Parfe e Shëndetshme

Ushqimi shijon më shumë kur ndër të tjera edhe duket bukur, dhe ky është një fakt!

Me shumë pak kujdes mund të kthejmë një vakt mëngjesor mëse normal siç është granola me kos e fruta, në një parfe të bukur, e cila të fton ta shijosh menjëherë!

 

  • Për këtë recetë do t’ju duhet granola cilësore dhe mundësisht e personalizuar sipas shijeve tuaja që ta shijoni deri në pikën e fundit, prandaj klikoni këtu për të lexuar recetën tonë të granolës, e ndjehuni të lirë të zëvendësoni frutat e thata sipas preferencave.
  • Mund të përdorni kos normal ose grek; kjo mbetet në dorën tuaj. Personalisht nuk më pëlqen kur kosi normal lëshon ujin e tij prandaj preferoj një miksim mes kosit grek dhe kosit në formën e lëngut. Në këtë mënyrë konsistenca mbetet sërish në dorën time.
  • Detaji i fundit, por jo më pak i rëndësishëm, frutat e freskëta. Ne kemi përdorur luleshtrydhe, por ndjehuni të lirë të përdorni frutin apo frutat tuaja të preferuara.

Proçedura:

 

Shtroni frutat, kosin dhe më pas granolën.

Mund të përserisni këtë veprim dhe një herë tjetër, në varësi të enës së servirjes.

 

Fotografitë nga Eranda Janku

Receta e Granola-s

Unë e dashuroj granola-n, por shumë rrallë versionet që gjenden në dyqane. Ato përmbajnë shumë sheqer dhe në fund të vaktit unë ndihem e tejmbushur dhe kam nevojë për ujë. Është bërë një kohë e konsiderueshme tashmë që kur unë kam hequr dorë nga versionet e nxjerra në treg, dhe kam nisur ta përgatis vetë në shtëpi. Jam shumë më e lumtur dhe është më qejf kur e gatuan këtë produkt në shtëpi, mund të shtosh çfarë do përbërësi që dëshiron !

Final Granola 2 Final Granola 3 Final Granola 4

Proçedura :

 

Ndizni furrën në temperaturën 148° C

Në një tas të madh përzieni së bashku tërshërën, bajamet, sheqerin kaf, kripën, arrat dhe kanellën

Lërni mënjanë

Në një tas tjetër të madh përzieni së bashku mjaltin, vaniljen dhe vajin e perimeve

Shtijeni mbi përbërësit e thatë dhe përzieni së bashku

Hapeni masën në mënyrë të njëtrajtshme në një tepsi biskotash 26×38 cm

Piqeni granolën për 35-40 minuta duke u siguruar që ti jepni një të përzier çdo 10 minuta, kjo për një pjekje të barabartë

Sapo ta nxirrni nga furra, shtoni rrushin e thatë dhe boronicat e kuqe

Vendoseni në një ene hermetike dhe përdoreni kurdo

Processed with VSCOcam with se3 preset

Processed with VSCOcam with se3 preset

 

Fotografitë nga Julia Janku