Receta Të ëmbla Të shpejta & pa kosto

Vezë e Rrahur, Kujtim Fëmijërie

Processed with VSCO with a6 preset

Vezë e Rrahur, Kujtim Fëmijërie

Veza e rrahur është një nga ato receta që më kujton fëmijërinë. Kur isha e vogël e gatuanim shpesh për mëngjes e më dukej vetja e madhe, pasi asistoja në përgatitje. Pjesa më argëtuese ishte kur duhej të provonim nëse veza ishte rrahur sa duhet apo jo. Kjo ishte lehtësisht e vërtetueshme, mjaftonte të ma vendosnin pjatën me vezën e rrahur përmbys sipër kokës e nëse nuk më binte apo lëvizte atëherë veza ishte gati. Duke qenë se loja ishte e përfshirë, mund të them që ky mëngjes ishte një nga të preferuarit e mi.

Përbërësit dhe proçedura janë mjaft të thjeshta, prandaj vendosa që këtë artikull të mos e paraqes në mënyrën tradicionale. Mjafton të keni një vezë e pak sheqer dhe çdo gjë do të jetë gati në pak minuta kohë. Ndani të bardhën e vezën nga e verdha dhe rriheni atë deri në maja të forta (ose kur të ngrini pirunin të mos lëvizë). Shtoni të verdhën e vezës dhe një ose një lugë e gjysmë gjelle sheqer. Rriheni sërish deri sa sheqeri të jetë tretur dhe shijojeni siç është ose me bukë.

Thjeshtë, pak e saktë!

 

Fotografitë nga Eranda Janku

About us

Lorem ipsum dolor sit amet, consectetur cing elit. Suspe ndisse suscipit sagittis leo sit met condimentum estibulum issim Lorem ipsum dolor sit amet, consectetur cing elit.