Akullore Artizanale me Luleshtrydhe

Akullorja me luleshtrydhe ka qënë tejet e kërkuar këtë verë. Në fakt një recetë sa e ngjashme me të tjerat, po aq dhe unike. Akulloret me fruta në fakt janë ndër të preferuarat e mia, sidomos kur përgatiten në shtëpi. E them këtë pasi shija e një akulloreje e cila është përgatitur me frut të freskët të bërë pure, nuk ka të krahasuar me akulloret industriale të cilat në shumicën e rasteve mbartin vetëm ekstrakte frutash.

Duke qënë se shumica prej jush ka pyetur pafund për përgatitjen e akullores në kushte shtëpie dhe si ta stimulojmë atë që të na bëhet kremoze dhe e trashë sa më shpejt, në këtë recetë kam vendosur të përdor një teknikë tjetër; që në fakt e përdor shpesh në shtëpi.

Purenë e frutit vendoseni në akull minimumi një natë përpara dhe kjo do të sjellë që masa juaj finale të jetë shumë e ftohtë. Dhe kur masa shumë e ftohtë futet në enën e sapo dalë nga akulli, i gjithë proçesi është shumë më i thjeshtë. Për detajet e tjera lexoni vazhdimin e artikullit!

Continue reading “Akullore Artizanale me Luleshtrydhe”

Këshilla Për Akulloren ‘Perfekte’

Giveaway që postuam para një jave në bashkëpunim me Delimano bëri shumë bujë, e përpos komenteve të shumta morëm dhe shumë mesazhe. Mesazhe ku na pyesnit se cili është sekreti që akullorja të dalë ashtu siç duhet, sepse në shumicën e rasteve tuaja akullorja nuk dilte kremoze sipas minutazhit të makinën së akullores (soft serving siç quhet në anglisht).

Continue reading “Këshilla Për Akulloren ‘Perfekte’”

Akullore Artizanale Me Çaj Jeshil (Matcha)

Akullorja me çaj jeshil ishte një kërkesë tejet e këndshme dhe deri diku sfiduese e një prej lexuesve dhe klientëve të Kikiliciouss. Jam tejet e gëzuar dhe mirënjohëse që jo vetëm na komplimentoni dhe motivoni për të vazhduar më tej punën, por dhe na jepni ide dhe “detyra” të reja tepër frymëzuese.

Akullorja me çaj jeshil i cili quhet Matça (Matcha) është një gatim tradicional Japonez. Matça është forma pluhur e çajit jeshil dhe si e tillë ka shije shumë më të përqëndruar se gjethet e çajit. Përdoret gjerësisht në guzhinën Japoneze, por nuk mund të pihet aq shpesh sa konsumohet çaji jeshil (me pustina).

Futur gjerësisht dhe në tregun amerikan, matça dhe akullorja me matça gjendet pothuaj në të gjitha lokalet apo supermarketet që tregtojnë akullore. Në tregun shqiptar ka pak vite që është futur si produkt dhe ka filluar të përdoret së fundmi dhe në restorante të ndryshme në pjata si të kripura ashtu dhe të ëmbla.

Mu desh të bëja një kërkim të mirë për të arritur tek produkti final i cili besoj arrin shijen e tij origjinale (duke qenë se nuk e kam provuar ndonjëherë këtë produkt në vendin e origjinës).

Kjo recetë është marrë nga Japanese Cooking 101.

Continue reading “Akullore Artizanale Me Çaj Jeshil (Matcha)”

Akullore Artizanale Kremoze me Çokollatë Të Zezë dhe Portokall

Të gatuarit me çokollatë të zezë për mua është e thjeshtë dhe argëtuese, kështu që kjo recetë nuk kishte si të ishte ndryshe. Kremoze, e mëndafshtë, tunduese dhe me një shije shpërthyese sapo gjuha kontakton me akulloren. Kjo verë po bëhet gjithnjë dhe më e shijshme, prandaj ju sugjeroj të mos humbisni kohë dhe ta përgatisni dhe ju në shtëpitë tuaja.

Continue reading “Akullore Artizanale Kremoze me Çokollatë Të Zezë dhe Portokall”

Akullore Artizanale me Mjedër

Akullorja artizanale me mjedër duhet të jetë një nga recetat e kësaj vere që nuk duhet lënë kurrsesi pa provuar. Kjo për dy arsye shumë të rëndësishme. E para sepse të provuarit dhe të gatuarit e një akullore artizanale në shtëpi do t’ju bëj që të mos kini ndrojë në të ardhmen për të bërë çdo shije të mundshme akulloreje artizanale. Së dyti sepse një shije kaq e mrekullueshme nuk duhet humbur përgjatë këtyre ditëve të nxehta.

Ajo që më pëlqen pa fund tek mjedra si frut është athtësia e saj dhe kombinimi ideal që arrihet në çdo ëmbëlsirë të gatuar me të. Kjo bën që një akullore e tillë të mos jetë shumë e ëmbël, por mjaftueshëm për tju ëmbëlsuar dhe freskuar në të njëjtën kohë.

