Eja Në Gramsh

Vëmendje: Fotot e këtij artikulli janë të gjitha natyrale, pa asnjë edtitim apo theksim ngjyrash!

 

Bashkinë e Gramshit kam patur mundësinë ta njoh më mirë gjatë lëndës “Promovim Qyteti”; një nga lëndët më të bukura të këtij viti shkollor. Një bashki e cila përfshin qytetin e Gramshit dhe 9 njësi të mrekullueshem përreth (Sult, Tunjë, Pishaj, Poroçan, Kukur, Lenjë, Skëndërbegas, Kodovajt, Kushovë). Një potencial dhe një bukuri përrallore e cila gjendet fare pranë nesh, por ende e egër dhe e pa eksploruar nga shumica e banorëve në Shqipëri.

Bashkia Gramsh në bashkëpunim me Co-PLAN, Institutin për Zhvillimin e Habitatit organizojnë NATYRA FEST #EjaNeGramsh një festival aktivitetesh në natyrë në fundjavën e 26-28 Majit, 2017. Aktiviteti synon të lidhë më shumë qytetarët me natyrën, të krijojë alternativa të reja për të njohur qytetin, kulturën dhe traditën, si dhe të jetë stimulues për bizneset vendase. Kjo nismë, që synon të promovojë Gramshin si destinacion turistik, është po aq dhe një projekt social: një mundësi shumë e mirë, për të mbështetur në mënyrë të prekshme një komunitet vendas të zhvillojë aktivitete ekonomike në përputhje me parimet bazë të turizmit të qëndrueshëm.

Natyra Fest #EjaNeGramsh do të sjellë festë në qytetin e Gramshit dhe në njësitë administrative, një Festival Folklorik, një panair të specialiteteve vendase, dhe aktivitete argëtuese të ndryshme në natyrë.

Gramshi vjen më afër turistëve përmes ofertës së larmishme turistike ende të pazbuluar, ku spikasin Ujëvara e Sotirës, Kanioni i Holtës, Shpella e Kabashit, Liqeni i Dushkut, Grabova, Liqeni i Zi, Kanioni i Sinecit, Kalaja e Kodrionit dhe e Tëvolit, dhe Rovie e Kukurit. Ky qytet ofron mundësi të jashtëzakonshme për ecje në natyrë (hiking), marshim (trekking), kamping (camping), ngjitje dhe kacavarje në shkëmbinj (climbing), offroad rally, çiklizëm, eksplorim shpellash (caving), eksplorim kanionesh dhe burimesh të tjera ujore si ujëvara, liqene, lumenj. Nëpërmjet kësaj nisme, dëshirojmë ta shndërrojmë turizmin në motorrin e zhvillimit ekonomik lokal, sidomos për sa i përket turizmit të aventurës dhe aktiviteteve sportive në natyrë.

Eja Ne Gramsh 2

Ka dy mënyra si mund të bëheni pjesë e NATYRA FEST: Varësisht preferencave tuaja ju mund të zgjidhni cila ju përshtatet më mire:

  1. Rezervoni paraprakisht itineraret që dëshironi përmes klubeve partnerë të NATYRA FEST:
    1. High Albania Summit Club – Person Kontakti Fisnik Muça 

Klubi Discover Albania – Numër kontakti 069 658 3870 

  1. Outing Albania 

My Albania Nature Explorers – Numër Kontakti 0698897808 

  1. AST – Elbasani – veçanërisht e përshtatshme për njerëzit që do duan të nisen nga Elbasani 
  2. Eksplorim i Shpellës së Kabashit më 27 Maj (dhe 28 Maj varësisht kërkesës) – Person Kontakti – Leonard Toska 0686408448

 

  1. Për të gjithë ata që duan të organizohen e udhëtojnë vetë, kemi përgatitur material orientues që do ju ndihmojë të:
    1. Planifikoni dhe siguroni transportin me mjete 4×4 brenda Gramshit dhe në destinacionet përreth
    2. Rezervoni fjetjen në hotele brenda në qytet ose përreth
    3. Shijoni ushqimin e zones
    4. Njiheni me disa nga itineraret dhe destinacionet që mund të vizitoni në Gramsh

 

Për të gjithë ata që do të zgjedhin të vijnë dhe kalojnë fundjavën e 26-28 Majit në Gramsh, programi do të jetë si më poshtë:

 

Dita 1 – E Premte pasdite (26.05.2017)

  • Rrugës për në Gramsh ndalesë në “Belvedere-n” e Gramshit buzë liqenit për fotot dhe hashtags të rastit
  • Mbërritja në Gramsh dhe Rehatimi në Hotel/ Bujtina/ Tenda
Vizita tek Panairi me produkte ushqimore vendase në Sheshin e Qytetit
Pasdite e lirë për ecje ose xhiro me biçikleta përreth liqenit të Banjës për të shijuar perëndimin e diellit
  • Festival i Muzikës Popullore në Pallatin e Kulturës së Qytetit
  • Festë me DJ buzë liqenit (pranë restorantit “Etjoni”)

 

Dita 2 – E shtunë (gjithë ditën) (27.05.2017)

