Dita e Tokës 2017

Dita e Tokës, 22 prilli festohet në të gjithë botën për të përkujtuar dhe përkushtuar ruajtjes së ambjentit dhe tokës në të cilën ne jetojmë. Lëvizja Food Revolution Albania së bashku me Slow Food Albania, dhe shumë komunitete ushqimi: nxënës shkollash, mësues, bujq e blegtorë nblidhen tok për të shprehur impenjimin e tyre të përditshëm e përhershëm ndaj Tokës dhe ambjenit në të cilin jetojmë me veprime të thjeshta, por shumë të rëndësishme. Veprime siç janë mbjellja e tokës me fruta dhe perime, vjelja e perimeve dhe frutave të stinës, njohja me kafshët dhe mbi të gjitha me profesionin e lashtë të bujkut dhe blegtorit/bariut. Afrimi i njeriut urban dhe virtual pranë atij rural dhe fshatarit në kohët moderne ku virtualiteti mbizotëron jetët tona dhe të fëmijëve tanë; merr një rëndësi të jashtëzakonshme. Ndaj, largimi i fëmijëve, të paktën një herë në javë nga jeta urbane dhe prania e tyre në ambjente plot natyrë, ajër, kafshë etj merr rëndësi të veçantë për formimin e tyre të ardhshëm. Mbi të gjitha edukimi i fëmijëve me praktika të drejtëpërdrejta mbi tokën dhe punimin e saj i bën ata ta respektojnë dhe ruajnë më shumë ambjentin, njohin të mirat dhe frutet që ajo na jep dhe impenjimin e tyre për t’i “kthyer mbrapsht ose larë borxhin” me punë si mbjellja e tokës, mospërdorimi i pesticideve dhe inputeve kimikë që e dëmtojnë atë, ushqyerja sipas stinëve dhe territorit ku jetojmë (koncepti “kilometër 0”).

2-ED1 3-ED2

Këtë vit vendosëm (Food Revolution Albania dhe Slow Food Albania) të marrim fëmijët e klasave të katërta dhe pesta të shkollës 9-vjecare “Niket Dardani” dhe ta festojmë Ditës e Tokës pranë ambjeteve të “Mrizit të Zanave”. Gjatë udhëtimit me autobus u bë një bashkëbisedim mbi ditën e tokës dhe pse duhet ta mbajmë atë pastër. Fëmijët ishin plot ide dhe shumë entuziast për këtë eksperiencë. Me të arritur në destinacion ata u argëtuan duke bërë një xhiro me “trenin e fëmijëve” të Mrizit dhe më pas u bë një tur me Silvana Pinarin, Sokol Prengën, Përparim Babalijen, Altin Prengën dhe mua përgjatë ullinjve duke u shpjeguar rëndësinë e ullirit, vajit të ullirit dhe ndryshimi mes një vaji të mirë dhe atij më pak cilësor. Kaluam në tokën e thekrës dhe ishin fëmijët ata që përmes të folurit tonë ndanin eksperiencat dhe dietat e tyre ushqimore (se ku e përdornin thekrën etj). Ushqimi i mrekullueshëm i Mrizit nuk mund të mungonte në këtë event dhe fëmijët shijuan plot gatesa të shijshme dhe të shëndetshme. Si qershia mbi tortë e fundit zuri vend loja që Altin Prenga(i zoti i shtëpisë) kishte përgatitur për fëmijët. Tryeza e tokës ku ai cilësonte emrin e perimit apo frutit dhe fëmijët e gjenin. Ishte një moment tejet i gëzueshëm të kuptoje që këta fëmijë kishin njohuri të shumta dhe ishin të hapur për të mësuar më tepër rreth tokës dhe të mirave të saj. Pas mbarimit të aktivitetit, fëmijët vizituan varrit e Skënderbeut dhe u kthyen në shtëpi.

Ishte emocionuese të shihje e dëgjoje fëmijët në kthim të bisedonin për ato që kishin kaluar gjatë aktivitetit dhe të reflektonin për mësimin e marrë në mënyrë praktike.

