Fustan Pas Trupi në Përditshmëri

Më pëlqen tej mase të vesh fustane të tilla, fustane të gjata pas trupit. Ajo çka më pëlqen më shumë është fleksibiliteti i tyre për tu kthyer në dy versione të ndryshme.
Mund ta veshësh me një palë atlete ose të sheshta dhe të kesh një veshje të thjeshtë të përditshmërisë, ose mund të veshësh një palë taka, një çantë dore dhe aksesorë dhe mund ta kthesh në një veshje të këndshme mbrëmjeje.
Meqenëse isha në një drekë familjare vendosa ta vesh këtë fustan pambuku me një palë sandale, me orën time të preferuar dyshe dhe sigurisht me syzet. Ndihesh mirë kur je veshu rehat dhe ke ende atë pamjen femërore dhe elegante !

02 03 04 05

 

Fotografitë nga Julia Janku

Një Ditë Tek Ferma Uka

Dikur smë pëlqenin jumpsuit, ndërsa tani kam rënë në dashuri me to. Këtë herë kam veshur këtë jumpsuit në ngjyrë jeshile të thellë ulliri me sandalet e gladiatorit dhe një varse shumë të veçantë të punuar me dorë, ndryshe nga varset që posedoj deri më tani në koleksionin tim personal.

Këto foto i bëra gjatë drekës me familjen tek Ferma Uka. Kjo fermë ndodhet në Laknas dhe sjell konceptin e njohur si “nga farma në tavolinë” ose nga toka në tavolinë. Një hapësirë ku kultivohen perime, zarzavate, fruta, drithëra e plot produkte të tjera. Një kantinë që nxjerr një nga verërat më të mira në rajon. Kjo fermë është mbi 50 vjeçare, por një biznes i vogël i ri ka lindur prej tij. Restoranti i tyre, pozicionuar në hyrje të fermës, ofron ushqim i cili është ekskluzivisht i prodhuar në Shqiperi, në Fermën Uka. Jam e dashuruar me dashurinë e tyre për tokën dhe ushqimin, dhe kjo më bën që sa herë shkoj tek Ferma Uka të ndihem “si në shtëpi”!

1 2 3 4 5 6 7 8

9

Fotografitë nga Eranda Janku

Veshje E Rastit Dimërore – Ponço E Bardhë

Më në fund i thamë mirë se vjen Dhjetorit, një nga muajt e mi të preferuar dhe shpresoj vetëm që dhe ju ta doni këtë periudhë të vitit po aq sa unë! E adhuroj të strukem nën një batanije të ngrohtë, teksa dëgjoj fishkëllimën e erës jashtë dritares, thuajse si një ngacmim i ëmbël.

Një tjetër gjë që më pëlqen krahas dremitjeve të rehatshme, është të qënurit i mbështjellë me rroba të ngrohta dhe komode. Edhe pse, për të qenë e sinqertë Tirana nuk është përballur me asnjë ditë të ftohtë dimri… Duke folur për rrobat, këtë vit unë kam pasur një simpati të papritur për ponçot dhe kam blerë shumë të tilla. Nuk mendoni se janë kaq të bukura ?

Për sot unë zgjodha këtë ponço të bukur të bardhë nga Zara, një këmishë të thjeshtë Zara, pantallona klasike të zeza nga Zara me çizme deri tek kyçi i këmbës të H&M. Për aksesorë vendosa të vë këtë orë të mrekullueshme gërshetore të Bijou Brigitte me një varëse të rëndë të Zara-s dhe çantë të Parfois. E fundit por jo më pak e rëndësishme vendosa të shkoj me këtë stil të mrekullueshëm flokësh: kurorë gërsheti e thurur mbrapsht ; kapur nga motra ime Eranda.

Processed with VSCOcam with se3 preset Processed with VSCOcam with se3 preset 3 Processed with VSCOcam with se3 preset 5

 

Fotografite nga Julia Janku 

Retouch nga  Eranda Janku