  • Mëngjesi dhe blerja e ushqimeve në panair
  • Përzgjedhja e itinerarit (për ata që nuk vijnë regjistruar përmes klubeve që kanë marrë rezervime online)
  • Nisja në grup për në itineraret e përzgjedhura: ecje në natyrë (hiking), marshim (trekking), kamping (camping), ngjitje dhe kacavarje në shkëmbinj (climbing), o road rally, çiklizëm, eksplorim shpellash (caving), eksplorim kanionesh dhe burimesh të tjera ujore si ujëvara e Sotirës, Liqeni i Zi, Liqeni i Dushkut, piknik në natyrë, vizitë në bletë-rritës të zonës, vizita në kala të vjetra si Kodrioni dhe Tërvoli, etj.
  • Kthimi pasdite në hotel/ tenda
  • Darka në panair/ restorante
  • Party në ambient të hapur pranë liqenit (pranë restorant “Etjoni”)

 

Dita 3 – E djelë, (paradite) (28.05.2017)

  • Zgjim i vonë (për ata që nuk kanë në plan aktivitete në natyrë)
  • Blerjet e fundit në panairin e ngritur
  • Vizitë në Hidrocentralin e Banjës – Devoll Hydropower (Statcraft, TBC)

 

Për të gjithë ata që do të vijnë e do të kënaqen, mos harroni që kur të postoni apo ndani fotot tuaja me miqtë, të përdorni #EjaNeGramsh

Eja Ne Gramsh 3 Eja Ne Gramsh 4 Eja Ne Gramsh 5 Eja Ne Gramsh 6 Eja Ne Gramsh 7 Eja Ne Gramsh 8 Eja Ne Gramsh 9

 

Fotografitë nga Co-PLAN

Trevat Shqiptare Në Polis

Ideja për TREVAT në POLIS nisi krejt spontanisht nga Këshilli Studentor Polis. Fillimisht ideja ishte të kendohej himni e studentët të vishnin ngjyrat kombëtare, por ajo ndryshoi duke evoluar gjithnjë e më shumë. Identiteti kombëtar është arsyeja më e rëndësishme për festim, prandaj tema kryesore e festimit u vendos të ishte “Trevat”.

E ndërsa në Polis ne besojme tek metropolitanizmi, kjo do të ishte pak si “piper djegës” që i jepte stilit dhe shijes polisjane një aromë lokale. Ndaj studentët kerkuan të tejkalonin bërjen e një ekspozite të ftohtë punimesh artistike. Ne të gjithë bashkë u shtymë të arrinim ndjesinë e shtëpisë shqiptare përmes ngrohtësisë së saj. TREVAT ishte në thelb koncepti i një shtëpie të madhe mikpritëse shqiptare.

Në fakt, mund të gjeje aty çdo gjë që të kujtonte shtëpinë tradicionale … çentrot e gjyshes, stolat e sixhadet, perdet e qendisura a radio të një tjetër shekulli. Tigani tradicional i Gjirokastrës, përkrah sixhades nga Himara, pikturat shkodra e punimet artizanale të Beratit. Por shtëpia e madhe e trevave tona, kishte vend dhe për art të mirëfilltë bashkëkohor, i frymëzuar nga ai tradicional. Ishin jo te pakta punimet që studentët kanë realizuar si detyra e ne i kërkuam në arkivën e universitetit. Ishte gjithashtu interesante përballja e tyre me të vjetrën, në TREVAT. Natyrisht veshjet kombëtare ishin padyshim ajka e ekspozitës TREVAT. Spikatën kostume Ulqinake, Kuksiane, Labe, etj. Mirëpo, çorapet e leshta, kishin padyshim vendin e nderit, duke qenë se janë përherë prezente në shtepitë tona, jo si elemente të thjeshta, utilitare, por edhe si një element i rëndësishëm i ekspresivitetit artistik.

Ekspozita ishte e hapur gjatë të gjithë ditës në Polis, mirëpo banketi me ushqimet tradicionale, përgatitur nga studentët, ishte momenti kulmor. Tavolinat e mbushura me gatime të shijshme por dhe të panjohura nga disa prej nesh, zgjonin kuriozitetit dhe të hapni oreksin. Edhe njëherë u dëshmua se kulinaria shqiptare është sëbashku art e dashuri. Por sofra e mikpritjes ishte gjithashtu element kulmor i TREVAVE. Në fakt shqiptaret kur mblidhen në festime, u mjafton vetem pak muzikë për të nisur vallen. Kështu ndodhi edhe me TREVAT dje. Vallja e Kukësit, e Rugovës, ajo Çame, Napoloni, etj, i kthyen TREVAT në një festë të vërtetë, në një moment kthimi në kohë, ku njerëzit kërcenin të lirë vallet dhe tingujt që prej shekujsh shoqërojnë gëzimet dhe festimet shqiptare.

Ishte emocionuese te ishe pjesë e ditës së djeshme në Polis. Urojmë të kemi tejkaluar pritshmëritë, e të kemi buzëqeshur sadopak ditën e të gjithëve: Festën e Flamurit! Sigurisht, një falenderim shkon për organizatorët: Këshilli Studentor i Polis, si dhe ata qe kontribuan sipas mundësisë së tyre. KIKILICIOUSS team ishte gjithashtu prezente në TREVAT me një tryezë menuje recetash tradicionale të interpretuar sipas recetave të familjes. Ishte një ditë e bukur edhe për ekipin, i cili dokumentonte ndërsa ishte edhe pjesë e këtij evenimenti.

KIKILICIOUSS ju uron të gjithëve: Gëzuar festën e Flamurit dhe Gëzuar Pavarësinë Shqipëri !

IMG_4077 IMG_4091 IMG_4108 IMG_4114 IMG_4129 IMG_4134 IMG_4161 IMG_4162 IMG_4192 IMG_4193 IMG_4216 IMG_4353 IMG_4355 Untitled-1 Untitled-2 Untitled-3 Untitled-4

 

 Fotografite nga unë dhe Julia Janku