Kek Çokollate Drejtkëndor – Loaf
April 2, 2016 2021-12-10 23:01Kek Çokollate Drejtkëndor – Loaf
Kjo recetë është kërkuar shumë që pas një fotoje që postova në profilin tim të Facebook. Një kek çokollate drejtkëndor/loaf, i thjeshtë për tu përgatitur dhe kaq i shijshëm. Mund ta sherbeni gjatë kohës së çajit si një kek i përditshëm ose mund ta çoni në një nivel tjetër duke i derdhur përsipër krem çokollate të zezë (klikoni KËTU për të lexuar recetën), dekorojeni me fruta pylli dhe pudroseni me sheqer pluhur në fund. Kaq fleksibël, ashtu si një palë xhinse, apo jo ?! Pjesa më e bukur është se mund ta ruani këtë kek për 4 ditë në temperaturë dhome nëse e izoloni/mbështillni të gjithën me letër celofoni. Kjo recetë nuk përmban fryrës ëmbëlsirash, prandaj mos e përdorni (ose do të keni brum në të gjithë furrën).
- Klikoni KËTU për të lexuar recetën e Smoothie – Pije Rozë e Shëndetshme
Proçedura :
Ndizni furrën në temperaturë 163°C
Shtroni me letër furre ose lyeni me gjalp dhe miell një tepsi drejtkëndore të ngushtë (loaf) 22×11 cm
Përzieni së bashku miellin dhe kripën
Në një tas mesatar përzieni çokollatën dhe ujin që zien
Kur çokollata të nisë të tretet shtoni kakakon dhe përzijini të gjitha së bashku
Lëreni mënjanë të ftohet për disa minuta
Rrihni së bashku të dy llojet e sheqerit, vaniljen dhe gjalpin derisa të keni një masë kremoze
Shtoni vezët një e nga një duke e përzier brumin
Shtoni masën e çokollatës dhe vazhdoni rrihni brumin
Shtoni miellin ndërkohë që perzieni
Shtiejeni brumin tek tepsia e përgatitur
Tundni tepsinë (në lëvizje lart-posht) në banak për të liruar flluskat e ajrit
Piqeni kekun deri në pjekje të plotë për rreth 1 orë – 1 orë e 10 minuta (deri sa kur të ngulni një kunjë dhëmbësh, të dalë e pastër)
Rrotullojeni tepsinë në gjysmë të pjekjes
Lëreni të ftohet për 10 minuta në tepsi
Hiqeni kekun nga tepsia dhe lëreni të ftohet plotësisht në temperaturë dhome
Fotografitë nga Eranda Janku