me spraj kundër ngjitjes dhe lërni mënjanë.

Në një tas rrihni së bashku gjalpin dhe sheqerin deri në masë kremoze.

Shtoni vezët një e nga një ndërkohë që përzieni masën.

Shtoni salcën e kosit, dhallën, vaniljen, lëngun e lëkurën e limonit dhe vazhdoni rrihni.

Mos u shqetësoni nëse brumi duket sikur u pre.

Shtoni përbërësit e thatë dhe rrihni deri sa komponentët të jenë kombinuar.

Mbushini gropëzat e minikekëve 3/4 me brum.

Vendosini minikekët të piqen për rreth 20 minuta (deri sa kur të ngulni një kunjë dhëmbësh, të dalë e pastër).

Nëse jeni duke përdorur letra minikekësh hiqni direkt minikekët nga tava në momentin që i nxirrni nga furra.

Në të kundërt lërini minikekët jashtë për rreth 3-4 minuta e më pas hiqini ato nga gropëzat sa janë ende të ngrohtë.

 

Fotografitë nga Eranda Janku