Bars të shëndetshëm pa pjekje

Një recetë e kërkuar shumë së fundmi e madje as ne nuk e dimë pse nuk e kemi ndarë me ju më parë. Bars të shëndetshëm pa pjekje, janë alternative ideale si për mëngjes apo zamër të shëndetshëm, të shpejtë e pa shumë mundim.

Mund të marrim pak kohë gjatë një dite të lirë dhe të kemi bars përgjatë gjithë javës. Mjafton pasi ti presim ti mbështjellim me letër celofoni dhe ti ruajmë në frigorifer.

 

  • Mund të përdorni kajsi apo fiq të thatë në vend të hurmave të arabisë nëse dëshironi.
  • Gjithashtu dhe frutat e thata mund ti kombinoni sipas dëshirës suaj.

Përbërësit:

400 gram hurma arabie

125 gram arra

70 gram bajame

50 gram arrë kokosi e grirë

pak kripë me majat e gishtave

70 gram fara luledielli dhe kungulli

 

Proçedura:

Pastroni hurmat e arabisë nga bërthama e tyre.

Në një grirës ushqimor vendosni hurmat e arabisë dhe pulsoni për disa sekonda deri sa të fillojë masa të bëhet njësh.

Shtoni të gjithë përbërësit e tjerë me rradhë duke lënë pak mënjanë fara luledielli dhe kungulli.

Pulsoni disa sekonda, fikni, përzieni me një spatul nëse është e nevojshme dhe pulsoni sërish deri sa të keni konsistencën finale.

Deri sa kur të merrni pak masë në dorë dhe ta shtypni ajo të mbajë formën e saj.

Përgatisni një tepsi katrore 20×20 cm me letër furre duke u siguruar që të lini të paktën 2 anë jashtë (kjo do të bëjë të mundur daljen e masës më vonë tejet lehtësisht).

Vendosni brumin brenda, sheshoni pak me dorë, shtoni farat e mbetura të lulediellit dhe kungullit dhe vazhdoni me dorë të presoni masën.

Për ta ndihmuar sa më shumë këtë proçes vendosni një tjetër letër furre sipër dhe me dorë ose ndonjë enë qelqi filloni ushtroni presion në mënyrë që bars të jenë kompakt.

Vendoseni masën në frigorifer të mpikset, ose nëse nuk keni kohë vendoseni tek ngrirja për 30 minuta.

Nxirreni duke e hequr lehtësisht të gjithë masën duke përdorur anët e dala të letrës së furrës.

Prini bars tuaj me një thikë të madhe në formën dhe madhësinë e dëshiruar.

Puding Çokollate i Shëndetshëm Vegan dhe Pa Gluten

Falë një prej lexueseve të rregullta të Kikiliciouss u kujtova që ende nuk kisha postuar recetën time të pudingut me çokollatë. Kjo është një recetë ndryshe nga ato klasiket ku përdoret qumësht, çokollatë, niseshte etj.
Ky puding nuk kërkon gatim, mjafton të keni një blender ose grirës ushqimor dhe do ta keni gati në pak sekonda. Baza e tij në këtë rast është avokado, një përbërës që e bën atë jo vetëm shumë të shëndetshëm, por kremoz dhe i jep një pamje me shkëqim. Gjithashtu duhet përmendur që kjo recetë është pa gluten dhe vegan në rast të përdorimit të një qumështi alternativ.

  • Avokadon peshojeni pasi t’ia keni hequr lëkurën dhe bërthamën.
  • Në këtë recetë mund të përdorni qumësht të thjeshtë ose bajamesh, kokosi, tërshëre, soje etj. Është totalisht në dorën tuaj. Gramatura e shënuar në foto ju jep një produkt mjaft kompakt dhe të trashë falë shijeve të mia personale, por mos hezitoni të shtoni sasinë e qumështit në rast se e dëshironi më të hollë në përbërje pudingun.
  • Shurupin e panjes mund ta zëvendësoni me mjalt. Sasia e ëmbëlsuesit mund të shtohet në rast se e doni më të ëmbël.
  • Shoqerohet më së miri me fruta pylli e ekzotike.

2-ACP1 3-ACP2 4-ACP3 shqip1

Proçedura:

 

Vendosini të gjithë përbërësit në grirës ushqimor dhe bluajeni masën deri sa të jetë njëtrajtësuar.

7-ACP-P1

 

 Fotografitë nga Eranda Janku