Këtë akullore mund ta ruani në një enë në akull dhe jo vetëm ta shijoni me familjen, por ta përdorni dhe si armën tuaj të fortë kur të keni miq për vizitë. Kjo do t’ju japë fitoren e siguruar.

Continue reading “Akullore Artizanale me Mjedër”

Akullore e Shëndetshme në Shkop me Mjedër

Kjo është koha ideale për të shijuar në maksimum mjedrat e vendit tonë. Këto akullore janë shumë të thjeshta për t’u përgatitur dhe mund të jetë një recetë shumë e mirë për të aktivizuar fëmijët tuaj në guzhinë. E ku ka më mirë se të shijuarit e një akulloreje e cila është gatuar tërë dashuri dhe së cilës ia di përbërësit; duke evituar kështu çdo shtesë të panevojshme për trupin.

Këto akullore në shkop janë të shëndetshme dhe mund të konsumohen pa problem dhe për ata që janë me dietë dobësimi, mjafton të kenë kujdes sasinë e shurupit të panjës.

Continue reading “Akullore e Shëndetshme në Shkop me Mjedër”

Akullore me Fiq të Freskët

Reçeli i bërë vetë, nga duart e mamit tim ka qenë, është dhe besoj do të jetë gjithmonë diçka që s’do të mungojë kurrë në shtëpinë tonë. Reçel me fruta të ndryshme sipas stinës duke përmendur këtu të preferuarit e mi : reçel manaferrash, ftoi dhe fiqsh. Çdo muaj ka reçelërat e vet dhe kjo vihet re qartësisht në frigoriferin tonë sepse shtohen tasa plot e përplot me reçel (haha) që ti kemi përgjatë gjithë vitit.

Fiqtë janë një nga frutat tanë të preferuar si të gjallë ashtu dhe të gatuar dhe kjo vihet re lehtësisht nga hapësira e frigoriferit pasi është bërë reçeli me fik. Dhe më e bukura është kur e shijon fikun e plotë (një karakteristikë e mamasë sime : frutit gjithmonë ia ruan formën kur e bën reçel) gjatë muajve të tjerë të vitit ku të ngrënit e një fiku të freskët të duket pothuaj ëndërr.

Mund të jem zgjatur ca duke folur për reçelërat e ndoshta do pyesni veten në është një recetë reçeli apo akulloreje, por kjo sepse gjithmonë fikun si frut e lidh me reçelin dhe kujtimet e bukura sjellë prej tij. Në fund të fundit ushqimi është kujtime.

Një nga dhuratat më të bukura të kësaj vere ishte padyshim makina e akullores (dhuratë nga daja im). Kisha shumë kohë që doja një të tillë dhe sapo e mora në duar vendosa të bëj listën e gjatë të shijeve që doja ti provoja. E para sigurisht ishte ajo e fikut, meqë jemi dhe në muajin e tij. Kënaqësia që të jep zhurma kërcitëse e kokrrizave të fikut është gjëja më e bukur që ai frut mbart (përpos shijes natyrisht); prandaj vendosa të provoj një recetë në të cilën aroma, shija dhe kjo ndjesi të jetë kryesore; por në të njëjtën kohë të jetë kremoze siç një akullore e mirë duhet të jetë.

  • Në këtë recetë unë po përdor disa fiq të vegjël baçeje të cilët kanë ngjyrë të errët si në lëkurë ashtu dhe brenda në tul (por çdo lloj fiku bën punë për aq kohë sa është i pjekur mirë).
  • Gjithashtu mund të përdorni pak ekstrakt vanilje nëse dëshironi, por tani ju më njihni mua kështu që është e kotë ta përmend pse unë personalisht s’do ta përdor
  • Çdo akullore e bërë në shtëpi ndryshon në varësi të makinës së akullores që ju keni dhe përdorni. Kështu dhe kohëzgjatja si e mbajtjes së enës në akull si e gatimit të akullores ndryshon. Unë e lë enën time për rreth 24 orë në akull dhe akulloren të gatuhet për rreth 40 minuta.
  • Nëse nuk keni një makinë akulloreje mund ta vendosni masën në një enë dhe ta lini në akull deri sa të ngrihet. Mund t’ju them tani më nga eksperienca që tekstura e akullores ndryshon dhe ndryshon shumë sidomos kur vjen puna tek akullore si : me vanilje, çokollatë etj, ku baza nuk është frut. Por nëse nuk e keni një të tillë kjo s’duhet të jetë pengesë për të shijuar një mrekulli të tillë. Sidoqoftë unë ju rekomandoj ta blini një makinë të vogël akulloreje në rast se e keni pasion gatimin dhe të hani akullore ashtu si unë. Dini çfare hani, mund të gatuani sa herë të dëshironi dhe kostoja është shumë më e ulët se akulloret e blera në supermarket. E thënë shkurt investimi juaj do të shpërblehet 100%

Shpresoj t’ju pëlqejë dhe mezi pres komentet dhe përshtypjet. Mos harroni të më nisni dhe fotot të cilat më gëzojnë pa masë !