Falenderoj pjesën tjetër të stafit të Food Revolution që nuk mundën të ishin dot pjesë e këtij eventi: Dhurata Thanasi-n (themeluesen e FRA), Orana Sinani-n, Ejona Varangu-n, Jona Gjini-n, Mondi Kikino-n, Eldisa Lloshi-n, Ilir Fama-n.

5-ED4 6ED5 7-ED6 8-ED7 9-ED8 10-ED9 11-ED10 12-ED11 13-ED12 14ED13 15-ED14

 

Fotografitë nga unë 

Një Krishtlindje Ndryshe – Down Syndrome Albania

Në datën 19 Dhjetor 2015 DSA (Down Syndrom Albania) në bashkëpunim me Food Revolution Albania organizuan festimin e Vitit të Ri me familjet e fëmijëve me sindromën dawn.

Në këtë aktivitet morën pjesë artistë shqiptarë, punonjës, operatorë dhe psikologë që merren me trajtimin e fëmijëve me sindromën dawn si dhe qytetarë të tjerë.

Së bashku me Dhuratën, Eldisën, dhe Oranën vendosëm të vullnetarizonim me gatimin e ushqimeve të shëndetshme për fëmijët. Këtë aktivitet e kishim filluar një vit më parë në përmasa më të vogla duke gatuar së bashku me fëmijët dhe mundësuar nxitjen e aftësive motorike të fëmijëve nëpërmjet gatimit. Meqenë se pjesëmarrja e fëmijëve këtë vit ishte shumë e madhe vendosëm që gatimet ti bënim veçmas dhe t’ua ofronim fëmijëve dhe të ftuarve për ti shijuar. Një javë përpara festës vendosëm që të mblidheshim të katërta së bashku dhe të krijonim menunë jo vetëm të shëndetshme, por dhe të përshtatshme për fëmijët. Pasi bëmë blerjen e përbërësve u ndamë në tre grupe dhe veçmas gatuam produktet e menduara më parë.

Gatimet e përzgjedhura nga ne ishin : fokaçe vegjetariane (domate dhe speca); muffin me spinaq; muffin me miell misri dhe djath të bardhë; humus klasik dhe humus me panxhar të kuq; byrek me kremviçe; byrek me spinaq; antipasta me ullinj dhe djath kaçkavall; domate me moxarela; biskota me xhinxher; mafishe; muffin me çokollatë të zezë dhe vanilje; strudel me mollë dhe fruta sezonale të freskëta.

Gjatë punës patëm dhe mbështjetjen e krijueses dhe drejtoreshës ekzekutive të qëndrës DSA Emanuela Pepkola Zaimi.

Në raste festash fëmijët përgjithësisht janë mësuar të hanë ushqime të gatshme duke filluar nga pijet me gaz, patatinat, kruasantët dhe gjithçka e paketuar. Ishte hera e parë që fëmijëve dhe prindërve u ofrohej ushqim i shijshëm dhe i gatuar me produkte të freskëta, i cili jo vetëm që u konsumua i tëri, por u shijua nga të gjithë pjesëmarrësit pa dallim moshe. Në këtë festë një ndihmë e madhe erdhi dhe nga dyqani Mia Organic i cili ofroi lëngjet e freskëta. Përveç gëzimit që pata duke parë fëmijët të gëzonin duke ngrënë produktet që ne kishim gatuar, më pëlqeu interesi që prindërit shprehën për t’u njohur me recetat e këtyrë gatimeve. Kjo padyshim tregon jo vetëm dëshirën për njohjen e recetës, por dhe interesin e prindërve për të gatuar vetë ushqime të shëndetshme për fëmijët.

Në atmosferën e këngëve, valleve, lojrave popullore të ofruara nga animatorët shqiptar; festuam së bashku me fëmijët dhe prindërit një Krishtlindje të paharruar.

1 2 IMG_7097 IMG_7135 IMG_7139 IMG_7164 IMG_7261 IMG_7287 IMG_7291 IMG_7335