  • P.S : Nëse ju frymëzova me fjalimin tim për reçelin e fikut recetën e gjeni KËTU

2. Akullore Fiku 1 3. Akullore Fiku 2 4. Akullore Fiku 3 shqip

Proçedura :

 

Vendosni qumështin dhe sheqerin në një tenxhere dhe ngrohini bashkë deri sa sheqeri të jetë tretur plotësisht

Lëreni mënjanë deri sa të ftohet plotësisht, ose vendoseni enën në ujë të ftohtë që qumështi të ftohet më shpejt

Bluajini fiqtë deri sa të kthehen në një pure homogjene

Në një tas të madh përzieni të gjithë përbërësit së bashku (qumështin me sheqerin, vaniljen nëse po e përdorni, purenë e fiqve dhe ajkën e ëmbël)

Kini kujdes që mos e përzieni shumë ose shpejt pasi do rrihni ajkën e ëmbël duke e kthyer në krem

Ndizni makinën e akullores dhe vendoseni masën e krijuar brenda

Lëreni akulloren të bëhet sipas instruksioneve të makinës suaj

Më pas zhvendoseni akulloren në një enë dhe lëreni në ngrirje për të paktën 2-3 orë para se ta shërbeni

7. Akullore Fiku Procedura1 8. Akullore Fiku Procedura2 9. Akullore Fiku Procedura3 10. Akullore Fiku Procedura4 11. Akullore Fiku Procedura5 12. Akullore Fiku Procedura6

 

Fotografitë nga Eranda Janku

Akullore në Shkop me Pjeshkë

Kemi fatin që të shijojmë gjatë këtij sezoni disa nga frutat më të shijshme siç janë pjeshkët, fiqtë, bostani, shalqiri etj. Fruta që të japin luksin të eksperimentosh në gatim si të dëshirosh.

Kësaj rradhe vendosa të përgatis disa akullore me pjeshkë. Në fakt në këtë post po përdor nektarinat në vend të pjeshkëve (pasi këto të fundit më kishin mbaurar). Të dyja versionet janë shumë të shijshme, por për një shije më të fortë do t’ju rekomandoja pjeshkët. E thjeshtë, e shpejtë dhe me një kosto minimale ju do të keni sa hap e mbyll sytë një produkt jo vetëm te shijshem por dhe të shëndetshëm për veten e sidomos për fëmijët tuaj. Pra vetëm me tre përbërës që me siguri ju gjenden në shtëpi, ju do të keni gati një nga ushqimet më të dashura për të gjithë gjatë kësaj periudhe.

Mund ta përgatisni këtë recetë duke e dy ose trefishuar dhe ta mbani në akull, kështu do të keni gjithmonë akullore në shtëpi, duke evituar të blerit akullore industriale nëpër dyqane.

Këto forma silikoni i kam blerë këtu dhe më besoni kur ju them që ia ka vlejtur çdo qindarkë e shpenzuar; pasi jo vetëm që të shpëton në kohë dhe në hapesirë, por duket si një akullore e blerë në dyqan.

Continue reading “Akullore në Shkop me Pjeshkë”

Akullore me Çokollatë të Zezë dhe Mjedër

Tani që ditët e nxehta kanë ardhur çdokujt i vete mendja për një akullore e cila do ti shuajë sado pak vapën. E ku ka më mirë se të shijosh një akullore e cila është gatuar tërë dashuri dhe së cilës ia di përbërësit; duke evituar kështu çdo shtesë të panevojshme për trupin.

Duke qenë se çokollata e zezë është një ndër përbërësit dhe shijet me të cilat unë eksperimentoj së tepërmi ishte e ditur që sdo të vononte dhe receta e një akulloreje me të.

Kremoze, e freskët dhe e pasur. Por më e rëndësishmja është që kjo recetë është tejet e thjeshtë dhe aspak e komplikuar për t’u arritur rezultati i duhur final.

Këto forma silikoni i kam blerë këtu dhe më besoni kur ju them që ia ka vlejtur çdo qindarkë e shpenzuar; pasi jo vetëm që të shpëton në kohë dhe në hapesirë, por duket si një akullore e blerë në dyqan.

Continue reading “Akullore me Çokollatë të Zezë dhe Mjedër”

Akullore me Dy Përbërës pa Makinë Akulloreje

Të gatuarit e akullores në shtëpi nuk është më një mision i pamundur.Me këtë recetë nuk do t’ju nevojitet një makinë akulloreje, madje as soba. Vetëm një rrahëse elektrike dhe një tas; dhe nëse nuk ju gjendet afër as rrahësja elektrike mos u shqetësoni. Një rrahëse e thjeshtë dore dhe pak forcë krahu do të punojnë në mënyrë të përkryer.

Është e habitshme se si mund të keni një akullore të butë dhe kremoze vetëm me dy përbërës të thjeshtë. Pjesa më e bukur është se mund ta lini ashtu të thjeshtë, ose ta kombinoni me çfarë t’ju dëshirojë zemra.

Një recetë e thjeshtë, argëtuese dhe e shijshme. Çfarë mund të kërkoni më shumë ?!

Continue reading “Akullore me Dy Përbërës pa Makinë Akulloreje”